முகத்தில் முளைக்கும் கை....

**rameshnaga** · **rameshnaga** Mon Feb 04, 2013 9:06 pm

First topic message reminder :

முகத்தில் முளைத்த
கையுடன் திரிகிறது
யானை தெருவெங்கும்.

பார்க்கும் குழந்தை
அடம்பிடித்து அழுகிறது...
தன் முகத்திலும்
ஒரு கை வேண்டுமென.
************************************************************
நீ எப்போதும்
என் மனத்திலிருப்பதாய்
சொல்லிப் பிரிகிறேன்.

மனம் எங்கிருக்கிறது என்று....
நீயும் கேட்கவில்லை.
நானும் சொல்லவில்லை.
**************************************************************
இன்று
நான் கலந்துகொண்ட
ஒரு மரண ஊர்வலத்தில்....
மரணித்தவனின் வாழ்க்கை அலசப்பட்டது.

கேட்கையில்....
எனக்குத் தோன்றியது....
இன்றைய மரணம்....
மரணித்தவனின்
இரண்டாம் மரணமாயிருக்கலாம் என.
***************************************************************************************
வீடு
கூடாகி விட்டது....
சிட்டுக் குருவிக்கு.

அலைந்து திரிந்து
சந்தோஷம் கொண்ட
அதனுடன் குடியிருக்க
வீட்டைப் பகிர்ந்து கொண்டதில்
எனக்கும் சந்தோஷம்தான்.

என்றாலும்
நான் வீடு மாறிப் போகையில்...
என்னோடு கூடு மாறத் தெரியாத குருவியை.....
அது இழக்கக் கூடும் சந்தோஷங்களை
எப்படிச் சரி செய்வதென
எனக்கும் தெரியவில்லை....
அந்தக் குருவிக்கும்.
***************************************************************