இங்கிலாந்துக்கு எதிரான 3–வது ஒரு நாள் கிரிக்கெட்: இந்திய அணியின்வெற்றி தொடருமா? ராஞ்சியில் இன்று நடக்கிறது

First topic message reminder :

இந்தியா–இங்கிலாந்து இடையிலான 3–வது ஒரு நாள் கிரிக்கெட் போட்டி ராஞ்சியில் இன்று நடக்கிறது.
ஒரு நாள் கிரிக்கெட்
அலஸ்டயர் குக் தலைமையிலானஇங்கிலாந்து கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையிலான 5 போட்டி கொண்ட ஒரு நாள் தொடரில் ராஜ்கோட்டில் நடந்த முதலாவது ஆட்டத்தில் 9 ரன்வித்தியாசத்தில் இங்கிலாந்தும், கொச்சியில் நடந்த 2–வது ஆட்டத்தில் 127 ரன்கள் வித்தியாசத்தில் இந்தியாவும் வெற்றி பெற்றன.இந்த நிலையில் இந்தியா–இங்கிலாந்து இடையிலான 3–வது ஒரு நாள் போட்டி ஜார்கண்ட் மாநிலம் ராஞ்சியில் இன்று (சனிக்கிழமை) நடக்கிறது. இங்கு சர்வதேச கிரிக்கெட் நடப்பது இதுவே முதல் முறையாகும்.ராஞ்சி, இந்தியகேப்டன் டோனியின் சொந்த ஊர் என்பதால் வழக்கத்திற்கு மாறாக எதிர்பார்ப்பு அதிகமாகியுள்ளது. 8 ஆண்டுகளுக்கு முன்பு சர்வதேச கிரிக்கெட்டுக்குள் நுழைந்த 31 வயதான டோனி முதல் முறையாக சொந்த மண்ணில் களம் இறங்கும் பரவசத்தில் காணப்படுகிறார். ஜார்கண்ட்முழுவதும் டோனியின் ஜூரம் தொற்றிக் கொண்டுள்ளது. இன்றைய ஆட்டத்தில் முழு கவனமும் டோனியின் மீதே இருக்கும் என்பதில் துளியும் சந்தேகமில்லை.
:-
டோனிக்கு நெருக்கடி:
டோனி குறித்து இங்கிலாந்து வீரர் மோர்கன் நேற்றைய பேட்டியின் போது கூறுகையில் ‘ ‘இந்திய கேப்டன் டோனி எப்போதும் நெருக்கடிக்குள்ளே தான் இருந்து கொண்டு இருக்கிறார். 120 கோடி மக்களின் எதிர்பார்ப்புகளை அவர் சுமப்பதால், அவருக்கு எப்போதும் நெருக்கடி இருக்கும். சொந்த ஊரில் விளையாடுவது அவருக்கு பெருமையாக இருக்கும்’ என்றார்.கடந்த ஆட்டத்தில் இந்திய அணியின் தொடக்கம் மோசமாக இருந்தது. ஆனால் மிடில் வரிசை பேட்ஸ்மேன்கள் பொறுப்புடன் ஆடினார்கள். இந்திய வீரர்கள் அவ்வப்போது தான் நன்றாக ஆடுகிறார்கள். தொடர்ந்து வெற்றிகளை குவிக்க வேண்டும் என்றால், ஒருங்கிணைந்து திறமையை வெளிப்படுத்துவது அவசியமாகும். வேகப்பந்து வீச்சாளர் புவனேஷ்வர்குமார், ஆல்–ரவுண்டரும், சுழற்பந்து வீச்சாளருமான ரவீந்திர ஜடேஜா ஆகியோர் கொச்சி போட்டியில் மிரட்டினார்கள். அதே போன்றதாக்கத்தை இன்றும் ஏற்படுத்துவார்களா? என்பதை பார்க்கலாம். அனேகமாக தடுமாறி வரும் வேகப்பந்து வீச்சாளர் இஷாந்த் ஷர்மாவுக்கு பதிலாக அசோக் திண்டா சேர்க்கப்படலாம்.
:-
ரன் குவிக்கலாம்:
இந்த ஆட்டம் குறித்து ரவீந்திர ஜடேஜா கூறுகையில், ‘2–வது ஆட்டத்தில் வெற்றி பெற்றது மிகுந்த மகிழ்ச்சி அளிக்கிறது. அதேவெற்றி உத்வேகத்தை இந்த ஆட்டத்திற்கும் கொண்டு செல்லும் ஆவலில் உள்ளோம். அதை செய்வோம் என்று நம்புகிறேன்’ என்றார்.அதே சமயம், முந்தைய ஆட்டத்தில்செய்த தவறுகளை திருத்திக் கொண்டு களம் இறங்க இங்கிலாந்து தயாராகி வருகிறது. இங்கிலாந்து அணிஇந்திய மண்ணில் ஒரு நாள் தொடரை வென்று 27 ஆண்டுகள் ஆகிறது. அந்த நீண்ட கால ஏக்கத்தை தணிக்க வேண்டும் என்பதில் அந்த அணி வீரர்கள் தீவிரமாக இருக்கிறார்கள்.இந்த ஆடுகளம் பேட்டிங்குக்கு சாதகமாக இருக்கும் என்று கணிக்கப்பட்டுள்ளது. ஆடுகளத்தில் பவுன்ஸ் சீராக இருக்கும். புற்கள் சிறிதளவு உள்ளது. முதலில் பேட் செய்யும் அணி 350 ரன்கள் வரை குவிக்கும் என்று எதிர்பார்ப்பதாக பிட்ச் பராமரிப்பாளர் பாசுதேவ் கூறினார்.
:-
வீரர்கள் விவரம்:
போட்டிக்கான இரு அணிகளின்உத்தேச பட்டியல் வருமாறு:–
-
இந்தியா:
கவுதம் கம்பீர், ரஹானே,
விராட் கோக்லி, யுவராஜ்சிங்,
சுரேஷ் ரெய்னா,
டோனி (கேப்டன்), ரவீந்திர ஜடேஜா, அஸ்வின், புவனேஷ்வர்குமார், ஷமி அகமது,
இஷாந்த் ஷர்மா அல்லது அசோக் திண்டா.
:-
இங்கிலாந்து: அலஸ்டயர் குக் (கேப்டன்),
இயான் பெல்,
கெவின் பீட்டர்சன், மோர்கன்,
ஜோ ரூட்,
கீஸ்வெட்டர்,
சமித் பட்டேல்,
டிம் பிரிஸ்னன்,
ஜேம்ஸ் டிரெட்வெல், டெர்ன்பேச் அல்லது ஸ்டூவர்ட் மீகெர், ஸ்டீவன்பின்.
:-
பகல் 12 மணிக்கு தொடங்கும் இந்த ஆட்டத்தை தூர்தர்ஷன் மற்றும் ஸ்டார் கிரிக்கெட் சேனல்கள் நேரடி ஒளிபரப்பு செய்கின்றன.
:-
தினந்தந்தி

இந்தியா 60/1 இன் 13.2 ஓவர்ஸ்

78/2 - கம்பீர் அவுட்

யினியவன் wrote:155 ஆல் அவுட் இன் 42.2 ஓவர்ஸ்

144/3 - யுவராஜ் அவுட்.

இன்னும் 12 ரன்கள் எடுத்து வெற்றி பெறுவோம் - பாக்கி 25 ஓவர்கள்

வெற்றி வெற்றி மிக எளிதாக வெற்றி

யினியவன் wrote:வெற்றி வெற்றி மிக எளிதாக வெற்றி

இது வழங்கப்பட்ட வெற்றியா இல்லே வாங்க பட்ட வெற்றியா எதுவா இருந்தாலும் வெற்றி வாழ்த்துக்கள் இந்திய சனிக்கு ச்சே ஆங் அணிக்கு அணிக்கு

விளையாடி வென்றது தான்

யினியவன் wrote:விளையாடி வென்றது தான்

அதுத்தான் ஆனா அது கிரவுண்டுக்கு உள்ளேயா இல்லே வெளியேயா என்று தெரியவில்லையே

உள்ள விளையாடின மாதிரி தான் தெரிஞ்சது