காப்பியோ பீரோ எது இருந்தாலும் போனை சார்ஜ் பண்ணலாம்

Guna Tamil · Guna Tamil Wed Feb 13, 2013 11:12 am

First topic message reminder :

இன்றைய காலகட்டத்தில் இன்றியமையாத ஒரு பொருள் தொலைபேசி, அதுவும் கையடக்கத் தொலைபேசி. சிறியவர் முதல் பெரியவர் வரை அனைவரின் பயன்பாட்டுக்கும் ஏத்தாற்போல் வகை வகையான கையடக்கத் தொலைபேசிகள். உள்ளங்கையில் உலகம் என்பதற்கு சிறந்த எடுத்துக்காட்டு இந்த கையடக்கத் தொலைபேசிகள். ஒரு தொலைபேசியின் பயன்பாட்டையும் மீறி ஒரு கணினியின் அத்தனை செயல்பாட்டினையும் கொண்டுள்ளது இன்றைய கையடக்கத் தொலைபேசிகள்.

இந்த தொலைபேசியினை வைத்திருக்கும் பல பேர் தினம் தினம் சந்திக்கும் ஒரு சவால், தொலைபேசியின் சார்ஜை எப்படி தக்க வைத்துக்கொள்வது என்பதுதான். நீண்ட நேரம் பேசுவதால் மட்டுமன்றி, விளையாடுவதாலும், படங்கள் பார்ப்பதாலும் இந்த செல்பேசியின் சார்ஜ் தீர்ந்துவிடுகிறது. பல்வேறு சாதனங்கள் வந்துவிட்ட போதிலும், ஒரு எளிதாக பயன்படுத்தக்கூடிய சாதனத்தி மக்கள் எதிபார்த்துக் கொண்டிருக்கும் வேளையில், வந்துள்ளது இந்த சார்ஜர்.

நீங்க காப்பி குடிக்கும் போதும் சரி அல்லது பீரடிக்கும் போதும் சரி உங்கள் செல்பேசியினை சார்ஜ் செய்து கொள்ளலாம். அப்படிப்பட்ட ஒரு சாதனத்தை சந்தையில் அறிமுகப்படுத்தியுள்ளனர் Epiphany நிறுவனத்தார். இவர்கள் அறிமுகப்படுத்திய சாதனத்தின் பெயர் Epiphany onE Puck. இந்த சாதனம், சூடான காபியோ, அல்லது குளிர்ந்த பீரோ இருந்தால் செல்பேசிக்கு தேவையான மின்சக்தியை உற்பத்தி செய்கிறது.

இலகுவாக கொண்டுசெல்லக் கூடிய இந்த சாதனத்தின் மீது குளிர்ந்த அல்லது சூடான பானங்களை இதன்மேல் வைப்பதற்கு வசதியாகவே வடிவமைக்கப்பட்டுள்ளது. இதற்க்கு இரண்டு பக்கங்கள் உள்ளன, நீளம் மற்றும் சிவப்பு. நீல வண்ணத்தில் உள்ள பக்கத்தில் குளிந்த பானத்தை வைக்கவேண்டும். அதே போன்று சிவப்பு நிறமுடைய பக்கத்தில் சூடான பானங்களை வைக்க வேண்டும், அவ்வளவுதான் செல்பேசி சார்ஜராக செயல்படும்.

**Aathira** · **Aathira** Sun Feb 17, 2013 11:51 am

ராஜா wrote:இனிமே யாருக்காவது செல் போன் சார்ஜ் பண்ணனும்ன்னா எங்க கிட்ட வாங்க உங்களுக்காக கஷ்டப்பட்டு சார்ஜ் பண்ணிகொடுக்கிறோம் (வரும்போது மறக்காம சார்ஜ் பண்ணுவதற்கு தேவையான பொருட்களை வாங்கிட்டு வந்துடுங்க ) - ராஜா & பாலாஜி

இது வேறயா.. ஏற்கனவே நம்ம தலங்களோட அலம்பல் தாங்க முடியல. இனிமே சார்ஜ் பண்றேன்னு பேர் சொல்லி எந்நேரமும் ஊத்திக்குவாங்க..

**Muthumohamed** · **Muthumohamed** Sun Feb 17, 2013 2:30 pm

ராஜா wrote:இனிமே யாருக்காவது செல் போன் சார்ஜ் பண்ணனும்ன்னா எங்க கிட்ட வாங்க உங்களுக்காக கஷ்டப்பட்டு சார்ஜ் பண்ணிகொடுக்கிறோம் (வரும்போது மறக்காம சார்ஜ் பண்ணுவதற்கு தேவையான பொருட்களை வாங்கிட்டு வந்துடுங்க ) - ராஜா & பாலாஜி

சார்ஜ் பண்றதுக்கு தேவையான பொருட்கள் என்னங்க ராஜா சார் என்ன?