O நெகடிவ் ரத்த தானம் - பத்தாவது முறை

**அகல்** · **அகல்** Fri Feb 01, 2013 2:45 pm

பத்தாவது முறையாக இன்று எனது O நெகடிவ் ரத்தத்தை தானம் செய்தேன் !

பெரும்பாலான நேரங்களில் விபத்துக்களில் சிக்கியவர்கள் மற்றும் இதய அறுவை சிகிச்சைக்கே தானம் செய்திருக்கிறேன். அதில் சில தோல்வியுற்றன. பல வெற்றிபெற்றன.

தொல்விபெற்ற நேரங்களில் மிகவும் வருந்தி இருக்கிறேன். வெற்றி பெற்ற நேரங்களில் சாதி, மதம், இனம், மொழி இவற்றையும் தாண்டி, முகமறியாத ஒருவரின் மொத்த குடும்ப நபர்களின் முகத்தில் புன்னகையை வரவழைக்க, இந்த உலகில் நானும் ஆசிர்வதிக்கப் பட்டிருப்பதாய் நினைத்து கர்வத்துடன் மிகவும் சந்தோசத்தைப் பட்டிருக்கிறேன் (அதை வார்த்தைகளில் விவரிக்க இயலவில்லை).

இந்த உலகில் நமது கடைசிநாள் எதுவென்று எவருக்கும் தெரியாது. நம்மால் முடிந்ததை இந்த சமுதாயத்திற்குச் செய்வோம்.

Set a trend - Bring a friend to donate blood !

சிறு துளியேனும் நமது சமுதாயத்தில் தங்கள் ரத்தம் வழியாக மாற்றத்தைக் கொண்டுவரவும், சில உயிர்களைக் காக்கவும் என்னும் நண்பர்கள் http://www.bharatbloodbank.com/ என்ற இணையத்தில் தங்களை இணைத்துக்கொள்ளுங்கள். இது bharatmatrimony.com இணையதளத்தின் சமூக சேவைக்கான தளம். இதேபோல் பல இணையதளங்கள் உள்ளன. அதிலும் நம்மை இணைத்துக் கொண்டு சேவைகளைத் தொடரலாம்.

நாம் செய்யும் சில உதவிகளை வெளியே சொல்வது கூடாது. சில உதவிகள் சொல்லப்பட்டால், அது பன்மடங்கு பெருகும். இதுவே எனது எண்ணம்.

அன்புடன்,
அகல்