மீசை மாதையன் உள்பட 4 பேரின் மரண தண்டனையை மறுபரிசீலனை செய்ய வேண்டும்

**ராஜா** · **ராஜா** Thu Feb 14, 2013 10:44 am

கர்நாடகா மாநிலம் பாலாறு என்ற இடத்தில் கண்ணி வெடி தாக்குதல் நடத்திய சம்பவத்தில் மரண தண்டனை விதிக்கப்பட்ட சந்தன கடத்தல் வீரப்பன் கூட்டாளிகள் மீசை மாதையன் உள்பட 4 பேரின் கருணை மனுவை ஜனாதிபதி நிராகரிப்பு செய்தார். இதனால் 4 பேருக்கு விரைவில் தூக்கு தண்டனை நிறைவேற்றப்படும் என்று எதிர் பார்க்கப்படுகிறது.

இது குறித்து சேலத்தில் வீரப்பன் மனைவி முத்து லட்சுமி கூறியதாவது:-

மேட்டூர் அருகே பாலாறு என்ற இடத்தில் கண்ணி வெடி தாக்குதலில் வீரப்பன் கூட்டாளிகள் என்று மீசை மாதையன் உள்பட 4 பேரையும் கர்நாடகா போலீசார் கைது செய்துள்ளனர். அவர்கள் அப்பாவி மலைவாழ் மக்கள். வீரப்பன் கூட இருந்த ஒரே காரணத்திற்காக 4 பேரையும் கர்நாடகா போலீசார் பொய்யான வழக்கு பதிவு செய்து கைது செய்திருக்கிறார்கள்.

இந்த வழக்கில் தடா கோர்ட்டில் ஆயுள் தண்டனை பெற்ற அவர்கள் நீதியை கேட்டு சுப்ரீம் கோர்ட்டில் மேல்முறையீடு செய்தார்கள். ஆனால் சுப்ரீம் கோர்ட்டில் 4 பேருக்கும் மரண தண்டனை வழங்கி தீர்ப்பளிக்கப்பட்டது. இது ஜனநாயக நாடு. ஜனநாயக நாட்டில் நீதி கிடைக்கும் என்ற நம்பிக்கையில் ஜனாதிபதிக்கு கருணை மனு அனுப்பப்பட்டது. ஆனால் அந்த மனுவும் தற்போது நிராகரிக்கப் பட்டதுதான் வேதனைக்குரிய விஷயமாகும்.

நமது நாடு ஜனநாயக நாடு என்றால் மீசை மாதையன், ஞான பிரகாசம், சைமன், பில வேந்திரன் ஆகிய 4 பேரின் தூக்கு தண்டனையை மறுபரிசீலனை செய்ய வேண்டும்.

இவ்வாறு வீரப்பன் மனைவி முத்துலட்சுமி கூறினார்.

-மாலைமலர்

மீசை மாதையன் உள்பட 4 பேரின் மரண தண்டனையை மறுபரிசீலனை செய்ய வேண்டும்

மீசை மாதையன் உள்பட 4 பேரின் மரண தண்டனையை மறுபரிசீலனை செய்ய வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக