பரபரப்பு! கப்பலில் வந்த பார்சலில் 18 மனித தலை கண்டுபிடிப்பு...

**Muthumohamed** · **Muthumohamed** Tue Jan 22, 2013 12:25 am

இத்தாலியில் இருந்து வந்த பார்சலில் 18 மனித தலைகள் இருந்ததை பார்த்து அதிகாரிகள் அதிர்ச்சி அடைந்துள்ளனர். இதுகுறித்து தீவிர விசாரணை நடந்து வருகிறது.

அமெரிக்காவின் இல்லினாய்ஸ் மாநிலம் சிகாகோவில் உள்ள ஓஹரே சர்வதேச விமான நிலையத்துக்கு வரும் சரக்குகளை எக்ஸ்ரே எடுத்து ஆய்வு செய்த பின் டெலிவரி செய்கின்றனர். கடந்த வாரம் வந்த ஒரு பார்சலை எக்ஸ்ரே எடுத்த போது, பதப்படுத்தப்பட்ட 18 மனித தலைகள் இருப்பது தெரிய வந்தது. உடனடியாக அவற்றை கைப்பற்றி தீவிர விசாரணை மேற்கொண்டனர். அந்த பார்சலில் இத்தாலியின் ரோம் நகரில் இருந்து மனித உடல் உறுப்புகள் தான சங்கத்துக்கு அனுப்பி வைக்கப்பட்டது தெரிய வந்தது.

இதுகுறித்து விசாரணை நடத்திய போது மருத்துவ மாணவர்கள் ஆராய்ச்சிக்காக ரோம் நகருக்கு மனித தலைகள் அனுப்பி வைக்கப்பட்டதும், ஆராய்ந்து முடிந்ததும் அதை திருப்பி அனுப்பியதும் தெரிய வந்தது. மேலும், உடல்களை அடக்கம் செய்யும் தனியார் கம்பெனி, அந்த மனித தலைகளை டெலிவரி எடுத்து முறைப்படி அடக்கம் செய்ய வேண்டும். ஆனால், சரியான ஆவணங்கள் இல்லாததால், ஏர்போர்ட்டில் குழப்பம் ஏற்பட்டது தெரிய வந்தது.

அஹமது