நேற்று இரவு

**Ahanya** · **Ahanya** Wed 19 Dec 2012 - 12:30

நேற்று இரவு எனக்கு ஏற்பட்ட அனுபவம் ஒன்றை உங்களுடன் பகிர விரும்புகிறேன் உறவுகளே.

இரவு 12 .15 இருக்கும் மழை பெய்துகொண்டிருந்தது. எனக்கு சரியாக உறக்கம் வரவில்லை.
எங்கள் வீட்டின் சாலை ஓரமாக யாரோ ஓடுவது போல இருந்தது. பின்னால் பலர் சத்தமிட்டுக்கொண்டு வருவதும் தெரிந்தது. நாங்கள் மூன்று பேரும் விழித்துக்கொண்டோம்.
எங்கள் வீட்டில் ஏற்கனவே இரண்டு முறை திருட்டு போயுள்ளது. எங்கள் வீட்டிற்கு ஒரு புறம் வங்கி உள்ளது. பின்னால் மகளிர் இல்லம் உள்ளது மற்றைய இரு புறமும் வீதிகள்.
அதனால் கதவை திறந்து பார்க்க கூட பயமாக இருந்தது. ஒரு அரை மணி நேரத்தில் ஆரவாரம் நின்றுவிட்டது. அதன் பின் உறக்கமே வரவில்லை ஒரு வாறு இன்று விடிந்துவிட்டது.
காலையில் தான் என்ன நடந்ததது என்று விசாரித்து பார்த்தோம். பின்னால் உள்ள மகளிர்
இல்லத்து மாணவி ஒருவர் தன காதலனை வரச்சொல்லி இருக்கிறார். இதை அந்த மகளிர் இல்ல நிர்வாகி பார்த்ததே இந்த ஆரவாரங்களுக்கு காரணம். இதில் என்ன
வருத்தத்திற்கு உரிய விடயம் என்றால் தாய் தந்தையை இழந்த சிறுமியருக்கான காப்பகம்
அது. இந்நிலையில் அங்கு தங்கி கல்வி கற்று வரும் 17 வயது நிரம்பிய பாடசாலை மாணவியே இவ்வாறு வழிதவறி சென்றுள்ளார்.அந்த மாணவியிடம் கையடக்க தொலைபேசி இருந்தமையும் தெரியவந்துள்ளது. நிர்வாகி அம்மா மிகவும் வருத்தத்துடன் இதை எங்களுக்கு கூறினார்.

யினியவன் · யினியவன் Wed 19 Dec 2012 - 12:44

வருத்தமிகு நிகழ்வுதான் இது

**Ahanya** · **Ahanya** Wed 19 Dec 2012 - 12:49

ஆமாம் அண்ணா ஏன் இவர்களின் புத்தி எப்படி செல்கின்றது? தன்னிலை உணந்து படித்து ஒரு நல்ல நிலைக்கு வரவேண்டிய கட்டாய சூழ்நிலையில் இருந்தும் இவ்வாறு செயல்படுவது சரியா?

அசுரன் · அசுரன் Wed 19 Dec 2012 - 13:01

Ahanya wrote:ஆமாம் அண்ணா ஏன் இவர்களின் புத்தி எப்படி செல்கின்றது? தன்னிலை உணந்து படித்து ஒரு நல்ல நிலைக்கு வரவேண்டிய கட்டாய சூழ்நிலையில் இருந்தும் இவ்வாறு செயல்படுவது சரியா?

நாம் அனைவருமே ஒரு கட்டத்தில் மனசு புத்தி இவை இரண்டில் எதையாவது ஒன்று சொல்வதை தான் செய்கிறோம்... அது போல தான் இதுவும்.