உலக அழிவும், மாயா இன மக்களும் பகுதி -20

**ராஜ்அருண்** · **ராஜ்அருண்** Sun Apr 08, 2012 1:27 pm

வணக்கம்
21-12-2012 ல் உலகம் அழியும் என்று ஒரு பிரிவினரும் ,அழியாது என்று இன்னொரு பிரிவினரும் கூறிக்கொண்டு இருக்கிறார்கள் ,அவர்கள் அவ்வாறு கூற காரணமாக இருப்பது மாயன் ,

அதான் தெரியுமே மாயன் கலெண்டர் 2012 ல முடியுது அதனால அழியும் னு சொல்றாங்க இது எல்லாருக்கும் தெரியுமே
புதுசா நீ என்ன சொல்லபோரன்னு கேட்குறீங்களா ?

கண்டிப்பா இது ஒரு புது விஷயம் தான் ,இந்த கட்டுரை யை இப்போ படிக்கிறவங்களுக்கு ஒரு புது விஷயம் தான்
உதாரணமா இந்த கட்டுரை ல இருக்குற 2 சின்ன தகவல்கள்

1.இப்போ உலகமே பயப்படுற குலோபல் வார்மிங் திட்டமிட்டு பரப்புன ஒரு பொய்

2.உலகம் அழிஞ்சதும் தப்பி பிழைக்குறவங்களுக்காக நோர்வே நாட்டுக்குச் சொந்தமாக, வட துருவத்தில் 'ஸ்வால்பார்ட்' (Svalbard) எனும் தீவுல உலகில் உள்ள அனைத்து விதமான மரங்கள், செடிகள், கொடிகள் ஆகியவற்றின் விதைகளும் (Seeds), கிழங்குகளும், தண்டுகளும் கோடிக்கணக்கில், டன் டன்னாக பாதுகாப்பாக சேர்த்து வைக்கப்படுகிறது

சரி இப்போ இந்த கட்டுரையை பத்தி சொல்லிட்றேன்
இது ஒரு ஆராய்சி கட்டுரை இத எழுதுனவரு ராஜ்சிவா
உயிர்மை.கொம் தளத்துல உயிரோசை ங்க்ர வார இதழ் ல வாராவாரம் வந்தது ......இது ரொம்ப பெரிய கட்டுரையா இருக்கிறதல டெய்லி கொஞ்சம் கொஞ்சம் பதிவிட்றேன்

சரி டா மேட்டர் அ சொல்லு னு சொல்றீங்களா .....................வாங்க கட்டுரைக்கு போவோம்

பகுதி 1

இன்னும் 8 மாதங்களில், 2012ம் ஆண்டு டிசம்பர் . இந்த நேரத்தில், பலர் பயத்துடன் பார்க்கும் ஒன்று உண்டென்றால், அது '2012ம் ஆண்டு உலகம் அழியப் போகிறது' என்ற விந்தையான செய்திக்கு உலக ஊடகங்கள் பல கொடுக்கும் முக்கியத்துவம்தான்.

உலக அழிவும், மாயா இன மக்களும் பகுதி -20 Ruins

உலக அழிவும், மாயா இன மக்களும் பகுதி -20 Ruins

"சரியாக டிசம்பர் 21 உலகம் அழியப் போகிறதா?" என்பதே பலரின் கேள்வியாகவும், பயமாகவும் இருக்கிறது.
இது பற்றி அறிவியலாகவும், அறிவியலற்றதாகவும் பலவித கருத்துக்களும், ஆராய்ச்சிகளும் தினமும் வெளிவந்து கொண்டே இருக்கிறது. அப்படி இந்த அழிவை ஏன் முக்கியப்படுத்த வேண்டும் என்று பார்த்தால், எல்லாரும் சுட்டிக் காட்டுவது ஒன்றைத்தான்.

அது….! 'மாயா'.

மாயா இனத்தவர்களுக்கும், 2012ம் ஆண்டு உலகம் அழியப் போகிறது என்பதற்கும் என்ன சம்பந்தம்? இவர்கள் இந்த அழிவு பற்றி ஏதாவது சொன்னார்களா? அப்படிச் சொல்லியிருந்தால், என்னதான் சொல்லியிருப்பார்கள்? அதை ஏன் நாம் நம்ப வேண்டும்? இப்படிப் பல கேள்விகள் எமக்குத் தோன்றலாம்.

இது போன்ற பல கேள்விகளுக்கு ஒரு விரிவான ஆராய்ச்சித் தொடர் மூலம் உங்களுக்குத் பதில் தரலாம் என்ற நினைத்தே உங்கள் முன் இந்தத் தொடரைச் சமர்ப்பிக்கிறேன்.

உலக அழிவும், மாயா இன மக்களும் பகுதி -20 P-4

உலக அழிவும், மாயா இன மக்களும் பகுதி -20 P-4

என்ன என்பது இது பற்றி விளக்கமாகப் பார்க்கலாமா…..?

உங்கள் வீட்டுக்கு அருகில் இருக்கும் வீட்டில் வசித்த அனைவரும், ஒருநாள் திடீரென அந்த வீட்டிலிருந்து, அவர்கள் இருந்த சுவடே இல்லாமல் மறைந்தால் என்ன முடிவுக்கு வருவீர்கள்? திகைத்துப் போய்விட மாட்டீர்களா? ஆச்சரியத்துக்கும், மர்மத்துக்கும் உள்ளாகுவீர்கள் அல்லவா?

சரி, அதுவே ஒரு வீடாக இல்லாமல், உங்கள் வீடு இருக்கும் தெருவுக்குப் பக்கத்துத் தெருவே திடீரென ஒரே இரவில் மறைந்தால்….? ஒரு தெருவுக்கே இப்படி என்றால், ஒரு ஊர் மக்கள் மறைந்தால்….? ஒரு நாட்டு மக்கள் மறைந்தால்….?

ஆம்....! வரலாற்றில் இது நடந்தது. ஒரு நாட்டில் வாழ்ந்த, மிக மிக மிகச் சிறிய அளவினரை விட, மற்ற அனைத்து மக்களும், திடீரென அந்த நாட்டிலிருந்து ஒட்டுமொத்தமாக மறைந்துவிட்டார்கள். சரித்திரத்தில் எந்த ஒரு அடையாளங்களையும், மறைந்ததற்குச் சாட்சிகளாக வைக்காமல் மறைந்து போனார்கள்.

உலக அழிவும், மாயா இன மக்களும் பகுதி -20 Maya

உலக அழிவும், மாயா இன மக்களும் பகுதி -20 Maya

ஏன் மறைந்தார்கள்? எப்படி மறைந்தார்கள்? என்னும் கேள்விகளுக்கு மழுப்பலான பதில்களை மட்டுமே மிச்சம் வைத்துவிட்டு, மாயமாய் மறைந்து போனார்கள். எங்கே போனார்கள்? எப்படிப் போனார்கள்? யாருக்கும் தெரியவில்லை. எதுவும் புரியவில்லை.

இந்த மறைவின் மர்மத்தை ஆராய, ஆயிரம் ஆண்டுகளுக்குப் பின்னர் சென்ற ஆராய்ச்சியாளர்களுக்கு கிடைத்தது எல்லாமே ஒரு மாபெரும் அதிர்ச்சிகள். மாயாக்கள் விட்டுச் சென்ற சுவடுகளை ஆராய்ந்த அவர்கள் பிரமிப்பின் உச்சிக்கே போனார்கள்.

அறிவியல் வளரத் தொடங்கிய காலகட்டங்களில், இவை உண்மையாக இருக்கவே முடியாது, என்னும் எண்ணம் அவர்களுக்குத் தோன்றும்படியான பல ஆச்சரியங்களுக்கான ஆதாரங்கள் கிடைத்தன. அவை அவர்களை மீண்டும் மீண்டும் திக்குமுக்காடச் செய்தது.

இது சாத்தியமே இல்லாத ஒன்று. இதை ஏற்றுக் கொள்ளவே முடியாது என அறிஞர்கள் சிலர் பிரமிக்க, பலர் பின்வாங்கத் தொடங்கினார்கள்.

மாயா என்றாலே மர்மம்தானா? என நினைக்க வைத்தது அவர்கள் கண்டுபிடித்தவை.

உலக அழிவும், மாயா இன மக்களும் பகுதி -20 What-Do-the-Mayan-Carvings-Depict-2

உலக அழிவும், மாயா இன மக்களும் பகுதி -20 What-Do-the-Mayan-Carvings-Depict-2

சரி, அப்படி என்னதான் நடந்தது? ஆராய்ச்சியாளர்கள் அப்படி எதைத்தான் கண்டு கொண்டார்கள்? ஆராய்ந்த சுவடுகளில் அப்படி என்னதான் இருந்தது?

இவற்றையெல்லாம் படிப்படியாக நாம் பார்க்கலாம். ஒன்று விடாமல் பார்க்கலாம். அவற்றை நீங்கள் அறிந்து கொண்டால், இதுவரை பார்த்திராத, கேட்டிராத, ஆச்சரியத்தின் உச்சத்துக்கே போய்விடுவீர்கள்.

**ராஜா** · **ராஜா** Sun Apr 08, 2012 1:29 pm

ஆரம்பமே அட்டகாசமா இருக்கு அருண் , தொடர்ந்து படியுங்கள்

**ரா.ரா3275** · **ரா.ரா3275** Sun Apr 08, 2012 1:32 pm

தொடரட்டும் ஆச்சர்யப் பதிவுகள்-பகிர்வுகள்...நன்றி அருண்...

பாலாஜி · பாலாஜி Sun Apr 08, 2012 1:37 pm

அட்டகாசமான ஆரம்பம்

**சிவா** · **சிவா** Sun Apr 08, 2012 1:52 pm

ராஜா wrote: ஆரம்பமே அட்டகாசமா இருக்கு அருண் , தொடர்ந்து படியுங்கள்

தொடர்ந்து பதிவிடுங்கள் சரியா, தொடர்ந்து படியுங்கள் என்பது சரியா? என்ன கொடுமை சார் இது

அருமையான திரி துவங்கியுள்ளீர்கள் அருண்! இங்கு அரட்டைகளைக் குறைத்து கட்டுரைக்கு வழிவிடுவோம். தினமும் கட்டுரை தொடரும்!

**ராஜா** · **ராஜா** Sun Apr 08, 2012 1:58 pm

சிவா wrote:
ராஜா wrote: ஆரம்பமே அட்டகாசமா இருக்கு அருண் , தொடர்ந்து படியுங்கள்
தொடர்ந்து பதிவிடுங்கள் சரியா, தொடர்ந்து படியுங்கள் என்பது சரியா?
அருமையான திரி துவங்கியுள்ளீர்கள் அருண்! இங்கு அரட்டைகளைக் குறைத்து கட்டுரைக்கு வழிவிடுவோம். தினமும் கட்டுரை தொடரும்!

உலக அழிவும், மாயா இன மக்களும் பகுதி -20 Error1e

எப்படியெல்லாம் சமாளிக்க வேண்டியதா இருக்கு.

அரட்டைகளை குறைத்து , ராஜ்அருண் தொடர வழிவிடுவோம்....

balakarthik · balakarthik Sun Apr 08, 2012 1:58 pm

தினமும் ரெண்டு மூனாவது தொடருங்கள் அருண் சூப்பருங்க

**சிவா** · **சிவா** Sun Apr 08, 2012 2:00 pm

உங்கள் கணினியில் உள்ள எழுத்துக்கள் எனக்குப் பிடிக்கவில்லை தல! அழகாக இல்லை! இந்த எழுத்துருவை கணினிக்குள் இன்ஸ்டால் செய்யுங்கள். ஈகரையின் எழுத்துக்கள் அழகாக மாறிக்கொள்ளும்!

http://www.eegarai.com/js/Sooriyan.ttf

உதயசுதா · உதயசுதா Sun Apr 08, 2012 2:36 pm

நல்ல சுவராசியமாக இருக்கு அருண். சீக்கிரம் அடுத்த பகுதிய பதியுங்க

**பிரசன்னா** · **பிரசன்னா** Sun Apr 08, 2012 2:40 pm

சிவா wrote:உங்கள் கணினியில் உள்ள எழுத்துக்கள் எனக்குப் பிடிக்கவில்லை தல! அழகாக இல்லை! இந்த எழுத்துருவை கணினிக்குள் இன்ஸ்டால் செய்யுங்கள். ஈகரையின் எழுத்துக்கள் அழகாக மாறிக்கொள்ளும்!
http://www.eegarai.com/js/Sooriyan.ttf

நானும் install செய்து விடுகிறேன், Font download செய்து install பண்ணுவதற்கு முன் font open செய்த பின், Internet Explorerரில் நமது ஈகரையை ஓபன் பண்ணி பார்த்தேன் இன்னும் நன்றாக இருந்தது இந்த சூரியன் fontல் ....