இறைவனுடன் ஓர் உடன்படிக்கை

**ரா.ரா3275** · **ரா.ரா3275** Thu Dec 06, 2012 4:39 pm

First topic message reminder :

சிறகுலர்த்தும் மேகம்
சிரிப்புலர்த்தும் சூரியன்

மனம் கோதும் காதல்
மகோன்னதம் கோரும் நட்பு

மகரந்தம் பிதுக்கும் மூளை
மழலைப் பிதுக்கும் நெஞ்சம்

மொழி செதுக்கும் அறிவு
முதுமை செதுக்கும் இளமை

யதார்த்தம் பீறிடும் இயல்பு
நிதானம் பீறிடும் நேர்மை

நிஜம் ததும்பும் காமம்
நிழல் தவிர்க்கும் ரகசியம்

இப்படி வேண்டும்
இயல்பு திரிந்த இயல்பு
எவருக்கும் பகிராமல்

இறைவனோடான உடன்படிக்கை
இன்றுதான் கையெழுத்தானது
கவனமாய் அடைகாக்க
கனவுகளில் புதைத்துவிட்டேன்