கர்நாடக இசை கச்சேரிகளில் பாடும் முஸ்லிம் மாணவி

அச்சலா · அச்சலா Wed Dec 26, 2012 10:13 pm

கர்நாடக இசை கச்சேரிகளில் பாடும் முஸ்லிம் மாணவி
கோழிக்கோடு : கேரளாவை சேர்ந்த முஸ்லிம் மாணவி, 60க்கும் மேற்பட்ட, கர்நாடக இசை கச்சேரிகளை நடத்தி, இசை ரசிகர்களை வியப்பில் ஆழ்த்தி வருகிறார்.

கேரள மலப்புரம் மாவட்டம், வடக்கன்கரா என்ற இடத்தை சேர்ந்த, கருவட்டில் யாசிர் - சகீரா தம்பதியின் மகள், ஹன்னா யாசிர். மலப்புரத்தில் உள்ள, மேல் நிலை பள்ளியில், பிளஸ் 1 படிக்கிறார். கர்நாடக இசையில் தேர்ச்சி பெற்றுள்ள இவர், கேரளா மட்டுமின்றி, பிற மாநிலங்களிலும், 60க்கும் மேற்பட்ட, கர்நாடக இசை கச்சேரிகளில் பாடியுள்ளார்.
கடந்த எட்டு ஆண்டுகளாக, கர்நாடக இசை பயின்று வரும் இந்த முஸ்லிம் மாணவி, ஆறு ஆண்டுகளுக்கு முன்பிருந்தே, கர்நாடக இசை கச்சேரிகளில் பாடி வருகிறார். பாரம்பரிய முஸ்லிம் பெண் போல, முகத்தை மட்டும் வெளியே காட்டியவாறு, மேடைகளில், கீர்த்தனைகளையும், ஆலாபனைகளையும் அருமையாக இசைத்து, இசை ரசிகர்களை மகிழ்ச்சியூட்டி வருகிறார்.

""இசைக்கு முன், மதம் கிடையாது; நான் முஸ்லிமாக இருப்பதால், எனக்கு, கர்நாடக இசை பாடல்களை கற்பதிலும், பாடுவதிலும் எந்த கஷ்டமும் இல்லை. அதுபோல, முஸ்லிம் உடையில் மேடையில் தோன்றுவதில் எந்த சிரமமும் இல்லை; என் ரசிகர்களுக்கும் எந்த வித்தியாசமும் தோன்றவில்லை,'' என்கிறார், இந்த மாணவி.கர்நாடக இசை மட்டுமின்றி, கிறிஸ்தவ பாடல்களையும், முஸ்லிம் மத வழிபாட்டு பாடல்களையும் கற்று தேர்ந்துள்ள ஹன்னா, கேரள மாநிலத்தின் இசை குயிலாக பாராட்டப்படுகிறார்.

நன்றி:தினமலர்

**ரா.ரா3275** · **ரா.ரா3275** Wed Dec 26, 2012 10:31 pm

ஹன்னா...நீ பெருசா வரணும் கண்ணா...வாழ்த்துகள்...

ச. சந்திரசேகரன் · 16/09/2012

நல்ல தேவையான பதிவு. நன்றிகள்.

"அமாவாசைக்கும் அப்துல்காதிருக்கும் என்ன சம்மந்தம்" என்ற வாக்கியத்தை பொய்யாக்கிய ஹன்னா நீ வாழ்க வளர்க.

ஒரு காலம் வரும்
அம்பி பாட
அப்துல் ஆட
அந்தோணி இசைக்க
அனைவரும் ரசிக்க
அகில உலகம் பாராட்டும் காலம் வெகுதூரத்தில் இல்லை

நாம் இந்தியர்களே அன்றி வேறில்லை

**முத்துராஜ்** · **முத்துராஜ்** Thu Dec 27, 2012 8:03 am

உண்மையான கலைகளுக்கு எந்த மதமும் தடையில்லை :silent:

சதாசிவம் · சதாசிவம் Thu Dec 27, 2012 10:30 am

இது ஒன்றும் புதிதல்ல, ஷேக் சின்ன மௌலானா, கே ஜே ஜேசுதாஸ் என்று பலரும் உள்ளனர்.

இசை, மருத்துவம், உடல் நலம், ஜோதிடம், மொழி இவைகள் அனைவருக்கும் பொதுவானது. ஆயினும் சிலர் யோகாவை புறக்கணிக்கின்றனர்.

**Dr.சுந்தரராஜ் தயாளன்** · 03/09/2011

அது சரி...தஞ்சாவூர் ஆபிரகாம் பண்டிதரைப்பற்றி எவ்வளவு பேருக்கு தெரியும் இங்கே ?
அவர் தமிழ் இசைக்காக (கர்நாடக இசை) செய்த அளவிடமுடியாத சேவைகளை நினைத்தால் மிகவும் ஆச்சரியமாக இருக்கும்.

பாலாஜி · பாலாஜி Thu Dec 27, 2012 1:42 pm

Dr.சுந்தரராஜ் தயாளன் wrote:அது சரி...தஞ்சாவூர் ஆபிரகாம் பண்டிதரைப்பற்றி எவ்வளவு பேருக்கு தெரியும் இங்கே ?
அவர் தமிழ் இசைக்காக (கர்நாடக இசை) செய்த அளவிடமுடியாத சேவைகளை நினைத்தால் மிகவும் ஆச்சரியமாக இருக்கும்.

அப்படியா மேலும் சில விபரங்கள் தாங்களேன்

Sponsored content · Sponsored content

கர்நாடக இசை கச்சேரிகளில் பாடும் முஸ்லிம் மாணவி

கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

Re: கர்நாடக இசை கச்சேரிகளில் பாடும் முஸ்லிம் மாணவி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக