செல்போன் இணைப்பு துண்டிப்பு ரிலையன்ஸ் நிறுவனத்துக்கு ரூ.10 ஆயிரம் அபராதம்

அச்சலா · அச்சலா Thu Dec 06, 2012 1:57 am

புதுடெல்லி: செல்போன் எண்ணை துண்டித்து, வேறு நபருக்கு ஒதுக்கிய ரிலையன்ஸ் நிறுவனத்துக்கு ரூ.10 ஆயிரம் அபராதம் விதித்து நுகர்வோர் நீதிமன்றம் தீர்ப்பளித்துள்ளது.டெல்லியை சேர்ந்த முகமது யாமீன். கான்ட்ராக் டர். இவர் கடந்த 2004 முதல் ரிலையன்ஸ் சேவை செல்போனை பயன்படுத்தி வந்துள்ளார். இந்நிலையில் கடந்த ஆண்டு ஆகஸ்ட் மாதம் தனது எண் திடீரென செயல்பாட்டை இழந்தது. இதையடுத்து ரிலையன்ஸ் இன்போகாமுக்கு தொடர்பு கொண்ட யாமீன் தனது எண்ணை செயல்படுத்தித் தரும்படி கேட்டார். ஆனால் அந்த எண் வேறு ஒருவருக்கு ஏர்டெல் நிறுவனத்தால் வழக்கப்பட்டது யாமீனுக்கு தெரிய வந்தது.இதையடுத்து வடமேற்கு மாவட்ட நுகர்வோர் நீதிமன்றத்தில் முகமது யாமீன் இழப்பீடு கோரி வழக்கு தொடர்ந்தார். இந்த வழக்கை விசாரித்த நீதிபதிகள் என்.ஏ.ஜியாதி, பூனம் மல்கோத்ரா, நிஷாத் அகமது அல்வி ஆகியோர் அடங்கிய பெஞ்ச் இதுகுறித்து பதில் அளிக்கும்படி ரிலையன்ஸ் இன்போகாம் மற்றும் ரிலையன்ஸ் வேர்ல்டுக்கு நோட்டீஸ் அனுப்பினர்.ஆனால் எதிர்த்தரப்பிலிருந்து யாரும் ஆஜராகாததால் ஒருதலைப்பட்சமாக அறிவித்து நீதிபதிகள் அளித்த தீர்ப்பில், வாடிக்கையாளரின் அனுமதியின்றி, அவருக்கு தெரிவிக்காமல் அவர் பயன்படுத்தி வந்த எண்ணை வேறு ஒருவருக்கு வழங்கியது நிறுவனத்தின் சேவை குறை பாட்டை காட்டுகிறது. சேவை குறைபாடு, மன வருத்தம் ஆகிய காரணங்களுக்காக அவர் பயன்படுத்தி வந்த எண்ணை அவருக்கு மீண்டும் கிடைக்க செய்ய வேண்டும். தவறினால் புகார்தாரருக்கு எதிர்மனுதாரர் ரூ.10 ஆயிரம் இழப்பீடாக வழங்க வேண்டும். மேலும் இந்த வழக்கின் தீர்ப்பு நகலை தொலைதொடர்பு ஒழுங்குமுறை வாரியத்துக்கு அனுப்ப வேண்டும். இதுகுறித்து சம்பந்தப்பட்ட நிறுவனம் மீது உரிய நடவடிக்கையை தொலைதொடர்பு ஒழுங்குமுறை வாரியம் எடுக்க வேண்டும் என்று கூறியுள்ளனர்.

-தினகரன்

றினா · றினா Thu Dec 06, 2012 7:13 am

அதுசரி நாம ஏன் சும்மா பார்த்துக்கொண்டு இருக்கவேண்டும்.

அச்சலா · அச்சலா Thu Dec 06, 2012 9:58 am

றினா wrote:அதுசரி நாம ஏன் சும்மா பார்த்துக்கொண்டு இருக்கவேண்டும்.

பார்க்கவே நேரம் கிடையாது..எல்லாம் முடிந்து விடும்..அவசரகாலம்.. மீண்டும் சந்திப்போம்

**krishnaamma** · **krishnaamma** Thu Dec 06, 2012 1:04 pm

ரூ.10 ஆயிரம் ரொம்ப கம்மி.................ரிலையன்சிடம் இன்னும் நிறைய பெற்று தந்திருக்கலாம் அவருக்கு புன்னகை

அச்சலா · அச்சலா Thu Dec 06, 2012 1:06 pm

krishnaamma wrote:ரூ.10 ஆயிரம் ரொம்ப கம்மி.................ரிலையன்சிடம் இன்னும் நிறைய பெற்று தந்திருக்கலாம் அவருக்கு

உண்மைதான் கஜானா இன்னும் நிறைய கொட்டி கிடக்கு..

**கரூர் கவியன்பன்** · 23/09/2012

இதில் பணம் குறைவு எனினும் கண்டிப்பும் தண்டனைகளும் சரிவர நடந்துக் கொள்ளவில்லை எனில் கிடைக்கப்பெறும் என்பதை பலருக்கு உணர்த்தும் விதமாக உள்ளது இத்தீர்ப்பு.

மேலும் இழப்பீட்டுத் தொகை என்பது நீதிபதியாயினும் தங்கள் விருப்பத்தின் பேரில் அத்தொகையை குறிப்பிட இயலாது.அதற்க்கேன வரைமுறைகள் வகுக்கப்பட்டுள்ளன.அதனடிப்படியில் தான் ஒரு குறிப்பிட்ட தொகையை வழங்க உத்திரவிட முடியும் அவர்களால்.மனுதாரருக்கு பாதிப்பு மிக அதிகம் என்றபோது இத்தொகையை உயர்த்தி அளிக்க பரிசீலினை செய்யலாம்