மனசு தொட்ட வாழ்க்கை......இனி மௌசு தொட்டு பாழாகுமோ....

**கரூர் கவியன்பன்** · 23/09/2012

வயல் வெளி பார்த்து
வரட்டி தட்டி
ஓணான் பிடித்து
ஓடையில் குளித்து
எப்படியோ படித்த நான்
ஏறி வந்தேன் நகரத்திற்கு!

சிறு அறையில் குறிகி படுத்து
சில மாதம் போர்தொடுத்து
வாங்கிவிட்ட வேலையோடு
வாழ்கிறேன் கணிபொறியோடு!

சிறியதாய் தூங்கி
கனவு தொலைத்து
காலை உணவு மறந்து
நெரிசலில் சிக்கி
கடமை அழைக்க
காற்றோடு செல்கிறேன்
காசு பார்க்க...

மனசு தொட்டு
வாழும் வாழ்க்கை
மாறிப்போகுமோ

மௌசு தொட்டு
வாழும் வாழ்க்கை
பழகிபோகுமோ...

வால் பேப்பர் மாற்றியே
வாழ்க்கை தொலைந்துபோகுமோ

சொந்தபந்த உறவுகளெல்லாம்
ஜிப் பைலாய் சுரிங்கிபோகுமோ...

தாய் மடியில் தலைவைத்து
நிலவு முகம் நான் ரசித்து
கதைகள் பேசி
கவலைகள் மறந்த
காலம் இனிதான் வருமா...?

இதயம் நனைத்த
இந்த வாழ்வு
இளைய தலைமுறைக்காவது
இனி கிடைக்குமா?

சொந்த மண்ணில்
சொந்தங்களோடு
சோறு தின்பவன் யாரடா?
இருந்தால் அவனே
சொர்க்கம் கண்டவனடா

மனசு தொட்ட வாழ்க்கை......இனி மௌசு தொட்டு பாழாகுமோ.... 270041_558477110833810_1178523716_n

மனசு தொட்ட வாழ்க்கை......இனி மௌசு தொட்டு பாழாகுமோ.... 270041_558477110833810_1178523716_n

நன்றி:தமிழன் என்கிற திமிரு எனக்கும் உண்டு

யினியவன் · யினியவன் Wed 5 Dec 2012 - 22:59

கரூர் கவியன்பன் wrote:
மனசு தொட்டு
வாழும் வாழ்க்கை
மாறிப்போகுமோ

மௌசு தொட்டு
வாழும் வாழ்க்கை
பழகிபோகுமோ...

சொந்த மண்ணில்
சொந்தங்களோடு
சோறு தின்பவன் யாரடா?
இருந்தால் அவனே
சொர்க்கம் கண்டவனடா

நிதரிசனமான உண்மை.

பகிர்வு சூப்பர் கவி.

**கரூர் கவியன்பன்** · 23/09/2012

நிதரிசனமான உண்மை.

பகிர்வு சூப்பர் கவி

நன்றி இனியவரே. இக்கவிதையைப் படித்தவுடன் மனமும் ஏனோ இறுதிவரை இதுபோலவே இருக்கத் துடிக்கிறது .

**கரூர் கவியன்பன்** · 23/09/2012

துடித்த இதயத்தை
துணிமூடி பத்திரப்படுத்திக்கொண்டேன்
நகர்வலம் வரும்போது

**கரூர் கவியன்பன்** · 23/09/2012

நகர் வலம் நான் காண வந்த வேளை
வேலை பாய்ச்சியதோ
உன் இரு விழிவேல்
நான் வீழ்வதாயினும் அது
உன் மடி என்றாக வேண்டுமடி
வெண்பூவே ....

பாலாஜி · பாலாஜி Fri 7 Dec 2012 - 15:53

அருமையான பகிர்வு ..நன்றி சூப்பருங்க

**ஜாஹீதாபானு** · **ஜாஹீதாபானு** Fri 7 Dec 2012 - 16:00

சொந்த மண்ணில் சொந்தங்களோடு
சோறு தின்பவன் யாரடா
இருந்தால் அவனே சொர்க்கம் கண்டவனடா

ரொம்ப அருமையா இருக்கு கவி

**ரா.ரா3275** · **ரா.ரா3275** Fri 7 Dec 2012 - 18:05

அடடே...சூப்பர் கரூராரே...ஏக்க-தாக்கங்களை எப்படி இவ்வளவு அருமையாகப் பதிவு செய்தீர்கள்?...
சொந்த அனுபவம் எப்போதுமே இப்படித்தான் சுத்தமான கவிதைக்குச் சோறு போடும்...
கணிப்பொறி வாழ்க்கையோடு காலம் தள்ளும் மனிதர்கள் உறவுகளையும் கணிப்பொறி பாகங்களாகப் பார்க்கத் தொடங்கிவிட்ட யதார்த்தம் கொஞ்சம் சுடும்தான்...ஆனால் அதுதானே உண்மை...

அருமை அருமை அருமை கரூராரே...

(அப்புறம்...இந்த காதல் டாக்டர் பூவன் கூட சேராதீங்க...அவரு உங்கள காதல் கவிதைப் புதரில் தள்ளி கணக்கு தீர்த்துவிடுவார்...ஜாக்ரத... சிரி