1945-ஆம் ஆண்டு வெளியான "உலகம் சுற்றிய தமிழன்' என்ற நூல் ஏ.கே.செட்டியாரின் பயண அனுபவங்களையும், உலகப் பார்வையையும் எடுத்துக்கூறும் ஆவணமாகத் திகழ்கிறது. "உலகம் சுற்றிய தமிழன்' என்ற அந்நூலின் இறுதியில் ஓர் அத்தியாயம்; பெயர், "கூலித் தமிழ்'.

கூலித் தமிழ் அத்தியாயத்தில் ஏ.கே.செட்டியார் கூறியுள்ள தகவல்கள் என்னென்ன? அவர் எழுதியுள்ளதைப் படியுங்கள், பிறகு புரியும் "கூலித்தமிழ்' என்றால் என்னவென்று!

"தமிழிலே எத்தனையோ வகைகளுண்டு. பேசும் தமிழ், எழுதும் தமிழ், பண்டிதர் சிலரின் பொருள் விளங்காத தமிழ், மறுமலர்ச்சி எழுத்தாளர் சிலரின் இலக்கண வரம்பிற்குட்படாத தமிழ், தங்களுக்கும் தெரியாமல் பிறருக்கும் புரியாமல் எழுதும் சில இளம் எழுத்தாளர்களின் தமிழ், திருநெல்வேலித் தமிழ், யாழ்ப்பாணத் தமிழ், மதராஸ் தமிழ், தனித்தமிழ் முதலிய எத்தனையோ வகைகள். இவைகளிலே சேராதது கூலித் தமிழ்!

தமிழர்களுக்கும் ஆங்கிலேயருக்கும் சுமார் நூற்றைம்பது வருடங்களுக்கு மேலாக தொடர்பிருந்து வருகிறது. ஆனால், ஆங்கிலம் படித்த தமிழருக்குள்ள ஆங்கில ஞானத்தில், நூற்றில் ஒரு பங்கு கூட, தமிழ்ப் படித்த ஆங்கிலேயர்களுக்குத் தமிழில் இல்லையென்று கூறலாம். ஆங்கிலேயேர் பேசும் கொச்சைத் தமிழ் கேட்க சகிக்காது.

பிழைப்புக்காக இந்தியாவுக்கு வரும் ஆங்கிலேயர்களிலே பலவகை உண்டு. அதில் ஒருவகை தோட்டக்காரத் "துரைகள்' என்பவர்கள். இலங்கை, மலாயா முதலிய இடங்களில் உள்ள தேயிலை, ரப்பர் தோட்டங்களில் ஏராளமான தமிழ்க் கூலிகள் வேலை செய்தார்கள். இந்தக் கூலிகளோடு பேசுவதற்கு, தோட்டக்காரத் துரைகளைப் பயிற்றுவிப்பதற்காக ஆங்கிலத்தில் ஒரு புத்தகம் வெளியிட்டிருக்கிறார்கள். அதன் பெயர் "கூலித் தமிழ்!'

(உலகம் சுற்றிய தமிழன் நூலில் ஏ.கே.செட்டியார் எழுதிய கட்டுரையின் சுருக்கம்)
நன்றி - தினமணி

'கூலித் தமிழ்!' பற்றிய அறிய செய்தி பகிர்வுக்கு நன்றி

அட............ புதுசா இருக்கு............ பகிர்தலுக்கு நன்றி