சுட சுட செய்திகள்...அச்சலா

அச்சலா · அச்சலா Sat Dec 08, 2012 10:49 am

First topic message reminder :

3500 ஆண்டுகளுக்கு முன்னரே பெண்களுக்கு ஆபரண ஆசை இருந்தது: ஆய்வில் தகவல்

சுட சுட செய்திகள்...அச்சலா - Page 6 78f3e7ac-22fc-41bf-9b54-dd6933912bb0_S_secvpf

சுட சுட செய்திகள்...அச்சலா - Page 6 78f3e7ac-22fc-41bf-9b54-dd6933912bb0_S_secvpf

தங்கத்தின் விலை கிராமுக்கு ரூ.3 ஆயிரத்தை நெருங்கி வரும் வேளையிலும் நம்நாட்டு பெண்களுக்கு தங்க நகைகளை வாங்கி, அணிந்துக் கொள்ளும் ஆசை சற்றும் குறைந்தபாடில்லை.

இந்த ஆபரண ஆசை, பெண்களுக்கிடையில் இன்று, நேற்று, உருவானதல்ல. கற்காலத்தின் போதே உலோகங்களால் உருவான ஆபரணங்களை அணியும் வழக்கம் பெண்களிடம் இருந்துள்ளது என்பது சமீபத்தில் தெரியவந்துள்ளது.

கி.பி. 21-ம் நூற்றாண்டில் வசிக்கும் நவநாகரிக மங்கையருக்கு இணையாக, கி.மு.1550-ம் ஆண்டில் வசித்த ஜெர்மனி பெண் ஒருவரும், வெண்கலத்தால் ஆன, சுருள் சுருளான கிரீடம் போன்ற ஆபரணத்தை அணிந்துள்ளது. தற்போது உறுதி செய்யப்பட்டுள்ளது.

கடந்த 2008-ம் ஆண்டு, கிழக்கு ஜெர்மனியில் உள்ள ரோக்லிட்ஸ் பகுதியில், புதிய ரெயில் பாதை அமைப்பதற்காக பூமியை தோண்டியபோது, ஒரு பெண்ணின் எலும்புக்கூடு கண்டுபிடிக்கப்பட்டது.

அந்த எலும்புக் கூட்டின் மண்டை ஓட்டில்தான், வெண்கலத்தால் செய்யப்பட்ட, இந்த தலை அலங்கார ஆபரணம் கிடைத்துள்ளது.

இந்த எலும்புக்கூட்டினை ஆய்வு செய்த தொல்பொருள் நிபுணர்கள், அந்த பெண் கி.மு. 1550-1250-க்கு இடைப்பட்ட காலத்தில் வாழ்ந்திருக்கக் கூடும் என்பதை உறுதி செய்துள்ளனர்.

3500 ஆண்டுகள் பழமையான இந்த அபூர்வ மண்டை ஓடு, ஜெர்மனியின் ஹாலே நகரில் உள்ள அருங்காட்சியகத்தில், பொதுமக்கள் பார்வைக்கு இன்று வைக்கப்பட்டது.

-மாலைமலர்

அச்சலா · அச்சலா Mon Dec 10, 2012 8:02 am

மருத்துமனையில் மண்டேலா அனுமதி

ஜோஹன்ஸ்பர்க்: தென்ஆப்ரிக்க முன்னாள் அதிபர் நெல்சன் மண்டேலா மருத்துவமனையில் அனுமதிக்கப்பட்டுள்ளார். வயது மூப்பின் காரணமாக உடல்நலக்குறைவால் அவதியுற்ற நெல்சன்மண்டேலா (94). நேற்று ‌ஜோஹன்ஸ்பெர்க் நகரில் உள்ள ராணுவ மருத்துவமனையில் சிகிச்சைக்காக அனுமதிக்கப்பட்டார். அவருக்கு வயிற்றில் நோய் தொற்று ஏற்பட்டுள்ளதாக டாக்டர்கள் தெரிவித்தனர். எனினும் தற்போது அவர் உடல்நிலை சீராக உள்ளதாக தகவல்கள் கூறுகின்றன. நெல்சன் மண்டேலா உடல்நிலை குறித்து அதிபர் ஜேக்கப் ஜூமா மருத்துவமனை நிர்வாகத்தினை தொடர்ந்து கேட்டு அறிந்து வருகிறார். அவர் விரைவில் குணமடைய வேண்டி வாழ்த்து தெரிவித்தார்.

-தினமலர்

அச்சலா · அச்சலா Mon Dec 10, 2012 8:04 am

சீனாவில் படகுகள் மூழ்கியதில் 17 பேர் மாயம்

பீஜிங்: சீனாவில் இரண்டு படகுகள் மூழ்கியதில் 17 பேர் மாயமானார்கள். சீனாவின் ஷாண்டாக் மாகாணத்தில் மீன்பிடி படகு ஒன்று மூழ்கியது. இதில் இருந்த ஒருவர் மீட்கப்பட்டார். 9 பேரை காணவில்லை. இதனையடுத்து 11 கப்பல்கள் மூலம் மாயமானவர்களை தேடும் பணி தீவிரமாக நடைபெற்று வருகிறது. இதேபோல் ஹூனான் மாகாணத்தில் பெரிய படகு மூழ்கியதில் 8 பேரை காணவில்லை. அவர்களை தேடும் பணி நடந்து வருகிறது.

-தினமலர்