மாற்றுத்திறனாளிகள் தினம் ! கவிஞர் இரா .இரவி .

இயந்திரக் கால்களால் ஓடினாலும்
இளகிய நெஞ்சம் கொண்டவர்கள்
மாற்றுத்திறனாளிகள் !

மனிதநேயம் மிக்கவர்கள்
உதவிடும் உள்ளம் பெற்றவர்கள்
மாற்றுத்திறனாளிகள் !

பாரலிம்பிக்கில்
பதக்கங்கள் வெல்பவர்கள்
மாற்றுத்திறனாளிகள் !

இருகைகளின்றி
வாயால் ஓவியம்
மாற்றுத்திறனாளிகள் !

இருவிழிகள் இன்றி
விரல்களால் கல்வி
மாற்றுத்திறனாளிகள் !

அங்கத்தில் இருக்கலாம் குறை
குணத்தில் இல்லை குறை
மாற்றுத்திறனாளிகள் !

கைகளை இழந்தபோதும்
நம்பிக்கை இழக்காதவர்கள்
மாற்றுத்திறனாளிகள் !

கால்களை இழந்தபோதும்
வளரும் நாற்றாங்கால்கள்
மாற்றுத்திறனாளிகள் !

பார்வை இல்லாவிடினும்
இருக்கை பின்னுபவர்கள்
மாற்றுத்திறனாளிகள் !

நடக்க முடியாவிட்டாலும்
வாழ்க்கையில் வெல்பவர்கள்
மாற்றுத்திறனாளிகள் !

இயற்கை கால்களின்றி
செயற்கை கால்களால் சாதிப்பவர்கள்
மாற்றுத்திறனாளிகள் !

உடலால் சோர்ந்தாலும்
உள்ளத்தால் சோராதவர்கள்
மாற்றுத்திறனாளிகள் !

புறவிழி இல்லாவிடினும்
அகவிழி உள்ளவர்கள்
மாற்றுத்திறனாளிகள் !


துன்பத்திற்கு துன்பம் தந்து
இன்பமாய் வாழ்பவர்கள்
மாற்றுத்திறனாளிகள் !

உறுப்பை இழந்தபோதும்
உணர்வை இழக்காதவர்கள்
மாற்றுத்திறனாளிகள் !

சட்டத்தை மதிப்பவர்கள்
சகலகலாவல்லவர்கள்
மாற்றுத்திறனாளிகள் !

இலக்கியம் படைப்பவர்கள்
இனிய இதயம் பெற்றவர்கள்
மாற்றுத்திறனாளிகள் !

சக்கர வண்டியில் சென்றேனும்
வாழ்க்கை சக்கரம் உருட்டுபவர்கள்
மாற்றுத்திறனாளிகள் !

யாருக்கும் பாரமாக இருக்க
விரும்பாத உள்ளம் பெற்றவர்கள்
மாற்றுத்திறனாளிகள் !

தன்னம்பிக்கை மிக்கவர்கள்
தளாராத தேனீக்கள்
மாற்றுத்திறனாளிகள் !

குறையை நிறையாக்கி
குறைவில்லா உள்ளம் பெற்றவர்கள்
மாற்றுத்திறனாளிகள் !

முடங்காமல் முன்னேருபவர்கள்
சிதையாமல் சாதிப்பவர்கள்
மாற்றுத்திறனாளிகள் !

வாய்ப்பு வழங்கினால்
வெற்றிப் பெறுபவர்கள்
மாற்றுத்திறனாளிகள் !

வாழ்க்கையில் போராட்டம் நமக்கு
போராட்டமே வாழ்க்கை
மாற்றுத்திறனாளிகள் !


--

கவிதை நல்ல இருக்கு அய்யா ............

மாற்றங்கள் வரும் நீ திறன்சாலி தான் ,
வென்றிடும் காலம் நமதே ......

இவர்கள் மாற்று திறனாளிகள்
மட்டும் அல்ல
எதையும் மாற்றும் திறனாளிகள்
எல்லாம் இருந்தும்
ஒருவனால் செய்ய இயலாததை
ஏதோ ஒன்று குறைந்தாலும்
அவர்களால் செய்ய முடிகிறது
இவர்கள் திறமை சாலிகள்
மட்டும் இல்லை
பொறுமை சாலிகள் !!

கால்களை இழந்தபோதும்
வளரும் நாற்றாங்கால்கள்
மாற்றுத்திறனாளிகள் !

அருமை அருமை .

அவன் கால்கள் இல்லாமல் நடந்து போகிறான்..!
நான் காலிருந்தும் முடவனாய்..!

உடலில் உள்ள குறைகளெல்லாம் ஊனம் இல்லைங்கோ

நன்றி
அன்புடன்
கவிஞர் இரா .இரவி

jenisiva wrote:இவர்கள் மாற்று திறனாளிகள்
மட்டும் அல்ல
எதையும் மாற்றும் திறனாளிகள்
எல்லாம் இருந்தும்
ஒருவனால் செய்ய இயலாததை
ஏதோ ஒன்று குறைந்தாலும்
அவர்களால் செய்ய முடிகிறது
இவர்கள் திறமை சாலிகள்
மட்டும் இல்லை
பொறுமை சாலிகள் !!

நன்றி
அன்புடன்
கவிஞர் இரா .இரவி