ருசி உணர வேண்டும்

**Powenraj** · **Powenraj** Tue Jan 08, 2013 8:10 pm

சென்னையில் உள்ள இரண்டு பிரதான ரயில் நிலையங்களிலும் கெட்டுப்போன மாட்டிறைச்சி டன் கணக்கில் பறிமுதல் செய்யப்படுவதாக வரும் செய்திகள் கவலை அளிக்கின்றன. கடந்த ஆண்டு செப்டம்பர் மாதத்தில் இருந்து இத்தகைய செய்திகள் வெளியாகின்றன. மாநகராட்சி சுகாதார அதிகாரிகளும் ரயில்வே அலுவலர்களும் சென்ட்ரல் மற்றும் எழும்பூர் நிலையங்களில் வெளிமாநில ரயில்களை சோதனையிடுகின்றனர். அப்போதுபார்சல் பார்சலாக மாட்டிறைச்சி மறைத்து வைக்கப்பட்டு சென்னைக்குள்கொண்டு வரப்படுவதை கண்டு பிடிக்கின்றனர்.
:-
ஐஸ் பெட்டிகளிலும் பார்சல்களாகவும் இவை பெரும்பாலும் ஆந்திர நகரங்களில் ரயிலில் ஏற்றப்படுகின்றன. சென்னையில் வசிக்கும் சிலரது பெயர்களுக்கு புக் செய்யப்படுகின்றன. அநேகமாக அனுப்புனர், பெறுனர் பெயர்களும் முகவரிகளும் போலியானவையாக இருக்கும். சென்னையில் சைதாப்பேட்டை, பெரம்பூர், வில்லிவாக்கம் ஆகிய இறைச்சிக் கூடங்களில் தினமும் 1700 ஆடு மாடுகள் வெட்டப்படுகின்றன. உயிருடன்இருக்கும்போதும் வெட்டிய பிறகும் மாநகராட்சியின் கால்நடை மருத்துவர்கள் சோதித்து சான்றளிப்பார்கள்.இறைச்சி மீதும் முத்திரை இடுவார்கள். வெளியில் இருந்து வரும் இறைச்சி அப்படி அல்ல.
:-
சென்னையில் 1 கிலோ 150 முதல்180 ரூபாய் வரை விற்கப்படும் மாட்டு மாமிசம், ஆந்திராவில் 40 ரூபாய்க்கு கிடைக்கிறது. மலிவாக கிடைக்கும் பொருளை வாங்கி கிராக்கி நிலவும் இடத்துக்கு கொண்டு சென்று விற்பது குற்றமல்ல; அது வியாபார உத்திதான். ஆனால் ஆந்திராவில் மலிவுக்கு காரணம் அவை நோய் பாதித்த மாடுகளாக அல்லது வாகனங்களில் அடிபட்டு இறந்தவையாக தோல் உறிக்கப்பட்டு தூக்கி எறியப்பட்டவையாக இருக்கலாம் என்கின்றனர் அதிகாரிகள்.
:-
எல்லா இறைச்சியும் ஒன்றுதான்; நன்றாக வேகவைத்தால் கிருமிகள் செத்துவிடும் என்று பலர் நம்புகின்றனர். டாக்டர்கள் அதை மறுக்கிறார்கள். கிருமிகளை அழிக்கலாம்; கெட்டுப்போன இறைச்சியில் உள்ள நச்சுக்களை சூடோ குளிர்ச்சியோ எதுவும் செய்யாது என சுட்டிக் காட்டுகிறார்கள். ஃபுட் பாய்சனிங் என்று இப்போது சகஜமாக குறிப்பிடும் நச்சுணவு பாதிப்புக்கு இதுவே காரணமாகிறது.
:-
தெருவோர கடைகள், சிறு ஓட்டல்கள் தவிர சில பெரிய ரெஸ்டாரென்டுகளும் அதிக லாபத்துக்கு ஆசைப்பட்டு கெட்டுப்போன மாமிசத்தைவாங்கி வருவதாக அதிகாரிகளுக்கு தகவல் கிடைத்துள்ளது. ராஜஸ்தானில்இருந்து 3 நாள் பயணம் செய்து சென்னைக்கு வரும் மாட்டிறைச்சியும் சென்னை ஓட்டல்களில் தஞ்சம் அடைகிறது. அதிகாரிகள் என்னதான் நடவடிக்கை எடுத்தாலும் சாப்பிடுபவர்கள் மத்தியில்விழிப்புணர்வு வளராதவரை கெட்டுப்போன மாமிசம் விற்கப்படுவதை முற்றிலுமாகதடுக்க முடியாது.
:-
தினகரன்

யினியவன் · யினியவன் Tue Jan 08, 2013 8:34 pm

மாமிசம் உண்பவர் பார்த்து உன்ன உதவும் பகிர்வு நன்று.

எச்சரிக்கை புள்ளியை அகற்றுகிறேன் பவுன்ராஜ் - தப்பித் தவறி இனி அதுபோல் இணைப்புகளை தராமல் பார்த்துக் கொள்ளுங்கள்.