சூலை நீக்கும் சதவேரி!

இது கொடி இனத்தைச் சேர்ந்ததாகும். இதன் கொடிகள் நீண்ட தூரம் வளராது. வேரைத் தோண்டினால் அடுக்கு அடுக்காக இடைவிடாமல் அடுக்கியது போல கிழங்குகள் இருக்கும். கிழங்குக்கே மருத்துவக் குணம் உண்டு. இது மணல் நிறைந்த நிலங்களிலும், சதுப்பு நிலங்களிலும், ஆற்றங்கரை ஓரங்களிலும் அதிகமாக தானாகவே வளர்கின்றது.

வேறு பெயர்கள் : தண்ணீர் விட்டான், தண்ணீர் மிட்டான், சதாவேரி, சதாவாரி, சூக்சும பத்திரா, பெருசுதாகேசி, நாறாயாயணியித்தியமி, பீகு பத்திரி, பெருபுத்திரிகா, சதமூலை, சதாவரி, நாராயணி, நீர் பீருதந்தி

ஆங்கிலத்தில் : Asparagurce Morsus

மருத்துவக் குணங்கள் :

சதவேரிக் கிழங்கை தோல் நீக்கி சுத்தம் செய்து நிழலில் காயவைத்து இடித்துப் பொடியாக்கி ஒரு தேக்கரண்டி பொடியை ஒரு டம்ளர் பாலில் கலந்து 2 வேளை குடித்துவர உடல்சூடு தணியும். 21 நாட்கள் குடித்து வருவது நல்லது.

சதவேரிக் கிழங்கின் பொடி, செங்கழுநீர் பூவின் சமூலம், வகைக்கு சம அளவாக எடுத்துக் கலந்து 1 டம்ளர் பசும்பாலில் 1 தேக்கரண்டி பொடியைக் கலந்து சிறிது பனங்கற்கண்டு சேர்த்துக் கலக்கி 2 வேளை குடித்து வர வெட்டை, நீரிழிவு, மேக நோய் குணமாகும்.

சதவேரி இலையை வேகவைத்து நெய் தடவி சிறு கொப்புளங்களுக்கு வைத்துக் கட்டலாம். சதவேரி இலைச் சாறு ஒரு கரண்டி அளவுடன் 1 டம்ளர் பால் சேர்த்து குடித்து வர உடல் சூட்டைத் தணித்து வெள்ளையை நிறுத்தும். சதவேரி கிழங்கைப் பாலில் வேகவைத்து, பாலை மட்டும் குடிக்க சுவையின்மை, செரியாக் கழிச்சல் நீங்கும்.

சதவேரி கிழங்கை பாலில் அவித்து சிறிது தேன் கலந்து சாப்பிட வயிற்றில் உண்டாகும் சூலை நீங்கும்.

சதவேரி கிழங்குச் சாறு 100 மில்லி, அதேயளவு வெண்ணெய், பால் 1 லிட்டர் கலந்து நெய்யாகச் செய்து அத்துடன் சர்க்கரை, தேன், திப்பிலி சம அளவாக 1 கரண்டியளவு சேர்த்துக் கலந்து காய்ச்சி 3 வேளை சாப்பிட்டு வர உடல் வலிமை பெறும். ஆண்மை பெருகும்.

நன்றி தினமணிக்கதிர்


நன்றி மருத்துவ உலகம்