மரண போராட்டம்

கார்த்தி · கார்த்தி Thu Jan 10, 2013 2:53 pm

'டாடி.. என்னை எப்படியாச்சும் காப்பாத்திருங்க!'

வினோதினி... டெல்லி மாணவி உண்டாக்கிய சூறாவளியில் நாம் கவனம்கொள்ள மறந்த தமிழச்சி. 23 வயது... மனம் முழுக்க உற்சாகம்... எதிர்காலம் குறித்த கனவு... அனைத்தையும் சிதைத்து உருக்குலைத்துவிட்டது வினோதினியை ஒருதலையாகக் காதலித்த சுரேஷ் வீசிய அரை லிட்டர் ஆசிட். டெல்லி மாணவியின் மரணத்துக்காக நாடே உணர்ச்சிக் கொந்தளிப்பில் தகிக்கையில், வினோதினியின் உயிரைக் காக்கப் பணம் இல்லாமல் போராடி வருகிறது அவரது குடும்பம்.

வினோதினிக்கு தான் என்னவொரு அழகான முகம். காரைக்காலைச்சேர்ந்தவர் ஜெயபாலன். செக்யூரிட்டியாக பணிபுரிந்து வந்தாலும் கஷ்டப்பட்டு படிக்க வைத்ததன் பலனாக மகளுக்கு சென்னையில் ஐடி கம்பெனியில் வேலைக்கிடைத்தது.

எல்லாம் நன்றாக போய்க்கொண்டிருந்த சூழலில் ஒருதலையாக காதலித்த சுரேஷ் என்ற கொடூரன் ஒருவனால் அந்த அழகு முகத்தில் ஆசிட் வீசப்பட்டு இன்று உருகுலைந்துப்போய் நிற்கிறார். காதலை ஏற்க மறுத்தது அவ்வளவுப்பெரிய குற்றமா..

இன்று முகம் கருகி இரண்டு கண்களிலும் பார்வையை இழந்து நிற்கும் வினோதினிக்கு சிகிச்சை அளிக்கக் கூட பணவசதியற்ற நிலையில் நிற்கும் தந்தையிடம், ``இந்த முகத்தோடு என்னால் வாழமுடியாது.. என்னை காப்பாற்றாதீர்கள்..” என்று கெஞ்சுகிறார் வினோதினி. கையறு நிலையில் நிற்கிறார் ஜெயபாலன்.

இந்த பெண்ணின் சிகிச்சைக்கு ஏதாவது உதவ விரும்புபவர்கள் கீழ்க்காணும் வங்கி கணக்கு எண்ணுக்கு பணம் அனுப்பவும்..
JAYABALAN
603899558
INDIAN BANK
IFCS CODE: ஈடீB00019037

மரண போராட்டம் 32097722273775786152036

chinnavan · chinnavan Thu Jan 10, 2013 2:59 pm

நேற்று கூட உழைக்கும் மகளிர் சங்கம் மெரினாவில் போராட்டம் நடத்தினார்களே சோகம்

டெல்லியில் உள்ளவள் தான் பெண் இங்கு யாரும் இல்லை,
போப்பா போய் வேற வேலை இருந்தா பாருங்க
ஏதாவது பேசின முட்டாள்னு சொல்லுவாங்க ராஜா........
நம்ம மக்கள் அப்படி

**பார்த்திபன்** · 24/07/2011

chinnavan wrote:நேற்று கூட உழைக்கும் மகளிர் சங்கம் மெரினாவில் போராட்டம் நடத்தினார்களே
டெல்லியில் உள்ளவள் தான் பெண் இங்கு யாரும் இல்லை,
போப்பா போய் வேற வேலை இருந்தா பாருங்க
ஏதாவது பேசின முட்டாள்னு சொல்லுவாங்க ராஜா........
நம்ம மக்கள் அப்படி

ஏன் மக்களுக்கு இப்படியொரு மனநிலை என்பதை விளங்கிக்கொள்ளவே முடியவில்லை. சொந்த வீட்டில் சாவு நடந்தால்கூட கண்டுகொள்ளாமல் பக்கத்துத் தெரு சாவுக்குப் போய் துக்கம் விசாரிப்பது போலிருக்கிறது இவர்களின் இந்த மனப்பான்மை. என்ன கொடுமை சார் இது