அமெரிக்காவில் பள்ளி குழந்தைகள் சுட்டுக் கொலை:உலக தலைவர்கள் கண்டனம்

**Powenraj** · **Powenraj** Sat Dec 15, 2012 7:05 pm

அமெரிக்காவின் கனெக்டிகட்நகரில் உள்ள சாண்டிஹுக் பள்ளியில் மர்ம நபர் ஒருவன் துப்பாக்கிச் சூட்டில் 20 குழந்தைகள் உள்பட 27 பேர் உயிரிழந்தனர். இந்த கோரச் சம்பவத்தினால் அதிர்ச்சியடைந்த அமெரிக்கஅதிபர் ஒபாமா, வரும் 18ம் தேதி வரை தேசிய கொடிகளை அரை கம்பத்தில் பறக்க விட வேண்டும் என்று உத்தரவிட்டுள்ளார்.
:-
இந்த சம்பவத்திற்கு கண்டனம் தெரிவித்தும், இறந்த குழந்தைகளுக்கு அஞ்சலி செலுத்தும் விதமாகவும் அதிபர் ஒபாமா உரையாற்றினார். தனது பேச்சுக்கு இடையில் நான்கைந்து முறை நாதழுதழுக்க பேச முடியாமல் தடுமாறிய ஒபாமா,கண்களில் பெருக்கெடுத்த கண்ணீரை கட்டுப்படுத்த முயற்சித்தார். எனினும் ஓரிரு முறை விழிகளின் ஓரம்வழிந்த கண்ணீரை விரல்களால் துடைத்தபடி ஒபாமா பேசியதாவது:-
:-
நமது இதயங்கள் நொறுங்கிப் போய் உள்ளன. இந்த சம்பவத்தில் தங்கள் குழந்தைகளை பறிகொடுத்த பெற்றோருக்கு தேசத்தின் சார்பில் நமது ஆழ்ந்த இரங்கலை கன்னெடிக்ட் மாகாண கவர்னரின் மூலமாக நான் தெரிவித்துள்ளேன்.
இந்த கொடி குற்ற சம்பவம் குறித்த விசாரணையில் மாகாண கவர்னருக்கு தேவையான எத்தகைய ஒத்துழைப்பையும் வழங்கவும், பலியான குழந்தைகளின் பெற்றோர்களுக்கு நிவாரணம்அளிக்கவும் அரசு தயாராக உள்ளது.
:-
இவ்வாறு அவர் கூறினார்.
இதே போல் உலகத் தலைவர்கள் அனைவரும் இந்த தாக்குதல் சம்பவத்திற்கு கண்டனம் தெரிவித்து அறிக்கை வெளியிட்டுள்ளனர். ஐ.நா. சபை செயலாளர் பான் கி மூன்,'இந்த தாக்குதல் சம்பவம் கொடூரமானது, நினைத்துப் பார்க்கவே முடியாதது.
இந்ததாக்குதலினால் மனம் உடைந்து போயிருக்கும் பலியானவர்கள் குடும்பத்தாருக்கு எனது ஆழ்ந்த அனுதாபத்தை தெரிவித்துக் கொள்கிறேன்' என கன்னெடிக்ட் மாகாண கவர்னருக்கு அனுப்பியுள்ளஇரங்கள் செய்தியில் குறிப்பிட்டுள்ளார்.
:-
இதே போல் ஐரோப்பிய யூனியன்தலைவர் கேத்தரின் ஆஷ்டோன்,இங்கிலாந்து ராணி இரண்டாம் எலிசபெத், பிரதமர் டேவிட் ஹார்பெர், பிரான்ஸ் ஜனாதிபதி பிரான்கோயிஸ் ஹாலண்டே, ஆஸ்திரேலியா பிரதமர் ஜுலியா கில்லார்ட் உள்ளிட்ட பல்வேறு நாட்டின் தலைவர்கள் இந்த துப்பாக்கிச்சூடு சம்பவத்திற்கு கண்டனமும், பலியானவர்களின் குடும்பத்தாருக்கு ஆறுதலும் தெரிவித்து செய்தி வெளியிட்டுள்ளனர்.
:-
மாலை மலர்

**Muthumohamed** · **Muthumohamed** Sun Dec 16, 2012 12:23 am

என்னப்பா நடக்குது அமெரிக்கவுல

**அகிலன்** · **அகிலன்** Sun Dec 16, 2012 1:50 am

Muthumohamed wrote:என்னப்பா நடக்குது அமெரிக்கவுல

அதத்தான் நானும் கேட்கிறன்?

**கரூர் கவியன்பன்** · 23/09/2012

இது என்னமோ புதிதாக நடப்பது போன்ற தோற்றம் ஏற்படுத்தப்பட்டுள்ளது.இன்று நேற்று இல்லை நெடுங்காலமாகவே இது போன்ற செயல்கள் அங்கு அவ்வப்பொழுது நடந்தேறி வருகிறது.இது கண்டிக்கத்தக்க செயல் மட்டும் அல்ல. இனிதொரு இது போன்ற நிகழ்வு எங்கும் நடக்கா வண்ணம் காப்பது மனித சமூகத்தின் மற்றும்
ஆட்சியாளர்களின் முக்கிய பொறுப்பும் கூட.