'டவுட்' தனபாலு

ஹர்ஷித் · ஹர்ஷித் Tue Feb 05, 2013 12:29 am

ம.தி.மு.க., பொதுச் செயலர் வைகோ: கூடங்குளம் அணுமின் நிலையத்தில் உற்பத்தி செய்யப்படும் மின்சாரம் அனைத்தும், தமிழகத்துக்கு கிடைக்காது. குறைந்தபட்சம், 250 மெகாவாட் மின்சாரம் தான், தமிழகத்துக்கு கிடைக்கும். அதை, நீர், காற்று, அனல் மின் நிலையம் மூலம் சரி செய்து கொள்ளலாம்.
டவுட் தனபாலு: கூடங்குளத்துல, முதல் கட்டமா உற்பத்தியாகுற, 1,000 மெகாவாட்டையும், தமிழகத்துக்கே தரணும்னு கேட்ட முதல்வர் ஜெயலலிதாவுக்கு, பிரதமரே இன்னும் பதில் தரலை... அதுக்குள்ள நீங்களே, வில்லேஜ் விஞ்ஞானியா மாறி, அங்கயிருந்து நமக்கு, 250 மெகாவாட் தான் கிடைக்கும்னு, எப்படி ஆரூடம் சொல்றீங்கன்னு தான் எனக்கு, டவுட்!
மத்திய பெட்ரோலியத் துறை அமைச்சர் ஜெய்பால் ரெட்டி: டீசல், சமையல் காஸ் மற்றும் கெரசின் விலை உயர்வு என்பது, வேதனை தரும், கடுமையான முடிவு தான். ஆயினும், இதை தவிர்க்க முடியாது. டவுட் தனபாலு: இப்படியே, பெட்ரோல், டீசல், காஸ் விலைகளை, உங்க இஷ்டத்துக்கு உயர்த்திட்டே போனா, அடுத்து வர்ற தேர்தல்ல, உங்க அரசாங்கத்தை வீட்டுக்கு அனுப்புற வேதனையான முடிவை, மக்கள் எடுக்கிறதையும் தவிர்க்கவே முடியாதுங்கறது தெரியாதா உங்களுக்குங்கறது தான், என்னோட, டவுட்!

மத்திய உள்துறை அமைச்சர் சுஷில்குமார் ஷிண்டே: கூடங்குளம் போராட்டக்காரர்களின் பின்னணியில், வெளிநாட்டு தொண்டு நிறுவனங்கள் உள்ளன. அவை தான், பிரச்னையை தூண்டி விடுகின்றன. தொண்டு நிறுவனங்கள், எவை எவை என்பது பற்றிய பெயர் விவரங்களை இப்போது வெளியிட இயலாது.டவுட் தனபாலு: இப்படி குற்றம் சாட்டவும், விவரங்களை வெளியிடாம இருக்கவும் தான், உங்களை உள்துறை அமைச்சரா நியமிச்சிருக்காங்களா...? நடவடிக்கை எடுக்க வேண்டிய நீங்களே, இப்படி பொறுப்பில்லாம பேசலாமாங்கிறது தான் என்னோட, டவுட்!
தினமலர் – செ, 11 செப்., 2012

'டவுட்' தனபாலு

'டவுட்' தனபாலு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக