அட புல்லட் பாண்டிகளா!

'புல்லட் கோயில்’னு மோட்டார் விகடன்ல வந்த மேட்டரைப் படித்ததும், 'அடடே’னு ஆச்சர்யப்பட்டுப் போனேன். 'சாமியே நடந்து போகுதாம், பூசாரிக்கு புல்லட் கேட்குதாம்’னு இனிமேல் யாரும் கிண்டல் பண்ண முடியாதே... அட, புல்லட்டே சாமி ஆயிட்டா, இந்தப் பழமொழியே பணால் ஆயிடுமே!



ராஜஸ்தான் மாநிலத்துல ஜோட்டிலானு ஓர் ஊர். அந்த ஊர் ஜமீன்தார் பையன் புல்லட் ஒண்ணு வெச்சிருந்தாரு. ஒரு நாள் வண்டியில போகும்போது ஆக்சிடென்ட் ஆகி இறந்துட்டார். அவரோட வண்டியை போலீஸ் ஸ்டேஷனுக்குக் கொண்டு போயிருக்காங்க. திடீர்னு யாரும் இல்லாத நேரத்துல புல்லட் ஸ்டார்ட் ஆகிற சத்தம். எட்டிப் பார்த்தா, புல்லட் தானா ஸ்டார்ட் ஆகி இருந்திருக்கு. மறுநாளும் இதேமாதிரி நடக்க, பயந்துபோன போலீஸார், 'ஆஹா, வண்டி மேல செத்தவன் ஆவி வந்துருக்கு’னு சொல்லி வண்டியை அந்தப் பையனோட வீட்டுக்கே கொடுத்து அனுப்பிட்டாங்க. இப்போ என்னடான்னா, வீட்லயும் தானாகவே வண்டி ஸ்டார்ட் ஆகியிருக்கு. இதுக்கு அப்புறம் அந்தப் பையனோட பாட்டியின் கனவுல அந்தப் பையனே வந்து, 'நான் செத்த இடத்துல எனக்கு ஒரு கோயில் கட்டுங்க’னு சொல்லி இருக்கார். உயிரோட இருந்தப்பவே பையனோட எல்லா ஆசையையும் நிறைவேத்துற ஜமீன்தார், செத்து ஆவியா வந்து சொன்னா செய்யாம இருப்பாரா? அப்புறம் என்ன, கோயில் உருவாகிடுச்சு. செத்த ஜமீன்தார் பையன் பேரு ஓம் பனா. கோயிலோட பேரு 'ஓம் பனா மந்திர்’.

இதெல்லாம் நடந்தது 1988-ல. இப்போ அந்தக் கோயில்தான் அந்த ஏரியாவுக்கே அடையாளம். அந்த வழியாகப் போறவங்க பைக்குக்கு மாலை, மரியாதை எல்லாம் செய்றாங்க. பக்தி இன்னும் அதிகமா இருக்குறவங்க, புல்லட் சாமிக்குனு சொல்லி சரக்கையும் எடுத்துக்கிட்டு வர்றாங்க. சாமியோட பங்கை குடுத் துட்டு, தங்களோட பங்கை அங்கேயே சியர்ஸ் சொல்லி அடிச்சுட்டுக் கிளம்பிடுறாங்க. அப்படி அடிச்சுட்டு வண்டியில நிதானம் இல்லாமக் கிளம்பிப் போனவங்க அடுத்ததா வர்ற ஒரு ஆபத்தான வளைவுல சிக்கிச் சின்னாபின்னமாகிறாங்கன்னு உள்ளூர் டீச்சர் ஒருத்தர் வருத்தப்பட்டு சொல்லி இருக்கார்.

ஏம்ப்பா, ஜமீன்தார் பையனே வண்டியை ஒழுங்கா ஓட்ட முடியாம கீழே விழுந்து மேலே போயிட்டார். இந்த லட்சணத்துல எங்க வண்டி யையும் எங்களையும் காப்பாத் துங்கனு வேண்டிக்கிறதைப் பார்த்தா என்ன தோணுது? இதைச் சத்தமா சொன்னா நம்பளைப் பைத்தியம் பாய்ங்க!

- சீலன், படம்: எஸ்.சபா
டைம் பாஸ்

ஏங்க இத நம்பலாமா....?

உங்கள் விருப்பம்

ஏற்கனவே இந்த பதிவை பதிந்திருந்தாலும் பகிர்வுக்கு நன்றி

இது பழைய செய்தி .ஆனா உண்மையாகவும் இருக்கலாம்

ஹையோ ஹையோ