குட்டிச் சுவரின் மறைவில் நான் நிற்கையில்

**கரூர் கவியன்பன்** · 23/09/2012

First topic message reminder :

விடிந்து விடியாத பொழுது அது
விரல்கள் மண்ணின் உடலில்
விளையாடிக்கொண்டிருந்த அந்த
அதிகாலை நேரத்தில் ...
கோலத்தின் நடுவில்
பாதி மலர்ந்து மலராத மலர் அது

பாதி முகம் காட்டி
பாவாடை தாவணியில்
பருவம் விளைந்த உன் முகம்
தெரிந்தும் தெரியாமால் ஓடி வந்து
உட்கார்ந்து கொண்டது என்னவோ
என் கண்களுக்குள்

கடலின் மடியில் பிறப்பெடுப்பினும்
காலையின் சோம்பலினை
முறித்தும் முறிக்காமலும்
உலகமவள் கன்னியைக் காண வரும்
பகலவனைப் போல உன் முகம் நான் காண

அதோ ... ஆங்கே....
தூரத்திலுள்ள அந்தக் குட்டிச் சுவரின்
மறைவில் நான் மறைந்து நிற்கையிலும்

பாவாடை தாவணியில்
பருவம் விளைந்த உன் முகம்
தெரிந்தும் தெரியாமால் ஓடி வந்து
உட்கார்ந்து கொண்டது என்னவோ
என் கண்களுக்குள் ...