தமிழக அரசு கேபிள், "டிவி'க்கு, டிஜிட்டல் உரிமம் அளிக்க, தொலைத் தொடர்பு ஒழுங்கு முறை ஆணையம் மறுத்துவிட்டது. மத்திய தகவல் மற்றும் ஒலிபரப்புத் துறை செயலருக்கு, ஒழுங்குமுறை ஆணையம் எழுதியுள்ள கடிதத்தில், இந்த தகவல் தெரிவிக்கப்பட்டு உள்ளது.
தமிழக அரசு துவங்கிய, அரசு கேபிள் நிறுவனத்துக்கு, "டிவி' சேனல்களை, டிஜிட்டல் முறையில் ஒளிபரப்பு செய்யும் உரிமம் வழங்குமாறு, மத்திய தகவல் மற்றும் ஒளிபரப்புத் துறைக்கு விண்ணப்பிக்கப்பட்டது. ஐந்து மாதங்களாகியும், டிஜிட்டல் உரிமம் வழங்கப் படவில்லை. இதுகுறித்து, மத்திய அமைச்சர்கள், பிரதமர் ஆகியோரை சந்தித்து, அ.தி.மு.க., - எம்.பி.,க்கள் முறையிட்டனர். தமிழக முதல்வர், பிரதமருக்கு கடிதமும் எழுதினார். இரு தினங்களுக்கு முன் நடந்த, தேசிய வளர்ச்சி கவுன்சில் கூட்டத்திலும், இது தொடர்பான கோரிக்கையை, முதல்வர் ஜெ., வலியுறுத்தினார்.

இதற்கு, பதிலளித்த மத்திய அரசு, "மத்திய, மாநில
அரசுகள், அரசின் நிறுவனங்கள், அரசு மற்றும் தனியார் கூட்டணியில் துவங்கப்படும் நிறுவனங்கள் ஆகியவற்றுக்கு, கேபிள் ஒளிபரப்பு அனுமதி வழங்குவதில்லை என, தொலைத் தொடர்பு ஒழுங்குமுறை ஆணையம் விதியை வகுத்துள்ளது.எனவே, இது குறித்து, மீண்டும் ஒழுங்குமுறை ஆணையத்திடம் கருத்து கேட்ட பின், தமிழக அரசு கேபிள் நிறுவனத்துக்கு, உரிமம் வழங்குவது குறித்து முடிவெடுக்கப்படும்' என, பதிலளித்தது.
இது தொடர்பாக, தகவல் மற்றும் ஒளிபரப்புத் துறை செயலர்
உதயகுமார் வர்மா, தொலைத் தொடர்பு ஒழுங்குமுறை ஆணையத்தின் கருத்தைக் கேட்டிருந்தார். இதற்கு பதிலளித்து, ஒழுங்குமுறை ஆணைய செயலர் சுதிர் குப்தா எழுதியுள்ள கடிதம்:மத்திய அமைச்சகம், மத்திய, மாநில அரசு துறைகள், நிறுவனங்கள், கூட்டாண்மை நிறுவனங்கள், "டிவி' சேனல்களை ஒளிபரப்ப அனுமதி அளிக்கலாமா என, நவ., 30ம் தேதி
Advertisement
எழுதியிருந்த கடிதத்தில் கேட்டிருந்தீர்கள்.
இதற்கு, ஏற்கனவே தகவல் மற்றும் ஒளிபரப்புத் துறை கேட்டு, ஒழுங்குமுறை ஆணையம் வெளியிட்ட பரிந்துரையை நினைவு கூர விரும்புகிறேன்.மாநில அரசு, உள்ளாட்சி அமைப்புகள், பொது நிறுவனங்கள், அரசியல் கட்சிகள், மத அமைப்புகள் ஆகியவை, "டிவி' சேனல்களை துவங்குதல், கேபிள் ஒளிபரப்பை செய்தல் ஆகியவற்றுக்கு அனுமதிக்கக் கூடாது என, 2008 நவ., 12ம் தேதி உத்தரவிட்டிருந்தோம்

இதையே, தகவல் மற்றும் ஒளிபரப்பு அமைச்சகம் பின்பற்றவேண்டும் என, தெரிவித்துக் கொள்கிறோம். இந்த உத்தரவை கொண்டு, புதிய கேபிள் ஒளிபரப்பு கொள்கையை, மத்திய அரசு வகுக்க வேண்டும் எனவும் கேட்டு கொள்கிறோம். இவ்வாறு, சுதிர் குப்தா கூறியுள்ளார்.
தொலைத் தொடர்பு ஒழுங்குமுறை ஆணையத்தின் இந்த கருத்தால், தமிழக அரசு கேபிள் நிறுவனத்துக்கு, டிஜிட்டல் உரிமம் கிடைக்காது என்பது உறுதி செய்யப்பட்டு உள்ளது. இதற்கான, அதிகாரப்பூர்வ அறிவிப்பை, மத்திய தகவல் மற்றும் ஒளிபரப்பு ஆணையம், தமிழக அரசுக்கு விரைவில் அனுப்பும் என, எதிர்பார்க்கப்படுகிறது.

- நமது சிறப்பு நிருபர் -தினமலர்

இது தான் எங்களுக்கு முன்னாடியே தெரியுமே

மாநில அரசு, உள்ளாட்சி அமைப்புகள், பொது நிறுவனங்கள், அரசியல் கட்சிகள், மத அமைப்புகள் ஆகியவை, "டிவி' சேனல்களை துவங்குதல், கேபிள் ஒளிபரப்பை செய்தல் ஆகியவற்றுக்கு அனுமதிக்கக் கூடாது

ஆனா , கட்டை பஞ்சாயத்து பண்ணுகிறவர்கள் , அரசியல்வாதிகள் ஆகியோர் பினாமி பெயரில் ஆரம்பிக்கலாம். இதையும் சேர்த்துக்குங்க ஐயா

மத்திய தகவல் தொடர்பு நிறுவனமான தூர்தர்சன்,ஆகாசவாணி போன்றவை மத்திய நிறுவனங்கள் தானே,என்ன அவை தன்னாட்சி அதிகாரம் கொண்டவை.ஒரு வேளை தமிழகத்திலும் தன்னாட்சி அதிகாரம் அளிக்கப்பட்டால்.அப்பொழுது தருவார்களா?

எல்லாம் ஒரு நாடகம் தான் ,இவ்வளவு நாள் காரணம் கண்டு பிடித்துக்கொண்டிருந்தனரோ அதிகாரிகள்?

எல்லாம் சன் மயம்