ஆண்கள் ஏன் அடிக்கடி சேனல் மாற்றுகிறார்கள்?

**சிவா** · **சிவா** Wed Feb 13, 2013 4:35 pm

First topic message reminder :

ஆண்கள் ஏன் அடிக்கடி சேனல் மாற்றுகிறார்கள் என்பதற்கு பல சுவாரஸ்யமான காரணங்கள் சொல்லப்படுகின்றன. அவற்றில் எட்டு:

1. ரிமோட் கண்ட்ரோல் என்பது ஆண்களுக்கு ஒரு விதமான சக்தி தருகிறது. 'நான்தான் குடும்பத் தலைவன். எனக்குக் கீழ்ப்படிந்துதான் டி.வி. உள்பட எல்லாரும் இயங்க வேண்டும்' என்கிற ஆணாதிக்கச் செயல் என்கிறார்கள்.

2. ஒரு மனைவியின் கூற்றின்படி... 'என் கணவரால் என்னை கண்ட்ரோல் பண்ண முடியவில்லை. ரிமோட் கண்ட்ரோலை இம்சை செய்கிறார்.'

3. ஆண்களின் ஆதிகால வேட்டையாடும் குணத்தின் நவீன வடிவம் இது. கையில் ரிமோட் வைத்திருக்கும் ஆண் சுவாரஸ்யமான இரைகளைத் தேடும் வேட்டை மிருகம்.

4. ஆண்களுக்கு உடனடியாக காரியம் நடக்க வேண்டும். மேலும் கொஞ்சம் சந்து கிடைத்தால் 'அங்கே என்ன ஓடிக்கொண்டிருக்கிறது... அதைத் தவறவிடக்கூடாது' என்கிற எட்டிப் பார்க்கும் ஆசையும் உண்டு.

5. எப்போதுமே ஆண்களுக்குக் கொஞ்சம் அலையும் ஆசையும், இருக்கிறதை விட்டுப் பறக்கிறதைப் பிடிக்கும் ஆசையும் உண்டு. 'இதைப் பார்த்தாகிவிட்டதே... வேறு எதாவது கிடைக்கிறதா பார்ப்போம்' என்கிற நப்பாசை.

6. ஒரு எலி, பூனை, நாய் போல பாவ்லாவியன் ரிஃப்ளக்ஸாக (Pavlovian Reflex) பட்டனை அழுத்தும்போதெல்லாம் சந்தோஷம் கிடைத்தால் அதிகம் சேனல் மாற்றமாட்டார்கள். ஆனால், அப்படிக் கிடைப்பதில்லை. அதனால் சந்தோஷத்தைத் தேடி இன்னும் இன்னும் தாவல்.

7. ரிமோட் கண்ட்ரோல் என்பது, ஒரு கணவன் தன் மனைவியைச் சுலபமாக வெறுப்பேற்றுவதற்கான சாதனம்.

8. ஒரு மனைவி எழுதியிருந்தார் - 'என் கணவனுக்கு பக்கவாதம் வந்து மெள்ள மெள்ள செயலிழந்து கொண்டிருந்தார். கடைசிவரை அவரால் தன்னிச்சையாகச் செய்ய முடிந்த காரியம் - ஒரு பென்சிலை வாயில் வைத்துக் கொண்டு மிகுந்த சிரமத்துடன் ரிமோட்டின் பட்டனை அமுக்குவதே. அந்தக் காரியம் அவருக்கு மிகவும் பிடித்திருந்தது. அதையும் இழந்த பின் அவர் இறந்துபோனார்.'

- சுஜாதா
கற்றதும் பெற்றதும் நூலில் இருந்து..

யினியவன் · யினியவன் Wed Feb 13, 2013 4:49 pm

டெர்ரர் பாபு wrote:மனைவி , குழந்தைகள் தூங்கிய பின்னர் தான் ரிமோட் கைக்கு வரும் .

மிட்னைட் மசாலா தான் - பட்டய கெளப்புங்க

**சிவா** · **சிவா** Wed Feb 13, 2013 4:49 pm

யினியவன் wrote:
சிவா wrote:நான் இதுவரை வீட்டில் ரிமோட்டை பார்த்ததே இல்லை!
ஐயோ பாவம் - இது கொடுமை சிவா - அவங்க கட்டளைக்கு பணிந்து ஒவ்வொரு நாளும் நீங்க பல கிலோமீட்டர்கள் நடப்பீங்க போலிருக்கு டிவிக்கும் சோபாக்குமா!!!!

கெஞ்சி ஒரு ரிமோட்டை வாங்கித் தர சொல்லுங்க.

ரிமோட் இருக்கு தல, ஆனால் என்ன சேனல் ஓடுதோ அதைப் பார்த்துக் கொண்டிருப்பேன்! நானாக விருப்பப்பட்டு மாற்ற மாட்டேன்!

யினியவன் · யினியவன் Wed Feb 13, 2013 4:50 pm

சிவா wrote:ரிமோட் இருக்கு தல, ஆனால் என்ன சேனல் ஓடுதோ அதைப் பார்த்துக் கொண்டிருப்பேன்! நானாக விருப்பப்பட்டு மாற்ற மாட்டேன்!

விருப்பம் வருமா? அந்த அளவுக்கு தெகிரியம் வந்துடுச்சா?

**ராஜா** · **ராஜா** Wed Feb 13, 2013 4:51 pm

டெர்ரர் பாபு wrote:மனைவி , குழந்தைகள் தூங்கிய பின்னர் தான் ரிமோட் கைக்கு வரும் .

அவங்க எல்லோரும் தூங்கிய பின் ரிமோட் உங்க கைக்கு வந்தா என்ன வராட்டா என்ன ? ஆளே இல்லாத கடைல அப்படி யாருக்கு டெர்ரர் டீ ஆத்த போறீங்க....

But சிவா போல இல்லாம , உங்க தன்னம்பிக்கை எனக்கு பிடிச்சிருக்கு , உங்களுக்கு நான் கொடுக்கும் மதிப்பெண் 8

**சிவா** · **சிவா** Wed Feb 13, 2013 4:52 pm

யினியவன் wrote:
சிவா wrote:ரிமோட் இருக்கு தல, ஆனால் என்ன சேனல் ஓடுதோ அதைப் பார்த்துக் கொண்டிருப்பேன்! நானாக விருப்பப்பட்டு மாற்ற மாட்டேன்!
விருப்பம் வருமா? அந்த அளவுக்கு தெகிரியம் வந்துடுச்சா?

அதான் வராதுன்னு சொல்லிட்டேன்ல! அப்புறம் ஏன் வருமான்னு கேட்டு பீதிய கிளப்புறீங்க தல!

**ராஜா** · **ராஜா** Wed Feb 13, 2013 4:55 pm

சிவா wrote:ரிமோட் இருக்கு தல, ஆனால் என்ன சேனல் ஓடுதோ அதைப் பார்த்துக் கொண்டிருப்பேன்! நானாக விருப்பப்பட்டு மாற்ற மாட்டேன்!

விருப்பபட்டாலும் உங்களால் மாற்ற முடியாது என்பது நீங்க சொல்லாமலேயே புரிந்து கொள்ள முடிகிறது தல. உங்களுக்கு எங்கள் ஆழ்ந்த அனுதாபங்கள் சிரி

**சிவா** · **சிவா** Wed Feb 13, 2013 4:57 pm

ராஜா wrote:
சிவா wrote:ரிமோட் இருக்கு தல, ஆனால் என்ன சேனல் ஓடுதோ அதைப் பார்த்துக் கொண்டிருப்பேன்! நானாக விருப்பப்பட்டு மாற்ற மாட்டேன்!
விருப்பபட்டாலும் உங்களால் மாற்ற முடியாது என்பது நீங்க சொல்லாமலேயே புரிந்து கொள்ள முடிகிறது தல. உங்களுக்கு எங்கள் ஆழ்ந்த அனுதாபங்கள்

நமக்கு நாமே அனுதாபம் சொல்லிக் கொள்ளக் கூடாது தல, ஆறுதல் கூறிக்கொள்வதுதான் பொருத்தமாக இருக்கும்!

**ஜாஹீதாபானு** · **ஜாஹீதாபானு** Wed Feb 13, 2013 5:05 pm

நீங்கலாம் அடிச்ச காமெடி தான் செம சூப்பர் சிப்பு வருது

**ராஜா** · **ராஜா** Wed Feb 13, 2013 5:10 pm

சிவா wrote:நமக்கு நாமே அனுதாபம் சொல்லிக் கொள்ளக் கூடாது தல, ஆறுதல் கூறிக்கொள்வதுதான் பொருத்தமாக இருக்கும்!

இதுவும் சரி தான் சிரி

**சிவா** · **சிவா** Wed Feb 13, 2013 5:12 pm

ஜாஹீதாபானு wrote:நீங்கலாம் அடிச்ச காமெடி தான் செம சூப்பர்

நாங்க எங்க வேதனையைச் சொன்னா அது உங்களுக்கு காமெடியா இருக்கா அக்கா?

Sponsored content · Sponsored content

ஆண்கள் ஏன் அடிக்கடி சேனல் மாற்றுகிறார்கள்?

ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

Re: ஆண்கள் ஏன் அடிக்கடி சேனல் மாற்றுகிறார்கள்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக