அரபிக்கடலில் குறைந்த காற்றழுத்தம்: குமரி மாவட்டத்தில் விடிய விடிய மழை

தமிழ்நாட்டில் கடந்த ஜனவரி முதல் வறண்ட வானிலை நிலவி வருகிறது. இரவில் குளிர்க்காற்றும், பகலில் கடும் வெயிலும் அடித்தது. நேற்று இந்நிலை திடீரென மாறியது. தமிழகத்தில் அரபிக்கடல் பகுதியில் வளிமண்டல மேல் அடுக்கில் காற்று சுழற்சி உருவாகி வருவதாகவும், அது வலுவடையும்போது தென் மாவட்டங்களில் மழை பெய்ய வாய்ப்பு இருப்பதாகவும் வானிலை ஆய்வு மையம் தெரிவித்தது.

அதற்கேற்ப குமரி மாவட்டத்தில் நேற்று மாலை முதல் சீதோஷனம் திடீரென மாறியது. வெயிலின் தாக்கம் குறைந்து சாரல் மழை பெய்தது. இரவில் காற்றின் வேகம் மேலும் குறைந்தது. அப்போது கனமழை பெய்யத் தொடங் கியது. குறிப்பாக அரபிக்கடலோர கடற்கரை கிராமங்கள் மற்றும் மாவட்டத்தின் கிழக்கு பகுதிகளில் நல்ல மழை கொட்டியது. இரவில் பெய்த மழை இன்று அதிகாலை வரை நீடித்தது. அதிகபட்சமாக பொய்கை அணை, ஆரல்வாய்மொழி, பூதப்பாண்டி பகுதிகளில் 46 மி.மீ. மழை பெய்துள்ளது.

மாவட்டத்தின் மற்ற பகுதிகளில் இன்று காலை 8 மணி வரை பெய்த மழை அளவு மி.மீ. வருமாறு:-

பேச்சிப்பாறை-19, பெருஞ்சாணி-14.8, சிற்றாறு 1-4, சிற்றாறு 2-6, மாம்பழத்துறை யாறு-30, நாகர்கோவில்-32.5, சுருளோடு-24, கன்னியா குமரி-41.2, பாலமோர்-21, மயிலாடி-45.2, கொட்டாரம்-43.8, இரணியல்-16.2, ஆலஞ்சி-29, குளச்சல்-26.4, குருந்தன்கோடு-37.2, அடையாமடை-22, கோழிப்போர் விளை-7, முள்ளங்கினா விளை-8 புத்தன் அணை-15.

மாவட்டம் முழுவதும் பெய்த மழையால் பேச்சிப் பாறை அணைக்கு வினாடிக்கு 210 கனஅடி தண்ணீர் வருகிறது. அணையின் இன்றைய நீர் இருப்பு 3.25 அடி, பெருஞ்சாணி அணைக்கு வினாடிக்கு 42 கனஅடி தண்ணீர் வருகிறது. அணையில் 31.30 அடி தண்ணீர் உள்ளது. இன்று காலையிலும் குமரி மாவட்டத்தின் பல பகுதிகளிலும் லேசான சாரல் மழை பெய்தது.

நேற்று பெய்த மழை காரணமாக நாகர்கோவில் நகரின் பல பகுதிகளிலும் சாலைகளில் வெள்ளம் பெருக்கெடுத்து ஓடியது. சாக்கடைகளில் ஏற்பட்ட அடைப்பு காரணமாக கழிவு நீர் சாலைகளில் தேங்கியதால் இன்று காலையில் அந்த வழியாக வந்தவர்கள் நடக்க முடியாமல் அவதிப்பட்டனர்.

//நேற்று பெய்த மழை காரணமாக நாகர்கோவில் நகரின் பல பகுதிகளிலும் சாலைகளில் வெள்ளம் பெருக்கெடுத்து ஓடியது. சாக்கடைகளில் ஏற்பட்ட அடைப்பு காரணமாக கழிவு நீர் சாலைகளில் தேங்கியதால் இன்று காலையில் அந்த வழியாக வந்தவர்கள் நடக்க முடியாமல் அவதிப்பட்டனர்.//

மழை பெய்லை பெய்லை என்று சொல்வார்கள் , துளி மழை பெய்ததும் இந்த அழகு கருமம்