ஈகரைக்கு வாழ்த்துக்கள்

**நாகசுந்தரம்** · 27/12/2011

(ஆங்கிலப் புத்தாண்டில் அடிவைக்கும் ஈகரைக்கு
அந்தாதி வகையிலே அளித்திட்டேன் வாழ்த்துக்கள்
சிந்தனை சிற்பியாம் சிவாவுக்கும் வாழ்த்துக்கள்
எந்தனையும் ஏற்றிட்ட உறவுக்கு வாழ்த்துக்கள்)

பதியும் முன் பதியும் பின்னூட்டம் ஆங்கே
விதிபல சொல்லும் விளக்கமும் உண்டே
கதி(வேகம்) அதை காட்டும் கண்களின் முன்னே
அதிகமாய் பதிந்தால் அதன்படம் காட்டுமே

காட்டுமே காசினியின் கருத்தை நாட்டுமே
வீட்டிலே இருந்தாலும் வீதியை அறியலாம்
பாட்டிலே பதிவிட பின்னூட்டம் அளிக்குமே
கூட்டாக சேர்ந்திங்கே காட்டத்தை அகற்றுமே

அகற்றுமே அவலங்கள் அக்கரையும் காட்டும்
சிகப்பான வடிவிலே சீர்கவிஞர் பெயருமே
சகஜமாய் பழகிட பெயரிடும் பதமாக
அகத்திலே குளிர்கிறேன் ஈகரை தளம்கண்டு

கண்டும் காணாது போவார்கள் பாரிலே
ஈண்டு அவ்வகை எள்ளளவும இல்லையே
ஆண்டு பிறப்பதில் அகத்தினால் வாழ்த்துவோம்
தாண்டிடும் பலபடி திகழட்டும் ஒளியுடன்

ஒளியுடன் பெயரிடும், மீட்டமைக்க வகைசெயும்
பளபளக்கும் பதாகை போட்டிகள் பலவுண்டு
கலகலக்கும் கருத்துக்கள் காட்டிடும் மதிப்புகள்
விலைகூறும் விளம்பரங்கள் வீசையும் இங்கில்லை

இல்லையென்று கூறாத ஏராள வசதிகள்
தலைகனம் இல்லாத தலைவராம் சிவாவும்
கலையாமல் ஒன்றாகும் நிர்வாக குழுவதும்
உலையிடை உணவென வெள்ளைஉள்ளமது

மதுவுண்ட வண்டுபோல் இனியவனின் பதிவுகள்
உதவிட உடன்வரும் உறவுகளின் பதிவுகள்
கதகதப்பாய் கவியியற்றும் கவிஞரின் பதிவுகள்
சதமென நிலைத்திட இதயத்தின் வாழ்த்துக்கள்

வாழ்த்துக்கள் படைத்தேன் வருகின்ற ஆண்டிலே
காழ்ப்புணர்ச்சி களைந்துமே காசினியும் போற்றுமே
சூழ்ந்திடட்டும் சுவைகளும் சூக்குமமாய் வசதிகள்
ஆழ்ந்திடட்டும் அன்புணர்ச்சி அளித்திடுமே ஈகரை

ஈகரை எங்களுக்கு என்றுமே இனியவை
ஈகரையின் உறவுகள் நிலைத்திடட்டும் நல்லவை
தாகமிக தணித்திடட்டும் தமிழரது தளமிவை
ஊக்கத்தை தரட்டுமே உறவுகளே பதியுமே

யினியவன் · யினியவன் Mon Dec 17, 2012 2:36 pm

அந்தாதியில் புத்தாண்டை வரவேற்று
ஈகரையை சிறப்பித்தது மிக மிக
அருமை நாகசுந்தரம் சூப்பருங்க

ஈகரையின் வாயிலாக இணைந்திருப்போம் நாமிங்கே மகிழ்வோடு

மதுவுண்ட வண்டுபோல் பதிவுன்னு சொல்லறத பார்த்தா
நான் டாஸ்மாக் பக்கம் போனத பார்த்துட்டீங்களோ? புன்னகை