டியூபர்குளோஸிஸ் / காச நோய் (டி.பி.)

டிபி எனப்படும் காசநோய், ஒரு தொற்றக்கூடிய நோய். இது மைகோபாக்டீரியம் டியூபர்குளோஸிஸ் எனப்படும் பாக்டீரியாவால் தோற்றுவிக்கப்படுகிறது.

நோய் பரவும் முறை

காசநோய் கண்ட நபரிலிருந்து காற்றின் மூலம் இந்நோய் மற்ற நபர்களுக்கு பரவுகிறது. இந்நோய் கண்ட நபர் மூலம், ஒரு வருடத்தில் 10 அல்லது அதற்கு மேற்பட்ட நபருக்கு இந்நோய் தொற்றும்.

அறிகுறிகள்

டிபிக்கான பொதுவான அறிகுறிகள்

* மூன்று வாரங்கள் அல்லது அதற்கு மேற்பட்ட நாட்கள் இருமல், சில வேளைகளில் இரத்தம் கலந்த சளி வெளியேறுதல்.
* காய்ச்சல், குறிப்பாக இரவு நேரங்களில்
* எடை குறைவு
* பசி இன்மை.

டிபி மற்றும் எச்.ஐ.வி

எச்.ஐ.வி. (எய்ட்ஸ் உண்டாக்கும் வைரஸ்) தாக்கப்பட்ட ஆண்கள் மற்றும் பெண்களில், காசநோய் ஏற்படுவதற்கான வாய்ப்பு மிக அதிகம். எச்.ஐ.வி நோய் தொற்று கொண்டவர்களில், ஆரம்பத்தில் ஏற்படக்கூடிய நோய், காசநோயாகும். எச்.ஐ.வி நோய் உள்ள நபருக்கு டிபி கிருமி தொற்றும் போது, மற்ற நபர்களை விட இவர்களில் இந்நோய் ஏற்படுவதற்கான வாய்ப்பு, ஆறு மடங்கு அதிகமாகும்.
இருந்த போதிலும், காசநோயை குணப்படுத்த முடியும். எச்.ஐ.வி நோய் கொண்ட நபரிலும், டாட்ஸ் (டிஓடிஎஸ்) எனும் டிபிக்கான சிகிச்சை முறை, நோயின் நிலை மற்றும் நோயாளிகளின் இறப்பை, வெகுவாகக் குறைக்கிறது.

சிறுபிள்ளைகளில் காசநோய்

* சிறுபிள்ளைகளில் காசநோய் ஏற்படுவதற்கான வாய்ப்புகள் அதிகம்
* கீழ்கண்ட சூழலில் வாழும் சில குழந்தைகளில், காசநோய் மற்றவர்களை விட அதிக அளவில் தொற்றக்கூடிய அபாயம் உண்டு

- காசநோயின் தாக்கம் அதிகம் உள்ள நபர்கள் வசிக்கும் வீட்டிலுள்ள குழந்தைகளுக்கு.
- எச்.ஐ.வி அல்லது மற்ற நோய் தடுப்பு தன்மையை குறைக்கும் நோய்தொற்று கொண்ட சிறு பிள்ளைகள்
- காசநோய் ஏற்படக்கூடிய நிலையில் உள்ள நாடுகளில் உள்ள சிறுபிள்ளைகள்.
- மருத்துவ வசதிகள் குறைவாக உள்ள சமூகசூழ்நிலையில் உள்ள சிறு பிள்ளைகள்.

தடுப்பூசி

பிசிஜி எனப்படும் டிபி தடுப்பூசி உண்டு. இது ஓரளவுக்கு, பிள்ளைகளில் காசநோய் தடுப்பு ஏற்பட உதவுகிறது.

சிகிச்சை

டாட்ஸ் சிகிச்சை முறை டிபி-க்கான ஒரு முக்கிய உத்தி அல்லது சிகிச்சை முறையாகும். இச்சிகிச்சை முறையினை குறைந்தபட்சம் 6 மாதங்கள் மேற்கொள்ள வேண்டும்.

எக்ஸ்ட்ரா பல்மோனரி டியூபர்குளோசிஸ் (நுரையீரலுக்கு தொடர்பில்லாத காசநோய்)

எக்ஸ்ட்ரா பல்மோனரி காசநோய் என்பது நுரையீரல் அல்லாத மற்ற பகுதிகளில் ஏற்படும் காசநோயினைக் குறிக்கிறது.

அறிகுறிகள்

நோய்தொற்று கொண்ட குறிப்பிட்ட பகுதி (நிணநீர்ச்சுரப்பிக் கணுக்கள்-லிம்ஸ்ப்நோட்ஸில் காசநோய்) வீக்கமடைதல், நடமாடும் திறன் குறைதல் (முதுகெலும்பு கூர்முனை-ஸ்பைனில் காசநோய்) அல்லது கடுமையான தலைவலி மற்றும் நரம்புசம்பந்தமான குறைசெயல்பாடு (டி.பி. மெனிஞ்ஜைடிஸ்) போன்றவையாகும்.

எக்ஸ்ட்ரா பல்மோனரி டிபி-யில் இருமல் இருக்காது ஏனெனில் இது நுரையீரலில் ஏற்படுவது இல்லை.

நோய் ஏற்படுதல்

* முதன்மை நோய்த்தொற்றின் போது, இந்நோய்பரப்பும் பாக்டீரியா இரத்தம் மற்றும் நிணநீர் மண்டலம் மூலம் நுரையீரல் அல்லாத மற்ற பகுதிகளுக்கு பரவுகிறது. நோய் தொற்று கண்ட நபரின் உடலில், நோய் எதிர்ப்பு சக்தி போதுமானதாக இருப்பின், இந்நோய்கிருமிகள் அழிக்கப்படுகின்றன. நோய்தொற்று கண்ட நபரின் உடலில், நோய் எதர்ப்பு திறன் குறைபாடு இருப்பின், இவ்வகை பாக்டீரியாக்கள் குறிப்பிட்ட பகுதிகளில் தங்கிவிடுகின்றன. இந்நோயினை தோற்றுவிப்பதற்கு முன்பு, சில மாதங்கள் முதல் வருடங்கள் வரை, தங்கள் இனப்பெருக்கத்தினை பாக்டீரியாக்கள் செய்து கொள்கின்றன.

* இருமல் மூலம், நுரையீரலில் உள்ள பாக்டீரியாக்கள் சளி வழியாக வெளிவரும். அப்படி வரும் சளியினை விழுங்கும் போது, கழுத்துபகுதியில் உள்ள நிணநீர் நாளமுடிச்சுக்கள் மற்றும் வயிறு, குடல் போன்ற பகுதிகளுக்குள் பாக்டீரியாக்கள் செல்கின்றன.

* நோய் தொற்று கண்ட விலங்குகளின் பாலில் உள்ள மைக்கோபாக்டீரியம் போவிஸ் எனும் நோய் கிருமிகளால் பாலின் மூலம் இந்நோய் மனிதர்களுக்கு பரவுகிறது.

இந்நோய் தொற்று ஏற்படும் பொதுவான பகுதிகள்

* நிணநீர் முடிச்சுகள் மற்றும் சீழுடன் உள்ள கட்டிகள் -குறிப்பாக கழுத்தை சுற்றியுள்ள பகுதிகளில்

* எலும்பு மற்றும் மூட்டுக்கள்-இப்பகுதி பாதிப்பு ஏற்பட்டால், நோயாளிகளில் பாதிப்பேருக்கு முதுகெலும்பு முற்பகுதி பாதிக்கப்படுகிறது.

* பெண்களில் கர்ப்பப் பை, ஆண்களில் விதைப்பையில் உள்ள எபிடிடைமிஸ் எனப்படும் இனப்பெருக்க உறுப்பு பகுதி பாதிக்கப்படுகிறது. இருபாலரிலும், சிறுநீரகம், சிறுநீரகக்குழாய்கள் அல்லது சிறுநீர்ப்பை நோய் பாதிக்கிறது.

* வயிறு, குடல் மற்றும் அதைச் சுற்றியுள்ள பெரிடோனியம் எனப்படும் சவ்வுப்பகுதி பாதிக்கப்படலாம்.

* மூலை பகுதி (மெனிஞ்ஜைடிஸ்) - பாதிப்பு சரியான நேரத்தில் கண்டறிந்து சிகிச்சை அளிக்காவிட்டால், விரைவில் மரணத்தைத் தோற்றுவிக்கும்.

* பெரிகார்டியம் (இதய உறை) - பாதிக்கப்படும் போது, இதயம் சுருக்கமடையச் செய்கிறது.

* தோல்- பாதிப்பு பல வடிவங்களில் ஏற்படும்.