இனப்படுகொலை நாடான இலங்கைக்கு வரமாட்டேன் - சத்யராஜின் நிபந்தனை !!!

Nivas · Nivas Fri Dec 14, 2012 12:59 pm

இனப்படுகொலை நாடான இலங்கைக்கு வரமாட்டேன் - சத்யராஜின் நிபந்தனை !!!

சத்யராஜ் இப்போது ஷாருக்கான் நடிக்கும் ''சென்னை எக்ஸ்பிரஸ்'' (filming Chetan Bhagat's ''Two States Novel'') படத்தில் முக்கிய வேடமொன்றில் நடித்துக் கொண்டிருக்கிறார் அந்தப்படத்தில் அவரை நடிக்கக் கேட்டபோது, திரைத்துறையில் இதுவரை இல்லாத சில நிபந்தனைகளைப் போட்டு அவர்களை அதிர வைத்ததோடு தமிழர்களைப் பெருமைப்பட வைத்திருக்கிறார் சத்யராஜ். படத்தில் நடிக்கக் கேட்டவுடன், ஐந்து நிபந்தனைகளை விதித்தாராம் சத்யராஜ்.

அவற்றில் முக்கியமானது என்னவென்றால், பட ப்பிடிப்புக்காகவோ அல்லது படத்தின் விளம்பரங்களுக்காகவோ இலங்கைக்குக் கூப்பிடக்கூடாது என்பதுதானாம். தமிழினத்தைக் கருவறுக்க நினைக்கும் அந்தநாட்டுக்கு எப்போது நான் வரமாட்டேன் என்று சொல்லியிருக்கிறார்.

அதோடு நில்லாமல் இன்னொரு நிபந்தனையில், இந்திப்படம் என்பதற்காக தமிழர்களையோ தமிழநாட்டையோ கிண்டல் செய்கிற மாதிரியோ அவர்களை விமர்சிக்கிற மாதிரியோ காட்சிகள் மற்றும் வசனங்கள் இருந்தால் நான் நடிக்க மாட்டேன் என்று சொல்லிவிட்டாராம்.

வாய்மொழியாக மட்டுமின்றி இவற்றை எழுத்துப்பூர்வமான ஒப்பந்தமாகக் கொடுத்தால் மட்டுமே நடிப்பேன் என்று உறுதியாக நின்று, அப்படி ஒரு ஒப்பந்தம் தயாராகி அவர்கள் கையெழுத்துப் போட்டுக்கொடுத்த பின்பே நடிக்கப் போனாராம் சத்யராஜ். இதுபோன்றதொரு நிபந்தனைகளை அந்தப்படக்குழுவினர் சற்றும் எதிர்பார்க்கவில்லையென்றாலும் சத்யராஜ் நடிக்கவேண்டுமெனடுபதற்காக அவற்றை ஏற்றுக்கொண்டு நடிக்கவைத்திருகக்கின்றனர்.

பணத்துக்காக எந்த வாயப்பையும் ஏற்றுக்கொள்ளலாம் என்று நினைக்கிற இந்நேரத்தில் தேடிவந்த வாய்ப்பு இல்லையென்றாலும் பராவயில்லை என்று தமிழனாக நின்ற சத்யராஜ்,

புரட்சித்தமிழன் பட்டத்துக்கு மிகவும் பொருத்தமானவர் தான் !!!

பாலாஜி · பாலாஜி Fri Dec 14, 2012 1:00 pm

எந்த பத்திரிகையில் இந்த செய்தியை எடுத்தீர்கள் என்பதயும் குறிப்பிடுங்கள்

யினியவன் · யினியவன் Fri Dec 14, 2012 2:27 pm

பாலாஜி நிவாஸ் இடும் பதிவுகளில் செய்தி எங்கே இருந்துன்னு சொல்றதே இல்லை.

அனைத்தையும் கேள்வி பதில் பகுதியிலே தான் இடுகிறார்.

தமிழும் ஆங்கிலமும் கலந்து புரியாத விதமாகவே பதிவிடுகிறார்.

பலரும் சொல்லியாச்சு - கேட்பதாக இல்லை.

இனி எச்சரிக்கை புள்ளி வழங்கிவிட வேண்டியதுதான்.

**Muthumohamed** · **Muthumohamed** Fri Dec 14, 2012 2:28 pm

கண்டிப்பாக சத்யராஜை பாராட்டியே ஆகவேண்டும்

ராஜு சரவணன் · ராஜு சரவணன் Sun Dec 16, 2012 8:28 pm

திருச்சியில் இருந்து துபாய் போக நமது இந்திய விமானங்களை பயன்படுத்தாது விலை மலிவு என்ற ஒரே காரணத்திற்காக ஸ்ரீலங்கன் விமானங்களை பயன்படுத்தும் நம் தமிழருக்கு இது போன்ற செய்திகள் (உண்மையாக இருப்பின்) ஒரு சாட்டையடி

**ரா.ரா3275** · **ரா.ரா3275** Sun Dec 16, 2012 10:24 pm

இந்திப்படம் என்பதற்காக தமிழர்களையோ தமிழநாட்டையோ கிண்டல் செய்கிற மாதிரியோ அவர்களை விமர்சிக்கிற மாதிரியோ காட்சிகள் மற்றும் வசனங்கள் இருந்தால் நான் நடிக்க மாட்டேன் என்று சொல்லிவிட்டாராம்.

வாய்மொழியாக மட்டுமின்றி இவற்றை எழுத்துப்பூர்வமான ஒப்பந்தமாகக் கொடுத்தால் மட்டுமே நடிப்பேன் என்று உறுதியாக நின்று, அப்படி ஒரு ஒப்பந்தம் தயாராகி அவர்கள் கையெழுத்துப் போட்டுக்கொடுத்த பின்பே நடிக்கப் போனாராம் சத்யராஜ்.

சத்யராஜ் சார் எப்போதும் எல்லா விஷயங்களிலும் மிக மிக கறார்...ஆனால் அதை இனம் சார்ந்த உணர்வுகளிலும் வெளிப்படுத்தியிருப்பது-அதிலும் தொழிலில் கூட-மிக மிக தைரியமான ஒன்று...

சார்...உங்கள் இன உணர்வுக்கு எனது இதயம் வைக்கிறது சல்யூட்...

அசுரன் · அசுரன் Sun Dec 16, 2012 10:30 pm

ஈமூ பண்ணை, மனப்புரம் கோல்டு, மற்றும் நிலம் வாங்க விளம்பரங்களிலும் சத்தியராசு அண்ணே இதே தர்மத்தை கடைபிடிக்கலாம்... மக்களை ஏய்க்கும் இதுபோன்ற கம்பெனி விளம்பரங்களில் நடிக்கக்கூடாது புன்னகை