ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

**krishnaamma** · **krishnaamma** Tue Dec 04, 2012 3:28 am

கூடலூர் : கூடலூரில் நூற்றாண்டு காலமாக மின் சப்ளை இல்லாத மேலம்பளம் ஆதிவாசி கிராமத்தில் "சூரிய மின் சக்தி சேமிப்பு நிலையம்' அமைத்து, வீடுகள், தெரு விளக்குகளுக்கு மின் சப்ளை வழங்கப்பட்டுள்ளது.

நீலகிரி மாவட்டம் கூடலூரில் ஆதிவாசி இனத்தை சேர்ந்த பனியர், குரும்பர், காட்டுநாயக்கர் மக்கள் வனப் பகுதியை ஒட்டிய குக்கிராமங்களில் வாழ்ந்து வருகின்றனர். அடிப்படை வசதியின்றி குடிசைகளில் வசித்து வந்த இவர்களுக்கு, தற்போது, அரசு தொகுப்பு வீடு உள்ளிட்ட அடிப்படை வசதிகள், இலவச கல்வி உள்ளிட்ட திட்டங்களை செயல்படுத்தி வருகிறது.ஆனால், பல கிராமங்களில் வனத்துறையின் விதிகள் காரணமாக, வீடுகளுக்கு மின் இணைப்பு வழங்க முடியாத நிலையுள்ளது. இதனால், பல ஆதிவாசி கிராமங்களுக்கு, "சூரிய மின் சக்தி' மூலம் மின் இணைப்பு வழங்க முடிவு செய்யப்பட்டுள்ளது.

முதல் கட்டமாக, மலைப் பகுதி மேம்பாட்டு திட்ட நிதியிலிருந்து, கூடலூர் ஸ்ரீ மதுரை மேலம்பளம் மற்றும் மானிமூலா பனியர் காலனியில், தலா ஒரு யூனிட்டுக்கு ஒரு கிலோ வாட் சக்தி கொண்ட "சூரிய மின் சேமிப்பு நிலையம்' அமைத்து, அதிலிருந்து வீடுகளுக்கும், தெருவிளக்குகளுக்கும் மின் சப்ளை வழங்கப்பட்டுள்ளது. இதனால், மேலம்பளம் கிராமத்தில் 28 வீடுகளிலும், மானிமூலாவில் 16 வீடுகளிலும் பயன் அடைந்துள்ளன.

தெரு விளக்குகள் மாலை 6.00 முதல் காலை 6.00 மணி வரை மட்டும் எரிந்து அனையும் வகையில், "சென்சார்' பொருத்தப்பட்டுள்ளது. கிராமத்தில், பொதுவான ஓர் இடத்தில் செல்போன் சார்ஜ் செய்யும் வசதியும் வழங்கப்ட்டுள்ளது.

திட்டம் குறித்த ஆதிவாசி மக்கள் கூறுகையில், "இத்திட்டம் எங்களுக்கு பயனுள்ளதாக இருக்கிறது; தொடர்ந்து பராமரிக்கவும், கூடுதல் மின் விளக்குகள் மற்றும் "டிவி' பயன்படுத்தும் வகையிலும், கூடுதல் மின் சப்ளை வழங்க வேண்டும்' என அப்பகுதியினர் தெரிவித்தனர். "இத்திட்டம் மின்சாரம் இல்லாத மற்ற ஆதிவாசி கிராமங்களிலும் விரிவு படுத்தப்படும்,' என வனத்துறை அதிகாரிகள் தெரிவித்தனர்.

யினியவன் · யினியவன் Tue Dec 04, 2012 3:52 am

நல்ல தொடக்கம்.

ஐயோ பாவம் அவங்களுக்கு டிவி வேணுமாம் - நீங்களும் டிவி பார்த்து கெட்டுடாதீங்க.

இந்த பதிவைத் துவங்கியவர் நன்றி கூறியுள்ளார் யினியவன்

DERAR BABU · DERAR BABU Tue Dec 04, 2012 5:02 am

சன் (சனியன் ) டிவி வேண்டவே வேண்டாம் .

**Muthumohamed** · **Muthumohamed** Tue Dec 04, 2012 8:37 am

V.BABU wrote:சன் (சனியன் ) டிவி வேண்டவே வேண்டாம் .

என்னங்க சன் டி‌வி மேல இத்தன வெறுப்பு

ஹர்ஷித் · ஹர்ஷித் Tue Dec 04, 2012 8:41 am

இன்று நீலகிரி மாவட்ட பனியர், குரும்பர், காட்டுநாயக்கர் மக்களுக்கு கிடைத்த விடியல் அனைத்து மாவட்ட மக்களுக்கும் விரைவில் கிடைக்க வேண்டும்.
தகவலுக்கு நன்றி கிரிஷ்ணாமா

DERAR BABU · DERAR BABU Tue Dec 04, 2012 8:45 am

இன்றைய அபத்தமான பல தொலைகாட்சி நிகழ்ச்சிகளின் ஆரம்பமே அவர்கள் தான்..

**Muthumohamed** · **Muthumohamed** Tue Dec 04, 2012 5:27 pm

V.BABU wrote:இன்றைய அபத்தமான பல தொலைகாட்சி நிகழ்ச்சிகளின் ஆரம்பமே அவர்கள் தான்..

தகவலுக்கு நன்றி

Sponsored content · Sponsored content

ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

Re: ஆதிவாசி கிராமங்களில் "சோலார்' சக்தியால் ஒளி: நூற்றாண்டு காலம் அவதிப்பட்ட மக்களுக்கு மகிழ்ச்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக