குழந்தையை மிரட்டிய வழக்கு: இந்தியப் பெற்றோருக்கு சிறை

யினியவன் · யினியவன் Wed Dec 05, 2012 6:31 am

குழந்தையை மிரட்டிய வழக்கு: இந்தியப் பெற்றோருக்கு சிறை

நார்வேயில் குழந்தையை மிரட்டியதாகத் தொடரப்பட்ட வழக்கில் இந்திய பெற்றோருக்கு சிறைத் தண்டனை விதித்து ஆஸ்லோ மாவட்ட நீதிமன்றம் தீர்ப்பளித்துள்ளது.

தங்களின் குழந்தையை முறையாகப் பராமரிக்காதது, மிரட்டல் விடுத்து அச்சுறுத்தியது, வன்முறையில் ஈடுபட்டது ஆகிய குற்றங்களுக்காக தந்தைக்கு 18 மாதங்களும், தாய்க்கு 15 மாதங்களும் சிறைத் தண்டனை விதிக்கப்பட்டுள்ளது.

ஆந்திரத்தைச் சேர்ந்த சாஃப்ட்வேர் என்ஜினீயர் சந்திரசேகர், அவரது மனைவி அனுபமா. நார்வேயில் வசித்து வருகின்றனர்.

இவர்களது 7 வயது மகன், பள்ளி வாகனத்தில் சிறுநீர் கழித்தான் என்றும், பள்ளியில் விளையாடக் கொடுத்த பொம்மை உள்ளிட்ட பொருள்களை வீட்டுக்கு எடுத்துச் சென்று விட்டான் என்றும் பள்ளியிலிருந்து புகார் தெரிவிக்கப்பட்டது.

இதையடுத்து சந்திரசேகர் - அனுபமா தம்பதியினர், தங்களின் குழந்தையைக் கண்டித்தனர். இந்தியாவுக்கு அனுப்பி விடுவோம் என்று குழந்தையை அவ்விருவரும் அச்சுறுத்தியதாகக் கூறப்படுகிறது.

இது குறித்து தெரியவந்ததும், போலீஸôரிடம் பள்ளி ஆசிரியர்கள் புகார் தெரிவித்தனர். பெற்றோரை போலீஸôர் கைது செய்து சிறையில் அடைத்தனர். இந்த வழக்கின் விசாரணை, ஆஸ்லோ மாவட்ட நீதிமன்றத்தில் நடைபெற்றது.

விசாரணையின் முடிவில் நீதிமன்றம் தனது உத்தரவில் தெரிவித்துள்ளதாவது:÷""குழந்தையை பெல்ட் போன்ற பொருளால் தாக்கியுள்ளதும், கரண்டியை சூடுபடுத்தி காலில் சூடுபோட்டுள்ளதும் நிரூபிக்கப்பட்டுள்ளது. அதோடு, நாக்கில் சூடுபோட்டு விடுவோம் என்றும் பெற்றோர் மிரட்டியுள்ளனர். எனவே, தந்தைக்கு 18 மாதங்களும், தாய்க்கு 15 மாதங்களும் சிறைத் தண்டனை விதிக்கப்படுகிறது. இத்தீர்ப்பை எதிர்த்து 2 நாள்களுக்குள் அவர்கள் மேல்முறையீடு செய்ய அனுமதியளிக்கப்படுகிறது'' என்று தெரிவிக்கப்பட்டுள்ளது.

இத்தீர்ப்பை எதிர்த்து உடனடியாக மேல்முறையீடு செய்யப்போவதாக பெற்றோரின் வழக்குரைஞர் தெரிவித்தார்.

இந்த விவகாரம் குறித்து இந்திய வெளியுறவுத் துறை அமைச்சக அதிகாரிகள் கூறியதாவது:÷""இந்த வழக்கில் தொடர்புடைய பெற்றோருடனும், அவர்களின் வழக்குரைஞருடனும் நார்வேயில் உள்ள இந்தியத் தூதரகம் தொடர்பு கொண்டுள்ளது. தூதரக ரீதியாகத் தேவைப்படும் அனைத்து உதவிகளையும் அளிக்க நடவடிக்கை எடுத்துள்ளோம்'' என்றனர்.

தீர்ப்பு குறித்து சந்திரசேகரின் உறவினர் ஷைலேந்திரா, ஹைதராபாதில் செய்தியாளர்களிடம் கூறியதாவது:÷நீதிமன்றத்தின் இத்தீர்ப்பு ஏமாற்றமளிக்கிறது. பெற்றோர் சிறையில் அடைக்கப்பட்டால், குழந்தையைப் பராமரிக்க முடியாமல் போய்விடும். இது குழந்தைகளின் உரிமைக்கு எதிரான செயலாகும். இந்த விவகாரத்தில் இந்திய அரசு சரியாக செயல்படவில்லை. தீர்ப்புக்கு எதிராக மேல் முறையீடு செய்யவுள்ளோம். இந்திய அரசு தகுந்த நடவடிக்கையை எடுக்க வேண்டும்'' என்றார்.

செய்தி: தினமணி நாளிதழ்

யினியவன் · யினியவன் Wed Dec 05, 2012 11:30 am

கிருஷ்ணாம்மா இதைத்தான் உங்களுக்கு அன்னிக்கு சொன்னேன்.

**Muthumohamed** · **Muthumohamed** Wed Dec 05, 2012 12:32 pm

என்னங்க இது பெத்த புள்ளைய அடிக்க கூடாதா

புள்ள சரியாய் (நல்ல பழக்கங்களுடன்) வளர வில்லை என்றாலும் பெற்றோரை குற்றம் சொல்வார்கள்

யினியவன் · யினியவன் Wed Dec 05, 2012 12:41 pm

Muthumohamed wrote:என்னங்க இது பெத்த புள்ளைய அடிக்க கூடாதா

புள்ள சரியாய் (நல்ல பழக்கங்களுடன்) வளர வில்லை என்றாலும் பெற்றோரை குற்றம் சொல்வார்கள்

அதான் அவங்க ஊரு சட்டம் முகம்மத்.

நம்ம ஊர்ல தான் எப்பிடி வேணா அடிச்சுக்கலாம் - அரசாங்க கஜானாவில் இருந்து கூட அடிக்கலாம் (அதத்தான பண்றாங்க நம்மாளுங்க)

**Muthumohamed** · **Muthumohamed** Wed Dec 05, 2012 12:53 pm

யினியவன் wrote:
Muthumohamed wrote:என்னங்க இது பெத்த புள்ளைய அடிக்க கூடாதா

புள்ள சரியாய் (நல்ல பழக்கங்களுடன்) வளர வில்லை என்றாலும் பெற்றோரை குற்றம் சொல்வார்கள்
அதான் அவங்க ஊரு சட்டம் முகம்மத்.

நம்ம ஊர்ல தான் எப்பிடி வேணா அடிச்சுக்கலாம் - அரசாங்க கஜானாவில் இருந்து கூட அடிக்கலாம் (அதத்தான பண்றாங்க நம்மாளுங்க)

நல்ல அடிசுக்கட்டும் பிள்ளைகளை மட்டும்

பணத்த விட்ருங்கடா நாதாரிகள

யினியவன் · யினியவன் Wed Dec 05, 2012 1:15 pm

Muthumohamed wrote:பணத்த விட்ருங்கடா நாதாரிகள

அது முடியாதே முகம்மத்.

நாமினேஷன் பார்ம்ல முன் அனுபவம்ன்னு கேட்டு பழைய கொள்ளைகளை சான்றா காமிச்சா தான் சீட்டே தரப் போறாங்களாம் இனிமே. புன்னகை

**Muthumohamed** · **Muthumohamed** Wed Dec 05, 2012 4:00 pm

யினியவன் wrote:
Muthumohamed wrote:பணத்த விட்ருங்கடா நாதாரிகள
அது முடியாதே முகம்மத்.

நாமினேஷன் பார்ம்ல முன் அனுபவம்ன்னு கேட்டு பழைய கொள்ளைகளை சான்றா காமிச்சா தான் சீட்டே தரப் போறாங்களாம் இனிமே.

திருடரதுக்கு புது புது technic கண்டுபிடிகரனுவோ

யினியவன் · யினியவன் Wed Dec 05, 2012 5:19 pm

Muthumohamed wrote:திருடரதுக்கு புது புது technic கண்டுபிடிகரனுவோ

அவனுங்க போடல நான் சொன்னது இப்படி (ஆனா அது தானே உண்மை)

**Muthumohamed** · **Muthumohamed** Wed Dec 05, 2012 6:45 pm

யினியவன் wrote:
Muthumohamed wrote:திருடரதுக்கு புது புது technic கண்டுபிடிகரனுவோ
அவனுங்க போடல நான் சொன்னது இப்படி (ஆனா அது தானே உண்மை)

கண்டிப்பா நீங்க சொல்றதுதான் உண்மை

Sponsored content · Sponsored content

குழந்தையை மிரட்டிய வழக்கு: இந்தியப் பெற்றோருக்கு சிறை

குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

Re: குழந்தையை மிரட்டிய வழக்கு: இந்தியப் பெற்றோருக்கு சிறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக