எமை தாங்கிய சுமைதாங்கி

**T.N.Balasubramanian** · **T.N.Balasubramanian** Sat Jan 12, 2013 9:23 pm

எனது இனிய ஈகரை அன்புகளுக்கு
எந்தன் இனிய பொங்கல் வாழ்த்துக்கள்.
கருத்தை கவர்ந்த ஆங்கில கவிதை
விருந்தென படைப்போம் தமிழில். அன்பு மலர்

ரமணியன்
=======================================================================================

எமை தாங்கிய சுமைதாங்கி

கனவொன்று காண்கிறேன்
கையோடு கை கோர்த்து
கடவுளுடன் நடக்கிறேன்,
கடற்கரை தனிலே..

இன்ப துன்பத்தில்
இணைந்திருக்கும்
இறைவனுடன் நடக்கிறேன்,
ஈர மணல்தனிலே

வானத்து மீதொரு
காணொளி காண்கிறேன்
வாழ்வில் நடந்தவை யாவும்
வண்ணக்காட்சி ஆக,

.நிகழ்வு ஒன்று நடக்க,
பதிந்த பாத சுவடுகள் ,
இரு ஜோடி --- ஈர மண்ணில்.

எமை தாங்கிய சுமைதாங்கி Footprints2

ஒரு ஜோடி இறைவனது
மறு ஜோடி எனது.

மகிழ்ச்சி காலங்களும் உண்டு:
நெகிழ்ச்சி காலங்களும் உண்டு.

நிகழ்ந்த நிகழ்வுகள் பலப்பல,
பதிந்த ஜோடி சுவடுகளும்,
பற்பல பற்பல.

நடக்க நடக்க,
கடந்த காலங்கள்,
காலடி சுவடென
பதிய கண்டேன்.

கடைசி காட்சியும்,
வானிலே மறைய,
காலடிகளை நோக்க
கண்களும் பின்னோக்கின .

இரு ஜோடி காலடிகள்
ஈர மண்ணில் தெரிந்தாலும்,
ஒரு சில இடங்களில்,
ஒரு ஜோடி காலடிகளே ,
யோசிக்க வைத்தது என்னை!
எமை தாங்கிய சுமைதாங்கி Footprints

கஷ்டப்பட்ட காலங்கள்,
கவலை பட்ட காலங்கள்,
கடவுளே காப்பாற்றுங்கள் என
கதறிய காலங்கள்
தனியாக தவித்த
காலங்களன்றோ,
ஒரு ஜோடி காலடிகள்
காட்டும் காலங்கள்,

எமை தாங்கிய சுமைதாங்கி Footprints

கை கொடுக்கா கடவுளா?
கூட வராக் கடவுளா?
கூடவே வராதவரா ?
கூடுகிறதே குழப்பம் ?
கேட்போமா?
கேட்டிட வாயை
திறக்..........கு ....முன்னரே .......

கணீரென்ற குரல்,
கனிவான குரல்,
குழந்தாய் ...
செல்வமே --------
குழம்பாதே --------
கஷ்டகாலத்திலும்
கவலை பட்டக் காலத்திலும்
கதறிய காலத்திலும்
ஆறுதல் காட்டவே ..
தோளில் உன்னை சுமந்ததால்
ஒரு ஜோடி காலடி சுவடுகளே.
உன் கண்ணில் படுகிறது.
==================================================================================================

**கரூர் கவியன்பன்** · 23/09/2012

கவிதை அருமை அய்யா. சூப்பருங்க

அய்யா இது பெயர்ப்பு கவிதையா ?

**T.N.Balasubramanian** · **T.N.Balasubramanian** Sun Jan 13, 2013 12:45 pm

நன்றி,கரூர் கவி.

இதன் மூலம் ஆங்கிலம்.
கருத்து பிடித்து இருந்ததால்,தமிழில்,
கவிதை வடிவம் நம்முடையது.

ரமணியன்

**ஜாஹீதாபானு** · **ஜாஹீதாபானு** Sun Jan 13, 2013 2:39 pm

ரொம்ப ரொம்ப அருமை ....கஷ்ட காலத்தில கடவுள் நம்மை சுமக்கிறான் என்பது சூப்பருங்க

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

**Ahanya** · **Ahanya** Sun Jan 13, 2013 9:42 pm

கவிதை அருமை ஐயா..... அன்பு மலர்

யினியவன் · யினியவன் Sun Jan 13, 2013 9:45 pm

நல்ல மொழி பெயர்ப்பு - கருத்தும் அருமை அய்யா

நான் அந்த பாதச் சுவடுகளை தந்தை, நண்பன், தாய் என்று கொள்கிறேன் அய்யா.

**கரூர் கவியன்பன்** · 23/09/2012

T.N.Balasubramanian wrote:நன்றி,கரூர் கவி.
இதன் மூலம் ஆங்கிலம்.
கருத்து பிடித்து இருந்ததால்,தமிழில்,
கவிதை வடிவம் நம்முடையது.

ரமணியன்

நான் ஏன் கேட்டேன் என்றால், இது மொழிபெயர்ப்பு கவிதை போல தெரியவில்லை.தமிழில் உதித்த சிறந்த கவிதையாகவே தெரிந்தது அதனால் தான் அய்யா

**முத்துராஜ்** · 24/12/2011

அருமையான கவிதை

**T.N.Balasubramanian** · **T.N.Balasubramanian** Mon Jan 14, 2013 12:36 pm

Ahanya wrote:கவிதை அருமை ஐயா.....

நன்றி அகன்யா

**T.N.Balasubramanian** · **T.N.Balasubramanian** Mon Jan 14, 2013 12:38 pm

யினியவன் wrote:நல்ல மொழி பெயர்ப்பு - கருத்தும் அருமை அய்யா

நான் அந்த பாதச் சுவடுகளை தந்தை, நண்பன், தாய் என்று கொள்கிறேன் அய்யா.

நல்ல சிந்தனை இனியவன்.
கூடவே (!) இருக்கும் மனைவியையும் சேர்த்துக்கொள்ளலாமே.

ரமணியன்

Sponsored content · Sponsored content

எமை தாங்கிய சுமைதாங்கி

எமை தாங்கிய சுமைதாங்கி

Re: எமை தாங்கிய சுமைதாங்கி

www.karurkaviyanban.blogspot.in

Re: எமை தாங்கிய சுமைதாங்கி

Re: எமை தாங்கிய சுமைதாங்கி

Re: எமை தாங்கிய சுமைதாங்கி

Re: எமை தாங்கிய சுமைதாங்கி

Re: எமை தாங்கிய சுமைதாங்கி

www.karurkaviyanban.blogspot.in

Re: எமை தாங்கிய சுமைதாங்கி

Re: எமை தாங்கிய சுமைதாங்கி

Re: எமை தாங்கிய சுமைதாங்கி

Re: எமை தாங்கிய சுமைதாங்கி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக