அசிங்கம் அல்ல.. ஆச்சரியம் : பறவைகளின் எச்சம் பாட்டு பாடுது

DERAR BABU · DERAR BABU Tue 22 Jan 2013 - 11:22

லண்டன்: அண்ணாந்து பார்த்து முகம் சுளிக்க வைத்து, அக்கம்பக்கத்தவர் மத்தியில் அசிங்கப்பட வைத்துவிடும் விஷயம் பறவைகள் எச்சமிடுவது. பஸ் ஸ்டாப்பில் காத்திருக்கும் நேரத்தில், நம் அவசரம் புரியாமல் உச்சந்தலை, சட்டை, கை என கிடைக்கும் இடத்தில் தனது கழிவை அழுத்தம் திருத்தமாக பதிவு செய்துவிடும்.

அருவருக்கத்தக்க பறவை எச்சத்தைக்கூட அழகிய பாடலாக உருவாக்கி இருக்கின்றனர் இங்கிலாந்து கலைஞர்கள். இசைஅமைப்பாளர்கள் நோட்ஸ் எழுத பயன்படுத்துவார்களே, அதுபோல வரிசையாக கோடுகள் போடப்பட்ட நீளமான பேப்பரை இங்கிலாந்தின் லிவர்பூல் நகர அருங்காட்சியக வளாகத்தில் உள்ள பூங்காவில் வைத்தார் கெரி மோரிசன் என்ற கலைஞர்.

பறவைகள் போக வர அதில் எச்சமிட, அங்கொன்றும் இங்கொன்றுமாக பலப்பல புள்ளிகளாக அவை பதிவாயின. இவற்றை அழகிய இசை வடிவமாக்கி 20 நிமிட பாடலாக மாற்றிவிட்டார் ஜான் ஹெரிங் என்ற இசை அமைப்பாளர். ‘பேர்ட் ஷீட் மியூசிக்’ என்று இதற்கு பெயரிட்டிருக்கின்றனர். இந்த இசை நிகழ்ச்சி லிவர்பூல் அருங்காட்சியகத்தில் விரைவில் நடக்க இருக்கிறது.

‘தனது எச்சத்தின் மூலம்கூட பல மரங்களை பறவைகள் முளைக்க செய்கின்றன. பறவைகளை பாதுகாப்பது நம் கடமை என்ற கருத்தை வலியுறுத்தும் வகையில் இந்த முயற்சியில் ஈடுபட்டோம். பறவைகளின் எச்சம் அருமையான பாடலாக உருவாகி இருக்கிறது’ என்கின்றனர் மோரிசன், ஹெரிங்

தினகரன் .

**ஜாஹீதாபானு** · **ஜாஹீதாபானு** Tue 22 Jan 2013 - 15:39

அடடா சூப்பர் அருமையிருக்கு

அசிங்கம் அல்ல.. ஆச்சரியம் : பறவைகளின் எச்சம் பாட்டு பாடுது

அசிங்கம் அல்ல.. ஆச்சரியம் : பறவைகளின் எச்சம் பாட்டு பாடுது

Re: அசிங்கம் அல்ல.. ஆச்சரியம் : பறவைகளின் எச்சம் பாட்டு பாடுது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக