விலை நிர்ணயத்தினால் கம்பம் திராட்சை விவசாயிகளுக்கும் வியாபாரிகளுக்கும் இடையே மோதல்.......

DERAR BABU · DERAR BABU Wed Jan 02, 2013 3:54 pm

கம்பம்,ஜன.02(டி.என்.எஸ்) விலை நிர்ணயத்தினால், தேனி மாவட்டம் கம்பத்தில் உள்ள திராட்சை விவசாயிகளுக்கும், வியாபாரிகளுக்கும் இடையே மோதல் ஏற்பட்டுள்ளது.

தேனி மாவட்டம், கம்பம் பள்ளத்தாக்கு பகுதியான சுருளிப்பட்டி, காமையக் கவுன்டன் பட்டி உள்பட சுற்றுவட்டார பகுதிகளில் எராளமான விவசாயிகள் திராட்சை சாகுபடி செய்து வருகின்றனர். கடந்த சில நாட்களாக சுருளிபட்டியில் திராட்சை விவசாயிகளுக்கும், வியாபாரிகளுக்கும் மோதல் ஏற்பட்டுள்ளது.

இங்கு பறிக்கப்படும் பெரும்பாலான திராட்சை பழங்கள் திருச்சி மார்க்கெட்டுக்கு கொண்டு செல்லப்பட்டு அங்கு வியாபாரிகளால் அவர்கள் நிர்ணயம் செய்த விலைக்கு விற்கப்படுகிறது. திருச்சியில் கிடைக்கும் விலைக்கும், வியாபாரிகள் சுருளிப்பட்டியில் கொள்முதல் செய்யும் விலைக்கும் அதிக வித்தியாசம் உள்ளது.

இதனால் விவசாயிகள் நேரடியாக திருச்சியில் விற்பனை செய்ய முயற்சி செய்தனர். இதற்கு வியாபாரிகள் எதிர்ப்பு தெரிவித்து விவசாயிகளுக்கு இடையூறு செய்தனர். இதனையடுத்து திராட்சை விவசாயிகள் கடந்த சில நாட்களுக்கு முன்பு கலெக்டர் பழனிசாமியிடம் வியாபாரிகள் மீது புகார் செய்தனர்.

பின்னர் கலெக்டரின் ஆலோசனையின் பேரில் உத்தமபாளையம் தாசில்தார் ஜவகர்லால் பாண்டியன் தலைமையில் சமாதான கூட்டம் நடத்தப்பட்டது. இதில் சமரசம் ஏற்படவில்லை.

நேற்று முன்தினம் இரவில் சுருளிபட்டியில் விவசாயிகள் தங்களில் பழங்களை லாரியில் ஏற்ற வேண்டும் என்று கூறினர். அப்போது விவசாயிகளின் பழங்களை ஏற்றினால் தொடர்ந்து வாடகைக்கு அழைக்க மாட்டோம் என்று லாரி உரிமையாளர்களை மிரட்டினர். இதனால் விவசாயிகளின் திராட்சை பழங்களை ஏற்ற லாரி உரிமையாளர்கள் மறுத்தனர்.

சிறிது நேரத்தில் வியாபாரிகளுக்கும், விவசாயிகளுக்கும் மோதல் ஏற்படும் சூழ்நிலை உருவானது. இதுபற்றி தகவல் அறிந்த ராயப்பன்பட்டி போலீஸ் சப்இன்ஸ்பெக்டர் ராஜசேகர் தலைமையில் போலீசார் விரைந்து வந்து இருதரப்பினர் இடையே சமரச பேச்சுவார்த்தை நடத்தினர்.

எனினும் திராட்சை பழங்களை ஏற்ற மறுத்து லாரியை கொண்டு சென்றுவிட்டனர். இதனால் விவசாயிகள் தற்போது பறித்த திராட்சை பழங்களை விற்பனைக்கு அனுப்ப முடியாத நிலையில் உள்ளனர்.

இதன் மூலம் என்ன தெரிகிறது . விவசாயிகளைவிட வியாபாரிகளே அதிக லாபம் பார்கிறார்கள் ..
அவர்களையும் நேரடியாக விற்க விடாமல் செய்கின்றனர் ........
சென்னை ஆன்லைன்

விலை நிர்ணயத்தினால் கம்பம் திராட்சை விவசாயிகளுக்கும் வியாபாரிகளுக்கும் இடையே மோதல்.......

விலை நிர்ணயத்தினால் கம்பம் திராட்சை விவசாயிகளுக்கும் வியாபாரிகளுக்கும் இடையே மோதல்.......

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக