சென்னை : வினோதினிக்கு அளிக்கப்பட்ட சிகிச்சையில்அலட்சியம் காட்டப்பட்டதாகவும், இதனால்தான் அவர் உயிரிழந்ததாகவும் உறவினர்கள் குற்றம் சாட்டியுள்ளனர். .
ஆசிட் வீச்சிற்கு பலியான காரைக்கால் மாணவி விநோதினியின் உடல் கீழ்ப்பாக்கம் தனியார் மருத்துவமனையில் இருந்து அரசு மருத்துவமனைக்கு பிரேத பரிசோதனைக்காக கொண்டு செல்லப் படவுள்ளது. பத்திரிக்கையாளர்கள், மகளிர் அமைப்புகள், அரசியல்வாதிகள் என நூற்றுக்கணக்கானவர்கள் மருத்துவமனையின் வாசலில் குவிந்தனர்.
-
ஜி.ராமகிருஷ்னன், சீமான் போன்ற அரசியல் கட்சி தலைவர்கள் நேரில் சென்று விநோதினியின் உறவினர்களுக்கு ஆறுதல் கூறினர்.. பின்னர் நிருபர்களிடம் பேசிய ஜி.ராமகிருஷ்ணன் ''ஜெ.எஸ் வர்மா கமிஷனுன் பரிந்துரையின் படி ஆசிட் வீசிய‌ வாலிபருக்கு தண்டனை அளிக்க வேண்டும்'' என வலியுறுத்தினார்.
மருத்துவமனையின் முன் குழுமியிருந்த விநோதியின் உறவினர்கள் ''மருத்துவமனையின் சரியான கவனமின்மையே வினோதினியின் இறப்புக்கு காரணம் என்றும் குற்றம் சாட்டியுள்ளனர்.
-
வினோதினியின் தந்தை ஜெயபால் இது குறித்து கூறுகையில், " அரசு மருத்துவமனையில் சிகிச்சை சரியாக இருக்காது என்று நினைத்துதான் அதிக செலவு ஆனாலும் பரவாயில்லை தனியார் மருத்துவமனையில் சேர்த்தோம். அங்கும் சரியாகடாக்டர்கள் சிகிச்சை அளிக்கவில்லை" என்றார்.
-
மருத்துவமனை மறுப்பு:
இந்நிலையில், வினோதினி இறப்பு குறித்து அவர் சிகிச்சை பெற்ற தனியார் மருத்துவமனையின் பொறுப்பு அதிகாரி டாக்டர் ஆர்.ஜெயப்பிராகஷ், " ஆசிட் வீச்சில் உடல் பாதிக்கப்பட்ட நிலையில் சிகிச்சை பெற்ற வினோதினி இன்று காலை 9.10 மணிக்கு உயிர் இழந்தார். அவருக்கு 2 மாதமாக இங்கு சிகிச்சை அளிக்கப்பட்டது. இடையில் அரசு மருத்துவமனைக்கு கொண்டு சென்றனர். அதன் பிறகு அவருடைய பெற்றோர் கேட்டு கொண்டதற்கு இணங்க மீண்டும் சேர்த்தோம்.
-
சிகிச்சையின் போது 3 முறை அவரது உடல்நிலை மிகவும் மோசமாகி இறக்கும் தருவாய்க்கு சென்றார். தீவிர சிகிச்சை அளிக்கப்பட்டதன் காரணமாக காப்பற்றப்பட்டார். இன்று காலையில் மீண்டும் அவரது நிலைமை திடீரென மோசமானது. டாக்டர்கள் தீவிர சிகிச்சை அளித்தும் பலன் அளிக்கவில்லை. அவருக்கு அளிக்கப்பட்ட சிகிச்சை குறித்து டாக்டர் ஜெயராமன்தான் விளக்கம் தருவார். அவர் இப்போது இங்கு இல்லை" என்றார்.
-
விகடன் செய்திகள்

மருத்துவர்களை காரணம் கூறுவது சரியானது என எனக்கு தோன்றவில்லை.

காரணம் அவரிடம் ஆசிட் வீச்சின் தாக்கம் மிகுந்து காணப்பட்டுள்ளது

அதுவும் சரிதான்