கவியருவி ம. ரமேஷ் கஸல்கள்

**முனைவர் ம.ரமேஷ்** · 21/08/2011

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

**முனைவர் ம.ரமேஷ்** · 21/08/2011

இறைவன்
செய்த பொம்மைகள் நாம்
நம்மைப் பிரித்து வைத்து
குழந்தையாய்
அடம்பிடித்து அழவைக்கிறான்

உன்னைச் சுற்றி
என் காதல் ஆசைகள்
பற்றிக் கொண்டிருக்கிறது

கிளியை
அடைத்து வைத்திருக்கும்
ஜோசியக்காரன் சொல்கிறான்:
நாம் காதலில்
சிறகடித்துப் பறப்போம் என்று!

**முனைவர் ம.ரமேஷ்** · 21/08/2011

உன்னை
முதன் முதலாகப்
பார்த்தபோதுதான்
இறைவனிடம்
பக்திகொண்டேன்

வாழ்க்கை
சிறைச்சாலை
காதல்
ஆயுள் தண்டனை

பாதி இரவிலும்
எனக்குப்
புரையேறுகிறது

**முனைவர் ம.ரமேஷ்** · 21/08/2011

தூணிலும் துரும்பிலும்
இருப்பவன் நீ
என் காதலியிடத்தில்
இல்லாமல் போய்விட்டாயே?

என் கவிதைகள்
காதலைச் சுமக்கும்
சிலுவைமரம்
உன் வாசிப்பினால்தான்
மறுஉயிர்ப்போடு துளிர்க்கிறது

காதலியிடம்
குறை இருக்கலாம்
அவள்
என்ன செய்வாள் பாவம்?
அது
இறைவனின் குறை

**முனைவர் ம.ரமேஷ்** · 21/08/2011

காதலி!
இறைவன் செய்த
எழுத்துப் பிழைதான்
உன் பெயர்

இறைவனின் அழகுதான்
பூக்கள்

என் இதயத்தில்
நீ
அழுது வைத்த கண்ணீர்
இன்றும்
இனிக்கிறது

**முனைவர் ம.ரமேஷ்** · 21/08/2011

காதல் ஒன்றுதான்
அனுபவங்கள்தான் வேறு வேறு

என்
காதல் பசிக்கு
உன்
நினைவுகளைத் தின்று
கண்ணீரை குடிக்கிறேன்

காதல் கவிதைகளுக்கு
முற்றுப்புள்ளி இல்லை

**முனைவர் ம.ரமேஷ்** · 21/08/2011

என் மூச்சுக் காற்று
நின்று போனால்
நினைத்துக் கொள்வேன்
இவ்வுலகில்
நீ இல்லை என்று

காதலர்களின்
உயிர் போவது
இந்தக் கவிதைகளில்
தெரியும்

நீயும் அங்கில்லை
நானும் இங்கில்லை

**முனைவர் ம.ரமேஷ்** · 21/08/2011

காதல் சிறைதான்
இருந்தாலும்
அந்தக் கூண்டுக்குள்தான்
நாம்
நம் சிறகை விரித்துப்
பறக்க முடியும்

பூக்களின் மேலிருக்கும்
வண்டுகளைப்
பறவைகள்
ஏக்கத்தோடு பார்க்கின்றன

இக்கவிதைகள்
காதலர்களுக்கான
ஏதேன் தோட்டத்தின்
அழுகை

**முனைவர் ம.ரமேஷ்** · 21/08/2011

நானும்
ஊனமுற்றவன்தான்
உன் இதயம்
என் இதயத்தைத்
திருடிச் சென்றுவிட்டது

நீ
உன் காதலைக் கடைந்தபோது
வந்த நஞ்சுதான்:
‘நாம் பிரிந்துவிடுவோம்’
என்கிற வார்த்தை

சிந்தும்
கண்ணீர்த் துளிகள்
உன் நினைவுகளை
எண்ணுகின்றன

**முனைவர் ம.ரமேஷ்** · 21/08/2011

வானமும் பூமியும்
ஓரிடத்தில் இணைகின்றன
நீயும் நானும்
இணைந்ததுபோல

பருவ மோகம்
காதல்
ஆன்மிக மோகம்
கடவுள்

துடுப்பிடம்
ஓடம் கேட்பதில்லை
என்னை
எங்குக் கொண்டுபோய்ச் சேர்ப்பாய்?
இதையே நாம்
காதலிடமும் கேட்கக் கூடாது

**முனைவர் ம.ரமேஷ்** · 21/08/2011

கொன்று கொண்டிருக்கும்
உன் நினைவுகள்
என்னை எப்போது
முழுமையாகக்
கொன்று முடித்துவிட்டு
இளைப்பாறும்?

வா, இருவருமாகச் சேர்ந்து

பூசைகள் செய்யலாம்

கண்ணீர் பாதையில்
எதிர் எதிரே நடக்கிறோம்
கண்களைத் துடைத்துக்கொண்டு

Sponsored content · Sponsored content

கவியருவி ம. ரமேஷ் கஸல்கள்

கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக