திருச்சி மாவட்டத்தில் ஒரே நாளில் 3 மாணவிகள் திருமணம் தடுத்து நிறுத்தம்: அதிகாரிகள் அதிரடி நடவடிக்கை

**ராஜா** · **ராஜா** Thu 14 Feb 2013 - 12:33

திருச்சி மாவட்டம் முசிறி அருகே உள்ள சேருகுடியை சேர்ந்தவர் ஜெயராமன் (வயது 30). லாரி டிரைவரான இவருக்கு கொடுமுடியில் நாளை திருமணம் நடத்த ஏற்பாடு செய்யப்பட்டது அதே பகுதியை சேர்ந்த மாணவி (14) மாணவி ஒருவரை மணப்பெண்ணாக உறவினர்கள் பேசி முடிவு செய்து இருந்தனர். இந்த திருமணத்திற்கு விருப்பம் இல்லாத மாணவி எதிர்ப்பு தெரிவித்தார். ஆனால் பெற்றோர் அதுபற்றி கண்டுகொள்ளவில்லை.

இதனால் அந்த மாணவி சைல்டு லைன் “1098” என்ற தொலைபேசி எண்ணில் தொடர்பு கொண்டு தனது திருமணத்தை நிறுத்தும்படி புகார் செய்தார்.

அதன்பேரில் மாவட்ட சமூக நல அலுவலர் யசோதை தலைமையிலான குழுவினர் சேருகுடி கிராமத்துக்கு சென்று அங்கு மாணவியின் பெற்றோரிடம் திருமணம் குறித்து விசாரனை நடத்தினர். பின்னர் இளம்வயது திருமணம் சட்டவிரோத நடவடிக்கை பற்றி எடுத்து கூறியதோடு இன்று நடக்க இருந்த மாணவியின் திருமணத்தை தடுத்து நிறுத்தினர்.

இந்த விசாரணை முடிந்து அதிகாரிகள் திருச்சி திரும்பியபோது அவர்களுக்கு மற்றொரு தகவல் கிடைத்தது. தொட்டியம் அருகே அம்மன்குடி கிராமத்தை சேர்ந்த பிளஸ்-1 மாணவிக்கு 31 வயதுடைய ஒருவருடன் திருமணம் நிச்சயம் செய்யப்பட்டு உள்ளதாகவும் அந்த மாணவி விரும்பாமல் எதிர்ப்பு தெரிவித்து வருதாகவும் தகவல் தெரிய வந்தது.

இதனால் வரும் வழியிலேயே அம்மன் குடிக்கு சென்ற அதிகாரிகள் அந்த மாணவியின் பெற்றோரை அழைத்து பேசி புரிய வைத்தனர். இதை தொடர்ந்து இளம்வயது மாணவியின் திருமணத்தையும் தடுத்து நிறுத்தினார்கள்.

இந்த நிலையில் “1098” தொலைபேசிக்கு மற்றொரு தகவல் வந்தது. அதில் திருச்சி அரியமங்கலத்தை சேர்ந்த பிளஸ்-1 மாணவியுடன் அதே பகுதியில் பெட்டிக்கடை நடத்திவரும் 32 வயதுடைய ஆனந்த் என்பவருடன் திருமணம் நடத்த ஏற்பாடு செய்யப்பட்டு வருவதாகவும், ஆனந்துக்கு ஏற்கனவே திருமணமாகி பெண் குழந்தை ஒன்று இருப்பதாகவும் கூறப்பட்டது.

தகவலை தொடர்ந்து குழந்தை நல குழுவின் முன்னாள் உறுப்பினர் நிர்மலா ராணி, மாவட்ட சமூக நலத்துறை பாதுகாப்பு அலுவலர் புளோரா ஆகியோர் அந்த பகுதிக்கு சென்று மாணவியின் பெற்றோரை அழைத்து பேசி எச்சரித்து திருமணத்தை நிறுத்தினர்.

ஒரே நாளில் 3 இளம் வயது திருமணங்களை தடுத்து நிறுத்தி இருப்பதற்கு பொதுமக்கள் பாராட்டு தெரி வித்துள்ளனர்.

பாலாஜி · பாலாஜி Thu 14 Feb 2013 - 12:43

நல்ல நடவடிக்கை ...பாராட்டுகள் மகிழ்ச்சி

**krishnaamma** · **krishnaamma** Thu 14 Feb 2013 - 12:49

வாழ்த்துகள் புன்னகை

.
.
.
ஆமாம் அந்த அப்பா அம்மாக்கு அறிவு என்பதே கிடையாதா? அய்யோ, நான் இல்லை

Sponsored content · Sponsored content

திருச்சி மாவட்டத்தில் ஒரே நாளில் 3 மாணவிகள் திருமணம் தடுத்து நிறுத்தம்: அதிகாரிகள் அதிரடி நடவடிக்கை

திருச்சி மாவட்டத்தில் ஒரே நாளில் 3 மாணவிகள் திருமணம் தடுத்து நிறுத்தம்: அதிகாரிகள் அதிரடி நடவடிக்கை

Re: திருச்சி மாவட்டத்தில் ஒரே நாளில் 3 மாணவிகள் திருமணம் தடுத்து நிறுத்தம்: அதிகாரிகள் அதிரடி நடவடிக்கை

Re: திருச்சி மாவட்டத்தில் ஒரே நாளில் 3 மாணவிகள் திருமணம் தடுத்து நிறுத்தம்: அதிகாரிகள் அதிரடி நடவடிக்கை

Re: திருச்சி மாவட்டத்தில் ஒரே நாளில் 3 மாணவிகள் திருமணம் தடுத்து நிறுத்தம்: அதிகாரிகள் அதிரடி நடவடிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக