டிராவில் முடிந்தது நாக்பூர் டெஸ்ட்: தொடரை வென்றது இங்கிலாந்து

DERAR BABU · DERAR BABU Mon Dec 17, 2012 3:40 pm

நாக்பூர்: இந்தியா இங்கிலாந்து அணிகளுக்கிடையேயான 4வது மற்றும் இறுதி டெஸ்ட் போட்டி டிராவில் முடிந்துள்ளது. இந்தியா வந்துள்ள இங்கிலாந்து கிரிக்கெட் அணி 4 போட்டிகள் கொண்ட டெஸ்ட் தொடரில் விளையாடியது.

ஆமதாபாத்தில் நடந்த முதல் டெஸ்ட் போட்டியில் இந்தியா வெற்றி பெற்றது. தொடர்ந்து மும்பை மற்றும் கோல்கட்டா ஆகிய இடங்களில் நடந்த டெஸ்ட் போட்டிகளில் இங்கிலாந்து அணி வெற்றி பெற்று 2-1 என்ற கணக்கில் முன்னிலை வகித்தது.

இந்நிலையில், 4வது மற்றும் இறுதி டெஸ்ட் போட்டி நாக்பூரில் நடந்தது. இப்போட்டியில் தனது முதல் இன்னிங்சை விளையாடிய இங்கிலாந்து 330 ரன்களுக்கு அனைத்து விக்கெட்டுகளையும் இழந்தது. தொடர்ந்து விளையாடிய இந்திய அணி, 9 விக்கெட் இழப்பிற்கு 326 ரன்கள் எடுத்து தனது முதல் இன்னிங்சை டிக்ளேர் செய்தது. இதையடுத்து தனது இரண்டாவது இன்னிங்சை விளையாடிய இங்கிலாந்து அணி,

இறுதி நாளான இன்று 4 விக்கெட் இழப்பிற்கு 352 ரன்கள் எடுத்ததையடுத்து, போட்டி டிராவில் முடிந்தது. இதன் மூலம் நாக்பூர் போட்டியை வென்று தொடரை சமன்செய்யும் இந்தியாவின் கனவு பொய்த்துப் போனது......................

தினமலர்