பவர் ஸ்டாரின் ரசிகர்களான இயக்குநர் ஷங்கர், சிம்பு

DERAR BABU · DERAR BABU Tue Dec 11, 2012 11:23 am

சென்னை, டிச.11(டி.என்.எஸ்) தமிழ் சினிமாவின் ஜோக்கராக திகழ்ந்த பவர் ஸ்டார் சீனிவாசன், தற்போது கிங்காக மாறிவிடுவார் போலிருக்கிறது. அந்த அளவுக்கு அவருடைய ரசிகர்கள் பட்டாளம் வளர்ந்துகொண்டே இருக்கிறது. இதில் மற்றொரு ஆச்சரியம் தமிழ் திரையுலகின் முன்னணி பிரபலங்கள் சிலர் கூட பவர் ஸ்டாரின் ரசிகர்கன் என்று கூறிகொண்டு அவரிடம் புகைப்படம் எடுக்க விருப்புகிறார்களாம்.

இந்த லிஸ்ட்டில் லேட்டஸ்ட்டாக இடம்பிடித்திருப்பவர்கள் இயக்குநர் ஷங்கரும், நடிகர் சிம்புவும். காமெடி நடிகர் சந்தானமும், இரா.நாராயணனும் இணைந்து தயாரிக்கும் 'கண்ணா லட்டு தின்ன ஆசையா' படத்தில் சந்தானத்துடன் இணைத்து கலக்க இருக்கிறார் நம்ம பவர் ஸ்டார். பாலசுப்பிரமணியத்தின் ஒளிப்பதிவு, தமனின் இசை என்று முன்னணி தொழில்நுட்ப கலைஞர்கள் பங்குபெற்றுள்ள இப்படத்தை மணிகண்டன் என்ற புதுமுக இயக்குநர் இயக்குகிறார்.............

சென்னை ஆன்லைன்

இப்படத்தின் இசை வெளியீட்டு விழா சமீபத்தில் சென்னையில் நடைபெற்றது. இதில் சிறப்பு விருந்தினர்களாக உதயநிதி ஸ்டாலின், இயக்குநர் ஷங்கர், நடிகர் சிம்பு உள்ளிட்ட ஏராளமான திரையுலகினர் கலந்துகொண்டார்கள்.

இந்த இசை வெளியீட்டு விழாவைப் பார்த்தால், ஏதோ, இளையதளபதி விஜய் படத்தின் நிகழ்ச்சியைப் போல இருந்தது. அந்த அளவுக்கு கூட்டம். பவர் ஸ்டாரைப் பார்க்குன் போதெல்லாம் தலைவா...தலைவா...என்று ஒரே சத்தம் தான். இது இப்படி என்றால், மீடியாக்களுக்கு பேட்டி கொடுத்துக்கொண்டிருந்த பவர் ஸ்டார், சட்டென்று, "இருங்க என்னோட ரசிகர்கள் வந்துட்டாங்க...பேட்டி அப்புறமா கொடுக்குறேன்..." என்று சொல்லிவிட்டு ரசிகர்களை கட்டி தழுவ ஆரம்பித்துவிட்டார்.

நிகழ்ச்சியில் பவர் ஸ்டார் பேசும் போது, "அனைவருக்கும் இந்த லட்டு ஒரு திகட்டாத லட்டாக இருக்கும் என்றுதான் சொல்லவேண்டும். அந்தளவுக்கு எல்லோரும் சந்தோஷமாக நடித்திருக்கிறோம்.

திரையுலகில் நான் மீண்டும் முத்திரை குத்த வாய்ப்பளித்த அருமை தம்பி சந்தானத்துக்கு ரொம்ப நன்றிக்கடன்பட்டிருக்கிறேன். நான்தான் நடிக்க வேண்டும் என்று தம்பி அன்புக் கட்டளையின் பேரில் நான் இந்த படத்தில் நடித்திருக்கிறேன்.

தயாரிப்பாளர் ராமநாரயாணன் என்னை அழைத்து என்னிடம் ஒப்பந்தம் போட அவ்வளவு தயக்கம் காட்டினார். ஒரு அரைமணி பேச்சுவார்த்தைக்கு பின் நீங்கள் இந்த படத்தில் நடிக்க வேண்டும் என்று சொன்னார். அப்படி நடிக்க வாய்ப்பளித்த அவருக்கும் நான் கடமைப்பட்டிருக்கிறேன்.

அதன்பிறகு என் அன்பு, ஆசை, அருமைத் தம்பி சங்கர் சாரை நான் ரொம்ப பாராட்ட வேண்டும். அவருடைய ‘ஐ’ படத்தில் எனக்கு நடிக்க வாய்ப்பு கொடுத்திருக்கிறார். நான் சற்று யோசித்தேன், இது கனவா? நனவா? என்று. அழைப்பு வந்ததின் பேரில் நான் அங்கு சென்றபோது எனக்கு நடிக்க வாய்ப்பு கொடுத்தார்.

நான் அவரிடம் சேர்ந்து போட்டோ எடுக்க வேண்டும் என்று ஆவலாக இருந்தேன். ஆனால் என் தம்பி ஷங்கர் அவர்கள், “அண்ணே நான் உங்களுடன் சேர்ந்து போட்டோ எடுக்க வேண்டும். நான் உங்களுடைய ரசிகன்“ என்று சொன்னவுடன், உண்மையிலேயே நான் பிறந்த பலனை அடைந்துவிட்டேன் என்றுதான் நினைக்கிறேன்.

அதேபோல், இன்னொரு தம்பி சிம்பு அவர்கள் என்னுடன் இப்படத்தில் நடிக்கிறார். எனக்கு இந்த படத்தின் மூலம் நிறைய தம்பிமார்கள் கிடைத்துள்ளார்கள். அதற்குமேல் எனக்கு உயிரினும் மேலான ரசிகர்களும் கிடைத்திருக்கிறார்கள்." என்றார். (

**ரா.ரா3275** · **ரா.ரா3275** Tue Dec 11, 2012 1:00 pm

மறுபடி எதுனா காமெடின்ற பேர்ல போர்ஜரி பண்ணாம இருந்தா சரி...
சினிமாவில் வளர வாழ்த்துகள்...

பகிர்வுக்கு நன்றி பாபு...

**பார்த்திபன்** · 24/07/2011

தங்கத் தலைவன், ஹாலிவுட்டின் வருங்கால ஜேம்ஸ் பான்ட் மற்றும் ஸ்பைடர் மேன், சகலகலா சக்கரவர்த்தி, வருங்கால ஐ.நா. சபைத் தலைவர்

அண்ணன் பவர் ஸ்டார் வாழ்க!

யினியவன் · யினியவன் Tue Dec 11, 2012 3:36 pm

பார்த்திபன் wrote:தங்கத் தலைவன், ஹாலிவுட்டின் வருங்கால ஜேம்ஸ் பான்ட் மற்றும் ஸ்பைடர் மேன், சகலகலா சக்கரவர்த்தி, வருங்கால ஐ.நா. சபைத் தலைவர் அண்ணன் பவர் ஸ்டார் வாழ்க!

ரொம்ப பீலிங்கஸ் காட்டுறீங்களே பார்த்திபன் புன்னகை

**பார்த்திபன்** · 24/07/2011

பீலிங்க்ஸ் இல்லாம எப்படிங்க? அண்ணன் பவர் ஸ்டார் போன்ற ஒரு அழகான மற்றும் திறமையான கலைஞனை உலக சினிமா இதுவரை சந்தித்ததில்லை. இன்னும் சில நூறு வருடங்களுக்குச் சந்திக்கப் போவதுமில்லை. பாடிகாட் முநீஸ்வரனுக்குப் பிறகு பவர் ஸ்டார்தான் பலருக்குக் குல தெய்வம் ஆகப் போறார்! மறுபடியும் அண்ணனுக்கு ஜே!

பாலாஜி · பாலாஜி Tue Dec 11, 2012 3:46 pm

பார்த்திபன் wrote:தங்கத் தலைவன், ஹாலிவுட்டின் வருங்கால ஜேம்ஸ் பான்ட் மற்றும் ஸ்பைடர் மேன், சகலகலா சக்கரவர்த்தி, வருங்கால ஐ.நா. சபைத் தலைவர் அண்ணன் பவர் ஸ்டார் வாழ்க!

வருங்கால அமெரிக்க ஜனாதிபதி அதை விட்டீங்களே பாஸ்

யினியவன் · யினியவன் Tue Dec 11, 2012 4:07 pm

பாலாஜி wrote: வருங்கால அமெரிக்க ஜனாதிபதி அதை விட்டீங்களே பாஸ்

பாவம் ஒபாமா இன்னும் நாலு வருஷம் இருந்துட்டு போவட்டுமேன்னு தான் பாலாஜி.

பூவன் · பூவன் Tue Dec 11, 2012 4:08 pm

யினியவன் wrote:
பாலாஜி wrote: வருங்கால அமெரிக்க ஜனாதிபதி அதை விட்டீங்களே பாஸ்
பாவம் ஒபாமா இன்னும் நாலு வருஷம் இருந்துட்டு போவட்டுமேன்னு தான் பாலாஜி.

கொஞ்சம் நல்ல எண்ணம்

றினா · றினா Tue Dec 11, 2012 8:04 pm

பார்த்திபன் wrote:தங்கத் தலைவன், ஹாலிவுட்டின் வருங்கால ஜேம்ஸ் பான்ட் மற்றும் ஸ்பைடர் மேன், சகலகலா சக்கரவர்த்தி, வருங்கால ஐ.நா. சபைத் தலைவர் அண்ணன் பவர் ஸ்டார் வாழ்க!

அவர் புகழுக்கு இது என்ன சுண்டக்காய். உலகை ஆழும் .... என்றுகூட வாழ்த்தலாம்.