திடீர் சந்திப்பு-திடீர் தித்திப்பு

**ரா.ரா3275** · **ரா.ரா3275** Sun Jan 20, 2013 5:45 pm

First topic message reminder :

பரஸ்பரம் பரிட்சயமின்றி
யதார்த்த வீதியினூடே நிகழ்ந்தது
நம் ஒருசேர சந்திப்பு
நடுக்கம்-உளறல்-பயம்
எதுவுமில்லை இருமுனைகளிலும்
இறுக்கிப்பிடித்த ஆடைப்பகுதி கசங்க

திடீர் சந்திப்பு-திடீர் தித்திப்பு

நினைவோட்டத் தொண்டைக்குழியில்
மீன்முள் உருவில் இன்னும்
மேல்-கீழ் இறங்க மறுத்தபடியே

உள்நாக்கில் ரகசிய நெருடலில்
சுகம் சேர்க்கும் கிறுக்கு இருவரிடமும்

முதல் நிகழ்வுக்குப் பின்னும்
நினைவில் அடங்க மறுக்குமளவு
அத்துணை சந்திப்புகள்
கதகதப்பாகவும் கசப்பாகவும்
சொற்போர் தொடர்ந்ததும்
மௌன வீச்சில் அமிழ்ந்ததும்

வித்தியாசக் குவியல் மலையென
இருவரிடையே உயர்ந்து துருத்தியபடி
தெரிந்தே துடைக்க மறுத்தவாறு

காதலுமில்லை நட்புமில்லை
முதல் சந்திப்புத் தொடர்ந்து
மூச்சுமுட்டும் சண்டைகள் வரை

இருந்துவிட்டுப் போகட்டும் இப்படியே
எதிர்பார்ப்புகள் தொலைத்த அன்புடன்