புதிய பாஸ்வேர்டு ஏற்படுத்த பரிந்துரை டுவிட்டர் இணைய தளத்தில் 2.5 லட்சம் பேரின் தகவல் திருட்டு கருத்துகள்

புகழ்பெற்ற டுவிட்டர் இணைய தளத்தில் 2.50 லட்சம் பேரின் ரகசிய தகவல்கள் திருடப்பட்டுள்ளன என்று அந்த நிறுவனம் கூறியுள்ளது.கம்ப்யூட்டர், செல்போன் உதவியுடன் டுவிட்டர் இணைய தளத்தில் ஒருவர் தனது எண்ணங்கள், கருத்துகள், செய்திகளை குறைந்த காலத்தில் மற்றவர்களுடன் பகிர்ந்துகொள்ள முடியும். இதனால், இது மக்களிடையே குறுகிய காலத்தில் மிகவும் புகழ்பெற்றது. குறிப்பாக இளம் வயதினர் மத்தியில் டுவிட்டர் மோகம் அதிகரித்துள்ளது. கடந்த டிசம்பர் மாத கணக்குபடி 20 கோடி பேர் டுவிட்டர் இணைய தளத்தை பயன்படுத்துகின்றனர். சமீப காலமாக இணைய தளங்களின் உதவியுடன் ஒரு நாட்டின் அல்லது முக்கிய நிறுவனங்களின் ரகசிய தகவல்கள் திருடப்படுவது அவ்வப்போது நிகழ்ந்து வருகிறது. நியூயார்க் டைம்ஸ், தி வால் ஸ்டிரீட் ஜர்னர் ஆகிய பத்திரிகை நிறுவனங்கள் தங்களின் இணைய தளங்களில் இருந்து தகவல்கள் திருடப்பட்டுள்ளதாக இந்த வார துவக்கத்தில் கூறியது பரபரப்பை ஏற்படுத்தியது. அந்த நிறுவனங்கள் சீனாவின் மீது குற்றம்சாட்டின. இந்நிலையில் டுவிட்டர் நிறுவனமும் தங்களிடமிருந்து 2.5 லட்சம் பயனாளிகளின் தகவல்கள் திருடப்பட்டுள்ளன என்று அறிவித்துள்ளது. ஆனால் யார் இந்த குற்றத்தை செய்தனர் என்று அந்த நிறுவனம் உறுதி செய்யவில்லை.

அதிநவீன முறையில் டுவிட்டர் தகவல்கள் திருட்டு நடந்துள்ளது. அதிக பாதுகாப்பு அம்சங்கள் நிறைந்த இந்த இணைய தளத்தில் மிகவும் திறமையானவர்கள் மூலம் தகவல்கள் திருடப்பட்டுள்ளன. தனிநபர் யாரும் இதை செய்திருக்க முடியாது. பயனீட்டாளர் பெயர்கள், பாஸ்வேர்டு உள்ளிட்ட தகவல்கள் திருடப்பட்டுள்ளன. முன்னெச்சரிக்கை நடவடிக்கையாக பயனீட்டாளர்களின் பாஸ்வேர்டுகள் தகுதி நீக்கம் செய்யப்பட்டுள்ளன. வேறு பாஸ்வேர்டுகளை ஏற்படுத்திக்கொள்ளுமாறு பயனாளிகளுக்கு இ-மெயில் தகவல் அனுப்பப்பட்டுள்ளது. இவ்வாறு அந்த நிறுவன அதிகாரி ஒருவர் தெரிவித்தார்.

தினகரன்

இப்படியெலாம் கூட செய்வார்களா?

நவீனங்கள் அதிநவீனங்கள் , அதிவேகமாக திருடவும் பயன்படுகின்றன

கவனமாகச் செயற்படவேண்டும் என்பது புரிகிறது.

ரொம்ப உண்மையாக எங்கும் இருக்கக் கூடாது போல இருக்கு