சினிமால்

பாவனா தொடர்ந்து கன்னடப் படங்களிலே நடிப்பதால் நிரந்தரமாக பெங்களூரிலேயே வீடு பார்க்க ஆரம்பித்துவிட்டார். 'கன்னட சினிமாவில்தான் திறமைசாலிகள் இருக்கிறார்கள்’ என்று புகழ் பாடி புனித் ராஜ்குமார் போன்றோரின் அபிமான நடிகையாகிவிட்டார். பூங்காற்று தமிழ்ப் பக்கம் திரும்பாதோ?



'பூலோகம்’ படத்தில் பாக்ஸராக நடிப்பதால் சண்டைப் பயிற்சிக்காக ஜெயம் ரவி பல மாதங்கள் பயிற்சி எடுத்துக்கொண்டாராம். தேசிய அளவில் பாக்ஸிங்கில் கலக்கிய மதன் என்பவர்தான் பயிற்சி கொடுத்துள்ளார். குத்துங்க பாஸ், குத்துங்க!

'கலகலப்பு’, 'நீர்ப்பறவை’ என்று வரிசையாகப் படங்களைத் தவறவிட்ட பிந்துமாதவி இப்போது கதை என்ன? சம்பளம் என்ன? என்று பார்க்காமல் அட்வான்ஸை வாங்கிப் போடுகிறாராம். 'கேடி பில்லா கில்லாடி ரங்கா’, 'இருவர் உள்ளம்’, எழில் இயக் கும் ஒரு படம் என்று கணிசமாகக் கைவசம் படங்களை வைத் துள்ளார். முந்து மாதவி!





விஷ்ணுவர்த்தன் இயக்கத்தில் அஜீத் நடித்துவரும் படத்தில் ஆர்யாவுக்கு நெகடிவ் ரோலாம். எதிரும் புதிரு மாக முட்டி மோதிக் கொள்ளும் அஜித்தும் ஆர்யாவும் கிளை மாக்ஸில் ஒன்று சேர்வார்களாம். அதுசரி, ஆர்யாவும் எத்தனை நாளைக்குத்தான் நல்லவனாவே நடிக்கிறது?

தனுஷோடு கொலவெறிக் கூட்டணி போட்ட அனிருத், தெலுங்கில் மகத் நடிக் கும் 'பேக் பெஞ்ச் ஸ்டூடன்ட்’ என்ற படத் துக்கு இசையமைக்கிறார். அதில் ஒரு பாடலை சிம்பு பாடியுள்ளார். மாத்தி மாத்தி கொலவெறியக் கூட்டுறீங்களே!

த்ரிஷாவை வைத்து தெலுங்கில் 'வர்ஷம்’ படத்தை இயக்கிய டைரக்டர் எம்.ஏ.ராஜு மீண்டும், த்ரிஷாவை வைத்து, 'ரம்’ என்ற படத்தை இயக்கப்போகிறார். ரம்பை, ஊர்வசி, மேனகை மூவரின் முதல் எழுத்துதான் ரம். தமிழ், தெலுங்கு, கன்னடம் என்று மூன்று மொழிகளில் படம் தயாராகிறது. முதன்முறையாகக் கன்னடத் திரை உலகில் காலடி எடுத்துவைக்கிறார் த்ரிஷா. எப்படியோ ரம் கிக்கா இருந்தா சரி!



ரொம்ப நாளாகக் காதலித்துக்கொண்டிருந்த ஜி.வி.பிரகாஷ் - சைந்தவி காதல் திருமணத்தில் முடியவிருக்கிறது. '2013ல் கண்டிப் பாக சைந்தவியுடன் திருமணம்’ என்று அறிவித்துள்ளார் ஜி.வி.பிரகாஷ். போன வருஷமும் இப்படித்தான் சொன்னீங்க. இந்த வருஷம் சொன்ன சொல்லைக் காப்பாத்துவீங்கன்னு நம்புறோம்!

உதயநிதி ஸ்டாலின் தயாரிப்பில் அவரது மனைவி கிருத்திகா உதயநிதி ஒரு படம் இயக்குகிறார். அதில் மிர்ச்சி சிவா, பிரியா ஆனந்த், சந்தானம் ஆகியோர் நடிக்கிறார்கள். இந்தப் படத்திற்கு இசை அனிருத். 'சுந்தர பாண்டியன்’ இயக்குனர் எஸ்.ஆர்.பிரபாகரன் இயக்கத்தில் உதயநிதி நடிக்கும் படத்துக்கு அனிருத் இசையமைக்கிறார் என்று செய்திகள் பரவ, அதை மறுத்துள்ளார் உதயநிதி. அந்தப் படத்துக்கு இசை ஹாரிஸ் ஜெயராஜ்.

இசைக் குடும்பத்தில் இருந்து வந்த பிரேம்ஜி நெஞ்சத்தைக் கிள்ளாதே, தோழா, அதே நேரம் அதே இடம் என்று மூன்று படங்களுக்கு இசையமைத்தார். ஆனால் இசைத்துறையில் பெரிதாகச் சாதிக்கமுடியாத பிரேம்ஜி ரொம்பநாள் சும்மா இருந்தார். இப்போது வெங்கட்பிரபு கேங்கைச் சேர்ந்த விஜய் வசந்த் நடிக்கும் 'என்னமோ நடக்குது’ படத்துக்கு இசையமைக்கிறார் பிரேம்ஜி. 'என்ன கொடுமை சார்’னு சொல்ல வெச்சுடாதீங்க!

2013 லெட்சுமிமேனனுக்குத்தான் போல. 'கும்கி’, 'சுந்தரபாண்டியன்’ என்று 2012ல் இரண்டு ஹிட் படங்களின் மூலம் அறிமுகம் ஆனவர் விமலுடன் 'மஞ்சப்பை’ என்ற படத்தில் நடிக்கிறார். இயக்குனர் சற்குணம் தயாரிப்பில் உருவாகும் இந்தப் படத்தை இயக்குபவர் சற்குணத்தின் உதவி இயக்குனர் ராகவன். வாங்க லெட்சுமி வாங்க!

தமிழில் அஜித்துக்கு ஜோடியாக நடித்தாலும் தெலுங்குப் பட வாய்ப்புகளுக்கே முன்னுரிமை அளிக்கிறார் தமன்னா. ''தெலுங்கில் எனக்கு முக்கியத்துவம் வாய்ந்த கேரக்டர்கள் அதிகம் அளிக்கப்படுவதால்தான் தெலுங்கு என் முதல் சாய்ஸாக இருக்கிறது'' என்கிறார் தமன்னா. அப்படி என்னங்க முக்கியத்துவம்?
--விகடன்