சென்னையில் உலக கோப்பை போட்டி

வரும் 2011ல் நடக்கும் உலக கோப்பை (50 ஓவர்) போட்டிக்கான இடங்கள் அறிவிக்கப்பட்டுள்ளன. இதன்படி மும்பையில் பைனல் நடக்கிறது. சென்னை சேப்பாக்கம் மைதானத்தில் நான்கு போட்டிகள் நடக்க உள்ளன.

வரும் 2011ல் இந்திய துணை கண்டத்தில் உலக கோப்பை தொடர் நடக்க உள்ளது. இதில், பாதுகாப்பு பிரச்னை காரணமாக பாகிஸ்தானுக்கு உரிமை மறுக்கப்பட்டது. இங்கு நடக்க இருந்த போட்டிகள் இந்தியா உள்ளிட்ட மற்ற நாடுகளுக்கு பகிர்ந்து வழங்கப்பட்டன. மொத்தம் உள்ள 49 போட்டியில், இந்தியாவில் 29, இலங்கையில் 12, வங்கதேசத்தில் 8 போட்டிகள் நடத்தப்படுகிறது.

இரண்டு பிரிவு:
இத்தொடரில் பங்கேற்கும் 14 அணிகள் இரண்டு பிரிவாக பிரிக்கப்பட்டு லீக் போட்டியில் விளையாடுகின்றன. ஆஸ்திரேலியா, பாகிஸ்தான், நியூசிலாந்து, இலங்கை, ஜிம்பாப்வே, கனடா, கென்யா அணிகள் "ஏ' பிரிவிலும், இந்தியா, தென் ஆப்ரிக்கா, இங்கிலாந்து, வெஸ்ட் இண்டீஸ், வங்கதேசம், அயர்லாந்து, நெதர்லாந்து அணிகள் "பி' பிரிவிலும் இடம் பெற்றுள்ளன. லீக் சுற்றின் முடிவில், ஒவ்வொரு பிரிவிலும் முதல் நான்கு இடங்கள் பிடிக்கும் அணிகள், காலிறுதிக்கு முன்னேறும். பின்னர் அரையிறுதியில் வெற்றி பெறும் அணிகள் பைனலில் விளையாடும்.

துவக்க விழா:
இத்தொடருக்கான போட்டிகள் நடக்கும் இடங்களை, தொடரை நடத்தும் ஒருங்கிணைந்த கமிட்டி மும்பையில் நேற்று அறிவித்தது. இதன்படி துவக்க விழா வரும் 2011, பிப்., 18ம் தேதி வங்கதேசத்தில் நடக்கிறது. பைனல் மும்பையில் நடக்கிறது. இதுதவிர, மும்பையில் இரண்டு போட்டிகள் நடக்கிறது. மொகாலியில் ஒரு அரையிறுதி உட்பட மூன்று போட்டிகள் நடக்கிறது. ஆமதாபாத்தில் ஒரு காலிறுதி உட்பட மூன்று போட்டிகள் நடக்கிறது. டில்லி, சென்னை, பெங்களூரு, கோல்கட்டா, நாக்பூர் உள்ளிட்ட மைதானங்களில் தலா, ஒரு இந்திய அணி விளையாடும் போட்டி உட்பட நான்கு போட்டிகள் நடக்கிறது.

இலங்கையில் அரையிறுதி:
இலங்கையில் ஒரு அரையிறுதி, ஒரு காலிறுதி உட்பட 12 போட்டிகள் நடக்கிறது. வங்கதேசத்தில் இரண்டு காலிறுதிப் போட்டிகள் உ<ட்பட 8 போட்டிகள் நடக்கிறது. இத்தொடருக்கான முழு அட்டவணை விரைவில் வெளியிடப்படும் என சர்வதேச கிரிக்கெட் கவுன்சில் (ஐ.சி.சி.,) தெரிவித்துள்ளது.

உலக கோப்பை தொடருக்கான இந்திய இடங்கள்:
இடம் போட்டி
மும்பை 3 போட்டி (பைனல்)
மொகாலி 3 போட்டி (ஒரு அரையிறுதி)
ஆமதாபாத் 3 போட்டி (ஒரு காலிறுதி)
சென்னை 4 போட்டி (ஒரு இந்திய போட்டி)
பெங்களூரு 4 போட்டி (ஒரு இந்திய போட்டி)
கோல்கட்டா 4 போட்டி (ஒரு இந்திய போட்டி)
டில்லி 4 போட்டி (ஒரு இந்திய போட்டி)
நாக்பூர் 4 போட்டி (ஒரு இந்திய போட்டி)
---

நல்ல விசயம் தான்