விளையாட்டு 2012

ஜனவரி :
8: சென்னை ஓபன் டென்னிஸ் போட்டியில் ஒற்றையர் பிரிவில் கனடாவின் மிலஸ் ரயோனிக் சாம்பியன் பட்டம் வென்றார். இரட்டையர் பிரிவில் இந்தியாவின் லியாண்டர் பயஸ்-செர்பியாவின் ஜான்கோ டிப்சரேவிச் ஜோடி பட்டம் வென்றது.
:-
10: இந்திய கால்பந்து வீரர்பாய்சுங் பூட்டியா தில்லியில் நடைபெற்ற ஜெர்மனியின் பேயர்ன் மூனிக் அணிக்கு எதிரான ஆட்டத்தோடு கால்பந்து போட்டியில் இருந்து விடைபெற்றார்.
:-
12: சென்னையில் நடைபெற்ற சென்னை ஓபன் சர்வதேச கிராண்ட்மாஸ்டர் செஸ் போட்டியில் சீனாவின் யு ரூயுவான் சாம்பியன் பட்டம் வென்றார்.
:-
13: கத்தார் தலைநகர் தோஹாவில் நடைபெற்ற ஆசிய துப்பாக்கி சுடுதல் போட்டியில் 10 மீ. ஏர் ரைபிள் பிரிவில் இந்தியாவின் அபிநவ் பிந்த்ரா தங்கம் வென்றார்.
:-
28: ஆஸ்திரேலிய ஓபன் கிராண்ட்ஸ்லாம் டென்னிஸ் போட்டியின் ஆடவர் இரட்டையர் பிரிவில் இந்தியாவின் லியாண்டர் பயஸ்-செக்.குடியரசின் ரடேக்ஸ்டெபானெக் ஜோடி பட்டம் வென்றது. இதன்மூலம் அனைத்துகிராண்ட் ஸ்லாம் போட்டிகளிலும் பட்டம் வென்றவர் என்ற பெருமையைப் பெற்றார் பயஸ்.
:-
29: ஆஸ்திரேலிய ஓபன் டென்னிஸ் போட்டியின் ஆடவர் ஒற்றையர் பிரிவில் செர்பியாவின் நோவக் ஜோகோவிச் பட்டம் வென்றார்.
:-
பிப்ரவரி :
4: பெங்களூரில் நடைபெற்ற 5ஆவது ஐபிஎல் போட்டிக்கான ஏலத்தில் ரவீந்திர ஜடேஜாவை சுமார் ரூ.10 கோடிக்கு ஏலம் எடுத்தது சென்னை சூப்பர் கிங்ஸ் அணி.
:-
5: இந்திய கிரிக்கெட் வீரர்யுவராஜ் சிங்குக்கு புற்றுநோய் இருப்பது கண்டுபிடிக்கப்பட்டது.
9: இந்திய கிரிக்கெட் அணியின் முன்னாள் கேப்டன் சுநீல் காவஸ்கருக்கு "ஹால் ஆஃப் பேம்' விருது வழங்கி கௌரவித்தது ஐசிசி.
:-
21: ஆஸ்திரேலிய முன்னாள் கேப்டன் ரிக்கி பாண்டிங் ஒருநாள் கிரிக்கெட் போட்டியிலிருந்து ஓய்வு பெற்றார்.
24: போபால் விஷவாயு விபத்துக்குக் காரணமான யூனியன் கார்பைடு நிறுவனத்தை வாங்கியுள்ள டெü கெமிக்கல் நிறுவனத்தை லண்டன் ஒலிம்பிக் போட்டியின் ஸ்பான்சர்ஷிப்பில் இருந்துநீக்குமாறு சர்வதேச ஒலிம்பிக் கவுன்சிலுக்கு மத்திய விளையாட்டு அமைச்சகம் கடிதம் எழுதியது.
:-
29: ஆசிய கோப்பைக்கான இந்திய கிரிக்கெட் அணியின் துணை கேப்டனாக விராட் கோலி நியமிக்கப்பட்டார்.
:-
மார்ச் :
9: இந்தியாவின் சுவர் என்ற அழைக்கப்பட்ட ராகுல் திராவிட் சர்வதேச கிரிக்கெட்டிலிருந்து ஓய்வு பெற்றார். இதன்மூலம் அவரின் 16 ஆண்டுகால கிரிக்கெட் வாழ்க்கை முடிவுக்கு வந்தது.
:-
11: இரட்டையர் டென்னிஸ் போட்டியில் 600ஆவது வெற்றியைப் பதிவு செய்தார் லியாண்டர் பயஸ்.
16: ஆசிய கோப்பை கிரிக்கெட்போட்டியில் வங்கதேசத்துக்கு எதிரான ஆட்டத்தில் 114 ரன்கள் எடுத்ததன் மூலம் சர்வதேச கிரிக்கெட்டில் 100ஆவது சதத்தைப் பதிவு செய்தார் மாஸ்டர் பேட்ஸ்மேன் சச்சின்.
:-
18: அமெரிக்காவின் பாஸ்டனில் உள்ள புற்றுநோய் ஆராய்ச்சி மையத்தில் புற்றுநோய்க்கு சிகிச்சை பெற்று வந்த இந்திய கிரிக்கெட் வீரர் யுவராஜ் சிங் டிஸ்சார்ஜ் ஆனார்.
:-
22: ஆசியக் கோப்பை கிரிக்கெட் போட்டியில் பாகிஸ்தான் சாம்பியன்.
:-
மே :
1: இந்தியாவின் லியாண்டர் பயஸ், ஆடவர் இரட்டையர் பிரிவு டென்னிஸ் போட்டியில் 50ஆவது சாம்பியன் பட்டம் வென்றார்.
ஏப்ரல்
5: துருக்கியின் அந்தால்யாவில் நடைபெற்ற உலகக் கோப்பை வில்வித்தை போட்டியின் தனிநபர் பிரிவில் இந்தியாவின் தீபிகா குமாரி தங்கம் வென்றார்.
:-
12: சர்வதேச கிரிக்கெட்டில் 100 சதம் கண்ட சச்சினுக்கு தங்க பேட்டையும், 100 ரசகுல்லாவையும் மேற்கு வங்க முதல்வர் மம்தா பானர்ஜி பரிசளித்தார்.
15: மைதான காவலருடன் தகராறுசெய்ததால் கொல்கத்தா நைட் ரைடர்ஸ் அணியின் உரிமையாளரும், நடிகருமான ஷாருக் கான் மும்பை வான்கடேமைதானத்தில் நுழைவதற்கு தடை விதிக்கப்பட்டது.
:-
18: பெங்களூர் ராயல் சேலஞ்சர்ஸ் ஐபிஎல் அணியில் இடம்பெற்றிருந்த ஆஸ்திரேலிய வீரர் லியூக் போமர்ஸ்பேச், அமெரிக்க பெண்ணிடம் தவறாக நடக்க முயன்றதையடுத்து தில்லியில் கைது செய்யப்பட்டார்.
:-
27: சென்னையில் நடைபெற்ற ஐபிஎல் இறுதி ஆட்டத்தில் சென்னை சூப்பர் கிங்ûஸ வீழ்த்தி சாம்பியன் பட்டம் வென்றது கொல்கத்தா நைட் ரைடர்ஸ்.
:-
30: உலக செஸ் சாம்பியன் போட்டியில் 5ஆவது முறையாக பட்டம் வென்றார் இந்தியாவின் விஸ்வநாதன் ஆனந்த்.
:-
ஜூன் :
7: பிரெஞ்சு ஓபன் டென்னிஸ் போட்டியின் கலப்பு இரட்டையர் பிரிவில் இந்தியாவின் மகேஷ் பூபதி-சானியா மிர்சா ஜோடி சாம்பியன் பட்டம் வென்றது.
7: உஸ்பெகிஸ்தான் தலைநகர் தாஷ்கண்டில் நடைபெற்ற ஆசிய ஜூனியர் செஸ் சாம்பியன்ஷிப் போட்டியில் தமிழகத்தின் ஸ்ரீநாத் பட்டம் வென்றார்.
:-
9: பிரெஞ்சு ஓபன் மகளிர் ஒற்றையர் பிரிவில் ரஷியாவின் மரியா ஷரபோவா பட்டம் வென்றார்.
10: தாய்லாந்து தலைநகர் பாங்காக்கில் நடைபெற்ற தாய்லாந்து ஓபன் கிராண்ட்ப்ரீ பாட்மிண்டன் போட்டியில் இந்தியாவின் சாய்னா நெவால் பட்டம் வென்றார்.
:-
11: பிரெஞ்சு ஓபன் டென்னிஸ்போட்டியில் 7ஆவது முறையாக பட்டம் வென்றார் ஸ்பெயினின் ரஃபேல் நடால்.
17: இந்தோனேசிய ஓபன் சூப்பர் சீரிஸ் பாட்மிண்டன் போட்டியில் 3ஆவது முறையாக பட்டம் வென்றார் இந்தியாவின் சாய்னா நெவால்.
:-
21: லியாண்டர் பயஸýடன் ஜோடிசேர மகேஷ் பூபதியும், போபண்ணாவும் மறுத்ததையடுத்து ஒலிம்பிக்கில் இந்தியாவின்சார்பில் இரு அணிகள் பங்கேற்கும். பூபதி-போபண்ணாஓர் அணியாகவும், பயஸ்-விஷ்ணுவர்தன் ஓர் அணியாகவும் பங்கேற்பார்கள்என்று ஏஐடிஏ அறிவித்தது.
:-
ஜூலை :
1: யூரோ கோப்பை கால்பந்து போட்டியில் ஸ்பெயின் சாம்பியன் பட்டம் வென்றது.
7: விம்பிள்டன் டென்னிஸ் போட்டியின் மகளிர் ஒற்றையர் பிரிவில் 5ஆவது முறையாக பட்டம் வென்றார் அமெரிக்காவின் செரீனா வில்லியம்ஸ்.
:-
8: விம்பிள்டன் டென்னிஸ் போட்டியின் ஆடவர் ஒற்றையர் பிரிவில் 7ஆவது முறையாக பட்டம் வென்றார் ஸ்விட்சர்லாந்தின் ரோஜர் ஃபெடரர்.
10: சர்வதேச கிரிக்கெட்டிலிருந்து ஓய்வு பெற்றார் தென் ஆப்பிரிக்க விக்கெட் கீப்பர் மார்க் பவுச்சர்.
:-
11: ஆஸ்திரேலிய வேகப்பந்து வீச்சாளர் பிரெட் லீ சர்வதேச கிரிக்கெட்டிலிருந்து ஓய்வு பெற்றார்.

27: 30ஆவது ஒலிம்பிக் போட்டி லண்டனில் கோலாகலமாகத் தொடங்கியது.
:-
30: ஒலிம்பிக் துப்பாக்கி சுடுதல் போட்டியில் 10 மீ. ஏர் ரைபிள் பிரிவில் ககன் நரங் வெண்கலப் பதக்கம் வென்றார்.
:-
ஆகஸ்டு :
1: அடுத்த சுற்றுகளில் எளிதான அணிகளுடன் மோத வேண்டும் என்பதற்காக சிறிய அணிகளிடம் திட்டமிட்டு தோற்றதாகக் கூறி சீனா,
தென் கொரியா, இந்தோனேசியா ஆகிய அணிகளைச் சேர்ந்த 8 பாட்மிண்டன் வீராங்கனைகள் ஒலிம்பிக்கில் இருந்து தகுதி நீக்கம் செய்யப்பட்டனர்.
:-
3: ஒலிம்பிக் 25 மீ. ரேபிட் ஃபயர் பிஸ்டல் துப்பாக்கி சுடுதல் போட்டியில் இந்தியாவின் விஜய்குமார் வெள்ளி வென்றார்.
:-
4: ஒலிம்பிக் பாட்மிண்டன் போட்டியில் இந்தியாவின் சாய்னா நெவால் வெண்கலம் வென்றார்.
8: ஒலிம்பிக் மகளிர் குத்துச்சண்டை போட்டியில் 51 கிலோ எடைப் பிரிவில் இந்தியாவின் மேரி கோம் வெண்கலம் வென்றார்.
:-
11: ஒலிம்பிக்கில் ஆடவர் 60கிலோ எடைப் பிரிவு மல்யுத்தப் போட்டியில் இந்தியாவின் யோகேஷ்வர் தத் வெண்கலம் வென்றார்.
12: ஒலிம்பிக்கில் ஆடவர் 66கிலோ எடைப் பிரிவு மல்யுத்தப் போட்டியில் இந்தியாவின் சுஷில் குமார் வெள்ளி வென்றார்.
:-
12: ஒலிம்பிக் போட்டி நிறைவடைந்தது. இந்தியா 2 வெள்ளி, 4 வெண்கலம் என 6 பதக்கங்களை வென்றது.
18: இந்திய கிரிக்கெட் வீரர் வி.வி.எஸ்.லட்சுமண் சர்வதேச கிரிக்கெட்டிலிருந்து ஓய்வு பெற்றார்.
:-
26: 19 வயதுக்குட்பட்டோருக்கான உலகக் கோப்பை கிரிக்கெட் போட்டியில் இந்தியா சாம்பியன் பட்டம் வென்றது.
:-
செப்டம்பர் :
2: நேரு கோப்பை கால்பந்து போட்டியில் தொடர்ந்து 3ஆவது முறையாக பட்டம் வென்றது இந்தியா.
15: ஒலிம்பிக் டென்னிஸ் போட்டியில் பயஸýடன் ஜோடி சேர மறுத்ததற்காக பூபதி, போபண்ணா இருவருக்கும் தலா 2ஆண்டுகள் தடை விதித்தது அகில இந்திய டென்னிஸ் சங்கம்.
:-
15: ஆண்டின் சிறந்த ஒருநாள்போட்டி வீரருக்கான ஐசிசி விருதை பெற்றார் இந்திய கிரிக்கெட் வீரர் விராட் கோலி.
:-
அக்டோபர்:
7: இருபது ஓவர் உலகக் கோப்பை கிரிக்கெட் போட்டியின் இறுதி ஆட்டத்தில் இலங்கையை வீழ்த்தி மேற்கிந்தியத் தீவுகள் அணி சாம்பியன்.
நவம்பர்
8: இந்திய கிரிக்கெட் அணியின் முன்னாள் கேப்டன் முகமது அசாருதீனுக்கு விதித்த ஆயுள்கால தடைரத்து
25: ஃபார்முலா 1 கார் பந்தயத்தில் தொடர்ந்து 3ஆவது முறையாக ஜெர்மனியின் செபாஸ்டியன் வெட்டல் சாம்பியன் பட்டம் வென்றார்.
:-
டிசம்பர் :
6: தேர்தலில் விளையாட்டு வழிகாட்டு நெறிமுறையை மீறியதாகக் கூறி இந்திய வில்வித்தை சங்கத்தின் அங்கீகாரத்தை ரத்து செய்தது மத்திய விளையாட்டு அமைச்சகம்.
:-
10: ஆர்ஜென்டீனா கால்பந்து வீரர் லயோனல் மெஸ்ஸி இந்த ஆண்டில் 86 கோல்கள் அடித்தார். இதன்மூலம் ஓர் ஆண்டில் அதிக கோலடித்தவரான ஜெர்மனி வீரர் ஜெர்டு முல்லரின் 40 ஆண்டுகால சாதனையைத் தகர்த்தார். அவர்85 கோல் அடித்ததே சாதனையாக இருந்தது.
:-
17. இந்தியாவுக்கு எதிரான டெஸ்ட் தொடரை 2-1 என வென்றது இங்கிலாந்து.
23. ஒருநாள் கிரிக்கெட்டிலிருந்து சச்சின் டெண்டுல்கர் ஓய்வு.
:-
தினமணி

தகவலுக்கு நன்றி பவுன்ராஜ்