இலங்கை தலைமன்னார் மக்களுக்கு 71 மில்லியன் மீன்பிடி சாதனங்களை வழங்கி இந்தியா உதவி

அச்சலா · அச்சலா Tue Dec 04, 2012 12:12 am

இலங்கையில் 2009-ம் ஆண்டு ராணுவத்திற்கும் விடுதலைப்புலிகளுக்கும் இடையே கடுமையான சண்டை நடந்தது. இப்போரில் இலங்கையில் வடக்கு மற்றும் கிழக்கு பகுதியில் உள்ள தமிழர்கள் அதிகமானோர் கொல்லப்பட்டனர். போரினால் பாதிக்கப்பட்டு அகதிகளாக அவதியுறும் தமிழர்களை மீண்டும் அவர்களுடைய சொந்த இடங்களில் குடியமர்த்தும் வேலைகளில் ஈடுபட்டு வருவதாக இலங்கை கூறிவருகிறது.

இந்நிலையில் இலங்கைக்கான இந்தியத்தூதர் அசோக். கே. கந்தா இலங்கை வடகிழக்கு பகுதி மக்களுக்கு மீன்பிடி சாதனங்களை வழங்கி பேசினார். அப்போது அவர் கூறியதாவது:-

71 மில்லியன் இலங்கை மதிப்பிற்கான 175 மீன்பிடி படகுகள் மற்றும் மீன்பிடி சாதனங்களை வடகிழக்கு பகுதி மக்களுக்கு வழங்குகிறோம். அடுத்து உள்நாட்டிலேயே அகதிகளாக்கப்பட்டுள்ள தமிழ் மக்களை மீண்டும் தங்கள் வீடுகளில் குடியமர்த்தும் வேலைகளை தொடங்குவோம்.

தலைமன்னாருக்கும் ராமேஸ்வரத்துக்கும் இடையே மீண்டும் நாட்டுப்படகு போக்குவரத்து விரைவில் தொடங்கப்படும். போரினால் பாதிக்கப்பட்டுள்ள பகுதிகளில் வடக்கு ரெயில்வேயின் மறுசீறமைப்பு பணிகள் வரும் 2013-ம் ஆண்டிற்குள் முடியும். இந்தியாவின் மிக முக்கிய பணியான வீடுகட்டும் பணியில் இதுவரை பாதிக்கப்பட்டுள்ள வடக்குப்பகுதியில் 1000 வீடுகள் கட்டி முடிக்கப்பட்டுள்ளது.

இவ்வாறு அவர் கூறினார்.

நன்றி:மாலை மலர்..

இலங்கை தலைமன்னார் மக்களுக்கு 71 மில்லியன் மீன்பிடி சாதனங்களை வழங்கி இந்தியா உதவி

இலங்கை தலைமன்னார் மக்களுக்கு 71 மில்லியன் மீன்பிடி சாதனங்களை வழங்கி இந்தியா உதவி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக