தொலைக்காட்சி, செல்பேசி, கணினிக்கு இளைஞர்கள் அடிமையாகிவிட வேண்டாம் என"தினமணி' கார்ட்டூனிஸ்ட் மதி கேட்டுக் கொண்டுள்ளார்.
மதுரையில் உள்ள ஸ்ரீ ராமகிருஷ்ண மடத்தில் சனிக்கிழமை நடைபெற்ற சுவாமி விவேகானந்தரின் 150-வது ஜயந்தி விழாவில் பங்கேற்றுப் பேசியபோது இவ்வாறு வலியுறுத்தினார். அவர் மேலும் பேசியதாவது:
:-
சுவாமி விவேகானந்தர் குறிப்பிட்ட மதத்துக்கோ, இனத்துக்கோ சொந்தமானவர் அல்ல. சமயச் சமத்துவம், மனிதநேயம், மனித உரிமை, சமூக நீதி, எதிர்காலப் பொருளாதாரம், ஜாதி ஒழிப்பு, கல்வி, மனிதனின் பரிணாம வளர்ச்சி என தனது தீர்க்க தரிசனத்தின் மூலமாக பல்வேறு அறிவுரைகளை அவர் இளைஞர்களுக்கு வழங்கியுள்ளார். அவரது அறிவுரைகளை ஏற்று நடந்தால்,வாழ்வில் வெற்றியடையலாம்.
:-
அவரது அறிவுரையின்படி, முதலில் வாழ்க்கைக் கல்வியை கற்றுக் கொள்ள வேண்டும். நல்ல ஒழுக்கத்தை உருவாக்கி, மன வலிமையை வளர்த்து, விரிந்த அறிவைத் தந்து, சுய வலிமையுடன் ஒருவரை நிற்கச் செய்யும் கல்வியே தற்போது நமக்குத் தேவை.
:-
தற்போது வீட்டுப் பெண்களை தொலைக்காட்சித் தொடர்கள் அடிமைப்படுத்தி விட்டன. இளைஞர்களுக்கு கலாசாரச் சீரழிவை படம் போட்டுக் காட்டுவதுடன், குழந்தைகளின் கை கால்களையும் அவை கட்டிப்போட்டு உட்கார வைத்துவிட்டன. தொலைக்காட்சிகளின் குட்டிபோல செல்போன்கள் நம்மிடையே இடம்பிடித்து விட்டன. முகலாயர், ஆங்கிலேயரிடம் அடிமைப்பட்டிருந்ததைவிட தற்போது டி.வி., கணினி, செல்பேசிகளிடம் நாம் அடிமைப்பட்டுள்ளோம். இதற்காகவா சுதந்திரம் பெற்றோம்? ஆகவே, இளைஞர்கள் சிந்தித்துச் செயல்பட வேண்டும்.
:-
நமக்கு எதிரான தீய சக்திகளைஎதிர்த்துப் போராடி வெற்றிபெற உடல், மன வலிமை முக்கியம். சுவாமி விவேகானந்தருக்கு தமிழகத்தின் மீது தனி அன்பும், மரியாதையும் இருந்தது. அறிவாற்றல் பொருந்திய தூய்மைமிக்க நூறு இளைஞர்கள் வந்தால் உலகையே மாற்றியமைக்கலாம் என்றார். அந்த நூறு இளைஞர்களும் தமிழகத்திலிருந்தே வந்தால்மகிழ்ச்சி என்றார் மதி.
:-
நிகழ்ச்சிக்கு, மதுரை ஸ்ரீ ராமகிருஷ்ண மடத்தின் தலைவர் கமலாத்மானாந்தர் தலைமை வகித்தார். மாவட்ட ஆட்சியர் அன்சுல் மிஸ்ரா, மாநகர் துணை ஆணையர் (சட்டம்,ஒழுங்கு) திருநாவுக்கரசு ஆகியோர் வாழ்த்திப் பேசினர். கவியரசு கண்ணதாசன்நற்பணி மன்றத் தலைவர் ரா.சொக்கலிங்கம் வரவேற்றார்.
:-
ஜயந்தியை முன்னிட்டு பள்ளி,கல்லூரி மாணவர்களுக்கு நடத்தப்பட்ட கட்டுரை, பேச்சுப் போட்டிகளில் வெற்றி பெற்றவர்களுக்குப் பரிசளிக்கப்பட்டது.
நிகழ்ச்சியில், ராமகிருஷ்ண பிரார்தனாலயா தலைவர் ராதாகிருஷ்ணன், மங்கையர்க்கரசி கல்வி நிறுவனத்தைச் சேர்ந்த அசோக்குமார், சின்மயா சோமசுந்தரம் உள்ளிட்டோர் கலந்து கொண்டனர்.
:-
தினமணி

பகிர்வுக்கு நன்றி.....

உண்மைதான் .

தொலைக்காட்சி , செல்பேசி , கணினி , என்பன இல்லாமல் இன்று வாழ்க்கை இல்லை. இவற்றுடன் நல்ல நட்பை வைத்திருங்கள் ஆனால்
இவற்றுடன் காதலை வளர்க்காதீர்கள்.

அப்படித்தானே?