மலைகளில் காடுகளில் அலைந்து...மரக்கிளைகளில் தொங்கி...

**ரா.ரா3275** · **ரா.ரா3275** Fri Dec 14, 2012 10:57 pm

First topic message reminder :

நண்பர்களே...

இன்று காலை உதயம் தியேட்டரில் இன்றைய வெளியீடான "கும்கி"...
மிகப் பெரிய கூட்டத்துடன் துளியோடு துளியாக நானும்...

காடு-மலை-மலைக் கிராமம் என மைனா படம் போல் களம்-தளம்தான்...
ஆனால் யானை பற்றிய புதிய சேர்க்கை கொஞ்சம் புதுமை....
அதில் காதல்-வலி என எல்லாம் சொல்கிறார்கள்...
ஆனால் நண்பர்களே...படம் பற்றியோ கதைப் பற்றியோ விமர்சிக்க இந்தப் பதிவன்று...
மாறாக...இத்திரைப் படைப்பில் உழைத்த உள்ளங்கள் பற்றித்தான் இப்பதிவு...

இயக்குனர் பிரபு சாலமன்...மெனக்கெடலில் மேன்மை தொட்டிருக்கிறார்...
மனம் கெடாமல் நம்மையும் பாதுகாக்கும் உழைப்பு...உழைப்பு...உழைப்பு...

சிவாஜி பேரன்...தாத்தாவின் ரத்தம் அவரது நாடி நரம்புகளிலும்...வாழ்த்துகள்...
அடுத்தடுத்து அமையட்டும் உயரம் தொடும் வாய்ப்புகள்...

இசையமைப்பாளர் இமானின் உழைப்புக்கு அத்தனைப் பாடலுக்கும் அப்படி ஒரு காட்டுத்தனமானக் கைதட்டல் பரிசாகக் கிடைக்கிறது...

எல்லாம் சரி...
இன்னும் கண்களை விட்டு அகலாத அந்த ஒளிப்பதிவு...உச்சபட்ச உழைப்பு...
மலைகளில் காடுகளில் அலைந்து...மரக்கிளைகளில் தொங்கி...
யானை மீது படர்ந்து...ஆகாயத்தில் இருந்து அருவியைப் பொத்துக்கொண்டு பொதபொதவெனக் கொட்டச் செய்து...
காடுகளின் பச்சையத்தை வனத்துறைக் கண்ணில் மண் தூவி கடத்தி வந்து...
ஓர் அடர் அழகியல் வன்முறை நிகழ்த்தி இருக்கிறது திரு.சுகுமாரின் ஒளிப்பதிவு...

இந்த இடத்தில் ஓர் செண்டிமெண்ட்...சினிமா போலத்தான்...
இவரது அண்ணன் ஜீவன்...சாட்டை படத்தின் ஒளிப்பதிவாளர் அவர்...
இப்படி அண்ணன் ஒருவர் கிடைக்க எத்துணைத் தவம் செய்தாரோ சுகுமார்...
ஆம்...அவரால்தான் சினிமாவிற்குள்ளும் அடியெடுத்து வைத்தார் சுகுமார்...
பொத்திப் பொத்தி வளர்த்த தன் தம்பி...இன்று ஒளிப்பதிவில் உச்சியில் ஏறுவதைப் பார்த்துக் கண்களில் கண்ணீருடன்...
ஆனந்தக் கண்ணீருடன்...தன்னுடைய வெற்றியும் இதுபோல அமையுமா என்று உழைத்துக் காத்திருக்கிறார்...

எல்லோரு ஜெயிக்கட்டும்...இதயம் விசாலகமாட்டும்...
வெற்றிகள் வெகு தூரமில்லை...

நன்றி...