2-வது ஒருநாள் ஆட்டம்: இந்தியா-இங்கிலாந்து நாளை மோதல்

**Powenraj** · **Powenraj** Mon Jan 14, 2013 3:57 pm

இந்திய-இங்கிலாந்து அணிகளுக்கு இடையிலான 2-வது ஒருநாள் ஆட்டம் கேரள மாநிலம் கொச்சியில் செவ்வாய்க்கிழமை நடைபெறுகிறது.
:-
முதல் ஆட்டத்தில் வெற்றி கண்ட உற்சாகத்தில் இங்கிலாந்தும், முதல் வெற்றியைப் பெற வேண்டிய கட்டாயத்தில் இந்தியாவும் களம் காண்கின்றன. இரு அணியிலும் பெரிய அளவில் மாற்றம் எதுவும் இருக்காது.முதல் ஆட்டத்தில் இடம்பெற்ற அதே வீரர்களே இடம்பெறுவார்கள் என்று எதிர்பார்க்கப்படுகிறது.
:-
இந்திய அணியைப் பொறுத்தவரையில் கடந்த ஆட்டத்தில் ரஹானே, கம்பீர், யுவராஜ் சிங், ரெய்னா, தோனி ஆகியோர் சிறப்பாக ஆடி ரன் சேர்த்ததால் 300 ரன்களுக்கு மேல் குவிக்க முடிந்தது. எனினும் விராட் கோலி தொடர்ந்து மோசமாக ஆடி வருவது கவலையளிக்கிறது.
:-
பலவீனமான பௌலிங்: இந்திய அணியின் பெüலிங் மிகவும் மோசமாக உள்ளது. கடந்த ஆட்டத்தில் பகுதிநேர பந்துவீச்சாளர்களான ரவீந்திர ஜடேஜா, சுரேஷ் ரெய்னா மட்டுமே சிறப்பாக பந்துவீசினர். இஷாந்த் சர்மா, அசோக் திண்டா, புவனேஸ்வர் குமார், அஸ்வின்என அனைத்து பெüலர்களையும் இங்கிலாந்து பேட்ஸ்மேன்கள்பதம்பார்த்தனர்.
:-
முதல் ஆட்டத்தில் கடைசி இருஓவர்களில் மட்டும் இஷாந்த் சர்மாவும், புவனேஸ்வர் குமாரும் 38 ரன்களை வாரி வழங்கினர். பந்துவீச்சைப் பொறுத்தவரையில் தற்போதைய பெüலர்களை விட்டால் வேறு வழியில்லை என்ற நிலையில்தான் இந்திய அணி இருக்கிறது.
:-
இங்கிலாந்து அணியில் கேப்டன் அலாஸ்டர் குக், இயான் பெல், கெவின் பீட்டர்சன், இயோன் மோர்கன், கீஸ்வெட்டர், சமித் படேல், ஜோ ரூட் ஆகியோர் பேட்டிங்கில் பலம் சேர்க்கின்றனர்.
பந்துவீச்சிலும் அந்த அணி பலமாகவே இருக்கிறது. கடந்த ஆட்டத்தில் வேகப்பந்து வீச்சாளர்கள் ரன்களை வாரி வழங்கினாலும் டிரெட்வெல் போன்ற சுழற்பந்து வீச்சாளர்கள் சிறப்பாக செயல்பட்டு இந்திய அணியின் ரன் குவிப்பை கட்டுப்படுத்தினர்.
:-
அதிக விக்கெட்:
கொச்சி மைதானத்தில் அதிக விக்கெட் வீழ்த்தியவர் என்ற சாதனை மாஸ்டர் பேட்ஸ்மேன் சச்சின் டெண்டுல்கர் வசம் உள்ளது. இங்கு 4 ஆட்டங்களில் விளையாடியுள்ளசச்சின் 10 விக்கெட்டுகளை வீழ்த்தியுள்ளார். இரு முறை5 விக்கெட்டுகளை வீழ்த்தியுள்ளார்.
:-
1998-ம் ஆண்டு நடைபெற்ற ஆஸ்திரேலியாவுக்கு எதிரான ஆட்டத்தில் சச்சின் 10 ஓவர்களில் 32 ரன்களை மட்டுமே கொடுத்து மைக்கேல் பெவன், ஸ்டீவ் வாஹ், லீமான்,டாம் மூடி, டேமியன் மார்ட்டின் என ஆஸ்திரேலியாவின் 5 முன்னணி விக்கெட்டுகளை வீழ்த்தி இந்தியாவுக்கு வெற்றி தேடித்தந்தார். இதுதான் சச்சினின் சிறந்த பந்துவீச்சு.
:-
ரூ. 1 கோடி டிக்கெட் விற்பனை:
இந்த ஆட்டத்துக்காக ஞாயிற்றுக்கிழமை வரை சுமார் ரூ.1.2 கோடி மதிப்பிலான டிக்கெட்டுகள் விற்று தீர்ந்துள்ளன. 52 ஆயிரம் இருக்கைகள் கொண்ட இந்த மைதானத்தில் ரூ.25 ஆயிரம் மதிப்பிலான டிக்கெட்டுகள் மட்டுமே விற்பனையாகாமல் உள்ளது. அவையும் விற்று தீர்ந்துவிடும் என்று கேரள கிரிக்கெட் சங்கத்தினர் தெரிவித்துள்ளனர்.
:-
பலத்த பாதுகாப்பு:
இந்த ஆட்டத்துக்காக பலத்த பாதுகாப்பு ஏற்பாடுகள் செய்யப்பட்டுள்ளன.
ஆட்டத்தின்போது 2,000 போலீஸôர் பாதுகாப்புப் பணியில் ஈடுபடுத்தப்படவுள்ளனர். மேலும் மோப்ப நாய்கள், வெடிகுண்டு நிபுணர்களைக் கொண்டு மைதானத்தில் அவ்வப்போது சோதனை நடத்தப்பட்டு வருகிறது. ஒருங்கிணைந்த பாதுகாப்பு முறையின் ஒரு பகுதியாக மைதானத்தில் 50 கண்காணிப்பு கேமராக்கள் பொருத்தப்படவுள்ளதாக போலீஸ் அதிகாரிகள் தெரிவித்துள்ளனர்.
:-
மைதானம் எப்படி?
போட்டி நடைபெறவுள்ள கொச்சி ஜவாஹர்லால் நேரு மைதானம் பேட்டிங்குக்கு சாதகமானதாகும். இதனால் முதல் ஆட்டத்தைப் போலவே இந்த ஆட்டத்திலும் 300 ரன்களுக்கு மேல் குவிக்க வாய்ப்புள்ளது.
:-
இதுவரை...
இந்திய அணி இதுவரை இங்கு 6 ஒருநாள் ஆட்டங்களில் விளையாடியுள்ளது. அதில் 4 வெற்றியையும், 2 தோல்வியையும் பதிவு செய்துள்ளது. கடைசியாக 2007அக்டோபரில் நடைபெற்ற ஆஸ்திரேலியாவுக்கு எதிரான ஆட்டத்தில் இந்திய அணி 84 ரன்கள் வித்தியாசத்தில் தோல்வி கண்டுள்ளது. இந்திய-இங்கிலாந்து அணிகள் இதற்கு முன்னதாக இங்கு ஓர் ஆட்டத்தில் மோதியுள்ளன. 2006-ல் நடைபெற்ற அந்த ஆட்டத்தில் இந்தியா 4 விக்கெட் வித்தியாசத்தில் வெற்றி கண்டது.
:-
அதிக ரன்...
1998-ம் ஆண்டு ஏப்ரல் 1-ம் தேதி நடைபெற்ற ஆஸ்திரேலியாவுக்கு எதிரான ஆட்டத்தில் இந்திய அணி 5 விக்கெட் இழப்புக்கு 309 ரன்கள் குவித்ததே இங்கு எடுக்கப்பட்ட அதிகபட்ச ஸ்கோர் ஆகும்.
:-
தனிநபர் அதிக ரன்...
ராகுல் திராவிட் இங்கு 4 ஆட்டங்களில் விளையாடி 223 ரன்கள் குவித்துள்ளார். இதுதான் கொச்சி மைதானத்தில் தனிப்பட்ட வீரர் ஒருவரால் எடுக்கப்பட்ட அதிகபட்ச ஸ்கோர்.
:-
தினமணி

பாலாஜி · பாலாஜி Mon Jan 14, 2013 3:58 pm

இந்திய எழுச்சி பெற வாழ்த்துக்கள் சூப்பருங்க

balakarthik · balakarthik Mon Jan 14, 2013 4:00 pm

பாலாஜி wrote:இந்திய எழுச்சி பெற வாழ்த்துக்கள்

அது முடியலெனாக்குட முயற்சியாவது செய்ய வாழ்த்துக்கள்

**Ahanya** · **Ahanya** Mon Jan 14, 2013 4:01 pm

இந்திய அணி வெற்றி பெற வாழ்த்துக்கள்....... பாடகன்

**ரா.ரமேஷ்குமார்** · 23/01/2011

முதல் ஒரு நாள் போட்டியில் சமி அகமதுவிற்கு வாய்ப்பு வழங்கி இருக்கலாம்...உமேஷ் யாதவ் என்ன ஆனார் என்று தெரியவில்லை பிரவின் குமாரையும் காணவில்லை...நாளைய போட்டியில் சிறப்பாக ஆடுவார்கள் வெற்றி பெறுவார்கள் என்ற நம்பிக்கையில் பார்ப்போம் வழக்கம் போல...