எப்படி இருந்த ‘போன்’ இப்படியாயிருச்சு… – மொபைல் போன் வரலாறு !!

**Powenraj** · **Powenraj** Mon Jan 21, 2013 6:59 pm

செல்போன்கள் நாளுக்குநாள் அதிநவீனமும், வடிவமைப்புகளில் சிறப்புத்தன்மை என அழகாகிக்கொண்டே உள்ளது. ஆரம்பத்தை ஒப்பிடும்போது வடிவத்திலும் சிறியதாகியுள்ளது எனலாம். ஆனால் தொழில்நுட்பம் 5.5 அங்குலங்கள் என போனை ஸ்மார்ட்போனாக்கியுள்ளது வேறுவிஷயம்.
-
போன்கள் இல்லாத பள்ளிக்கூட பாப்பா கூட கிடையாது. அனைவராலும் பெரிதும் பயன்படுத்தப்படும் இந்த போனின் வரலாறு தெரியுமா உங்களுக்கு?
செல்போன் வரலாறு குட்டியாக இங்கே:
-
இணைப்பில்லாமல் பேசுவதற்கும், குறுஞ்செய்தி அனுப்புவதற்கும் பயன்படும்சாதனமே மொபைல் போன் என நான் சொல்லித்தான் தெரிய வேண்டியதில்லை. இந்த செல்போன் இரண்டாம் உலகப்போர் நடந்தபோதே அறிமுகப்படுத்தப்பட்டுள்ளது. அதாவது 1940களில்.
1956ல் SRA/எரிக்ஸன் MTA என்ற மிகப்பெரிய வடிவிலான மொபைல்போன் அறிமுகப்படுத்தப்பட்டது இதன்எடையும் மிக அதிகம் என்பது குறிப்பிடத்தக்கது. இந்த போன் முதன் முதலில் ஸ்வீடனில் அறிமுகப் படுத்தப்பட்டபொழுது 1956 முதல் 1967 வரை வெறும் 125 பயனாளர்கள் தான் இருந்தார்கள் என்பது குறிப்பிடத்தக்கது.
-
இவ்வளவு விலையில் போன்களா?
1983ல் மோட்டோரோலா நிறுவனத்தால் தான் சற்றே சிறிய வடிவிலான போன் அறிமுகப்படுத்தப்பட்டுள்ளது. மீண்டும் 1989ல் மாறுதல் பெற்று 1994ல் மீண்டும் மோட்டோரோலா நிறுவனத்தால் வடிவத்திலும் நுட்பத்திலும் மாறுதல் பெற்றுள்ளது. 1980களில் இம்மாதிரியான போன்களை ‘கார்போன்கள்’ என அழைத்துள்ளனர்.
-
நோக்கியா 1997ல் அடித்தளம் அமைத்து, ப்ளாக்பெர்ரியால் 2002ல் பாதையமைத்து, 2007ல்ஆப்பிள் ஐபோனால் கொண்டுவரப்பட்டதே இன்றைய நவீன ஸ்மார்ட்போன்கள்.
-
நன்றி-Vannimedia