வேறெங்கு போவது?

அரசு எதை செய்தாலும் எதிர்த்துக் கொண்டே இருப்பதுதான் எதிர்க்கட்சியின் இலக்கணம்என்று ஆகிவிட்டது. ரயில் பயண கட்டணம் உயர்த்தப்பட்டதற்கு கடும் எதிர்ப்பு தெரிவித்து அவை கடமையை செவ்வனே செய்திருக்கின்றன. மம்தாவின் திருணாமுல் காங்கிரஸ் கட்சியின் வசம் ரயில்வே அமைச்சகம் இருந்தபோது கட்டண உயர்வு அறிவிக்கப்பட்டதை வரவேற்றுஇருந்தோம். ரயில்வே தொழிற்சங்கங்களும் தவிர்க்க முடியாத அந்த உயர்வின் அவசியத்தை அங்கீகரித்தன. பொது சேவை துறையில் எடுக்கப்படும் கட்டண உயர்வு நடவடிக்கைக்கு தொழிலாளர்களே ஆதரவு தெரிவித்தது அதுதான் முதல் தடவை.
:-
அதற்கு காரணம், உலகின் மிகப்பெரிய நிறுவனமாக சொல்லப்படும் இந்திய ரயில்வேயின் உண்மையான நிலவரம் எவ்வளவு பரிதாபத்துக்குரியது என்பதை தொழிற்சங்க தலைவர்கள் அறிந்திருந்தார்கள். வருமானம் அதிகரித்தால்தான்தங்களுக்கு ஊதிய உயர்வும் போனசும் கிடைக்கும் என்ற அற்ப ஆசையால் அல்ல. தினந்தோறும் தங்களை நம்பி பயணம் செய்யும் கோடிக்கணக்கான மக்களின் உயிருக்கு பாதுகாப்பு வழங்குவதில் தொடங்கி நவீனமயம், விரிவாக்கம் போன்ற வளர்ச்சித் திட்டங்களை நிறைவேற்ற மிகப்பெரிய அளவில் நிதி தேவை என்பதை அவர்கள் அறிவார்கள்.
:-
கட்டணத்தை உயர்த்தவில்லை என்றால் ரயில்களில் கரப்பான் பூச்சிகளை ஒழிக்கக்கூட வழியிருக்காதுஎன ஒரு தொழிற்சங்க தலைவர் குறிப்பிட்டார். அடுத்தடுத்து வந்த அமைச்சர்கள் அதை கேட்காததால் ஒரு பக்கம் செலவு அதிகரித்து, மறுபக்கம் வருவாய் குறைந்து பத்து ஆண்டுகளில் இடைவெளி படுகுழியாகி விட்டது.
:-
இதே நேரத்தில் டீசல், மின்சாரம், ஊதியம் எல்லாமே கிடுகிடு உயர்வு. பஸ் பயண கட்டணமும், லாரி சரக்கு கட்டணங்களும் பலமுறை உயர்த்தப்பட்டன. அதற்கு ஈடுகொடுக்க தவறியதால் அறிவிக்கப்பட்ட ரயில்களைக்கூட ஓட்ட வழி தெரியாமல் ரயில்வே நிர்வாகம் விழி பிதுங்கி நின்றது. அந்த நிலையில் அமைச்சர் எடுத்த நல்ல முடிவை மம்தா அன்று தடுத்துவிட்டார். ஏழைகளுக்கு சுமைதான். என்றாலும், பஸ் கட்டணத்தைவிட இன்னமும் ரயில் கட்டணம் கணிசமாக குறைவு என்பதை கவனிக்க வேண்டும். தனியார் மயம், அன்னிய முதலீடு என்று குறுக்கு வழியை நாடாமல்மக்களுக்கு சேவை செய்ய மக்களிடமே கையேந்தும் நேர்வழி நேர்மையான வழி.
:-
தினகரன்

விலை வாசி உயர்வை தடுக்க முடியாது ஆனால் கட்டுப்படுத்த இயலும் ஊழலை ஒழித்து நேர்மையாக கடமையை செய்தால் - அதுதான் இல்லியே அப்புறம் வேறு வழி - ஏத்துங்க ஏத்துங்க.

கட்ட வண்டி கட்ட வண்டி கழயாணி கழண்ட வண்டின்னு பாடிட்டே மாட்ட பூட்டி வண்டிய தயார் பண்ணும் நிலை வராமல் இருந்தா சரி

திட்டமிடல் இல்லாமல் வெறும் விலை உயர்வு மட்டும் சரியான வழிமுறை இல்லை நண்பரே!!!!

சரியான திட்டமிடல் இருந்தால் விலை / கட்டண உயர்வு எந்த பொருளுக்கும் தேவை இல்லை....

நம்நாட்டில் எது உயருகிறதோ இல்லையோ விலைவாசி உயருகிறது ......

ஏத்துங்கடா ஏத்துங்கடா...உங்க இஷ்டத்துக்கு ஏத்துங்கடா...
நாங்களும் போய் ஏத்துறோம் டாஸ்மாக்குல...
அப்புறம் அப்டியே கவுந்து படுத்துட்டா எது எங்க மேல ஏறினாலுமே தெரியாது...
இதுல விலைவாசி ஏறினாவா தெரியப் போவுது....