மற்றொரு கவிதை

**பார்த்திபன்** · 24/07/2011

திருட்டு
நானில்லை என்றபோதும்
நம்ப மறுக்கிறாய்!
எங்கேயோ தொலைத்த உன்
கால் கொலுசுக்காக
என்ன ஏன் சந்தேகிக்கிறாய்?
உன் நினைவாக
சேமித்து வைக்க
உன் கால் கொலுசு எதற்கெனக்கு?
உன் காலடி ஓசையே போதுமே!
நான் திருட
நினைத்ததென்னவோ உண்மைதான்!
ஆனால் அது
உன் உடமையை அல்ல
உன் உள்ளத்தை!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
நன்றி
தொட்டிச் செடியிலிருந்து
எட்டிப் பறிக்கையில் எனைத்
திட்டித்தீர்த்த குட்டி ரோஜா
கார்க்குழல் ஏந்திய என்
காதலிக்கு சூடுகையில்
என் காதோரம் சொன்னது,
"எமைப் பறித்தமைக்கு
நன்றி" என!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
மற்றொரு கவிதை
என் நீண்ட நாள் காதலை
நிராகரித்து வந்த நீ,
திடீரெனெ ஒரு நாள்
என் திசை நோக்கி வந்து,
என் கரம் குலுக்கி வாழ்த்தினாய்,
நான் கவிதைப் போட்டியில் வென்றமைக்கு!
நன்றி என்றேன்
நடப்பதை நம்ப இயலாமல்!
பரிசு வென்ற கவிதையைப்
படித்துக் காட்டச் சொன்னாய்!
முன்பொருநாள் நீ கசக்கியெரிந்த என்
முதல் காதல் கடிதமே அது என்றேன்!
சட்டெனத் தலை கவிழ்ந்து
எனைச் சங்கடப்படுத்தினாய்!
கண்ணீர்த் துளியனுப்பி
உன் காலனி நனைத்தாய்!
உன் கன்னம் தொட்டுனைக்
கனிவாய் நிமிர்த்தி
உன் கண்கள் பார்த்துச் சொன்னேன்!
"கடிதமாய் உன்னிடம் தந்தது,
நீ கசக்கியெரிந்தபின்தான்
கவிதையானது" என்று!
வெட்கச் சிரிப்பொன்றை
வெடுக்கென உதிர்த்தாய்!
மற்றொரு கவிதை
மலர்ந்தது அங்கே!

- நிலவை.பார்த்திபன்

பூவன் · பூவன் Mon Jan 28, 2013 3:32 pm

பரிசு வென்ற கவிதையைப்
படித்துக் காட்டச் சொன்னாய்!
முன்பொருநாள் நீ கசக்கியெரிந்த என்
முதல் காதல் கடிதமே அது என்றேன்!
சட்டெனத் தலை கவிழ்ந்து
எனைச் சங்கடப்படுத்தினாய்!
கண்ணீர்த் துளியனுப்பி
உன் காலனி நனைத்தாய்!
உன் கன்னம் தொட்டுனைக்
கனிவாய் நிமிர்த்தி
உன் கண்கள் பார்த்துச் சொன்னேன்!
"கடிதமாய் உன்னிடம் தந்தது,
நீ கசக்கியெரிந்தபின்தான்
கவிதையானது" என்று!
வெட்கச் சிரிப்பொன்றை
வெடுக்கென உதிர்த்தாய்!
மற்றொரு கவிதை
மலர்ந்தது அங்கே!

அருமை அண்ணா , இன்று பரிசு வெல்லும் பல கவிதைகள் முதலில் பாதம் தொட்டு தான் பார்கின்றன பிறகு தான் பக்கங்களை நிரப்புகின்றன .....

**ஜாஹீதாபானு** · **ஜாஹீதாபானு** Mon Jan 28, 2013 3:46 pm

மூன்றும் அருமை அருமையிருக்கு

Pakee · Pakee Mon Jan 28, 2013 4:10 pm

எல்லா கவிதைகளும் அருமை அண்ணா சூப்பருங்க

**கரூர் கவியன்பன்** · 23/09/2012

உன் கன்னம் தொட்டுனைக்
கனிவாய் நிமிர்த்தி
உன் கண்கள் பார்த்துச் சொன்னேன்!
"கடிதமாய் உன்னிடம் தந்தது,
நீ கசக்கியெரிந்தபின்தான்
கவிதையானது" என்று!
வெட்கச் சிரிப்பொன்றை
வெடுக்கென உதிர்த்தாய்!
மற்றொரு கவிதை
மலர்ந்தது அங்கே!

அருமை

**பார்த்திபன்** · 24/07/2011

பூவன், ஜாஹீதாபானு, பகீ, கவியன்பன் ஆகியோருக்கு மிகுந்த நன்றிகள்.

**கா.ந.கல்யாணசுந்தரம்** · 28/02/2009

அருமையான கவிதைகள், வாழ்த்துக்கள்.

**ஹிஷாலீ** · **ஹிஷாலீ** Tue Jan 29, 2013 3:51 pm

மூன்றும் அருமை நண்பரே

**பார்த்திபன்** · 24/07/2011

திரு.கல்யாணசுந்தரம் ஐயா மற்றும் ஹிஷாலிக்கு நன்றிகள்!

யினியவன் · யினியவன் Thu Feb 14, 2013 5:31 pm

பார்த்திபன் காதல் பார்வை சூப்பருங்க

Sponsored content · Sponsored content

மற்றொரு கவிதை

மற்றொரு கவிதை

Re: மற்றொரு கவிதை

Re: மற்றொரு கவிதை

Re: மற்றொரு கவிதை

Re: மற்றொரு கவிதை

www.karurkaviyanban.blogspot.in

Re: மற்றொரு கவிதை

Re: மற்றொரு கவிதை

Re: மற்றொரு கவிதை

Re: மற்றொரு கவிதை

Re: மற்றொரு கவிதை

Re: மற்றொரு கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக